Mataos 5:17 - Kálar Nzyɛ̌m : Ejwán é Sáá

¹⁷ «Abûʼla gá ó, me á nze ó, nzě gbɛ́ɛ métié, nkʉ̂ gbɛ́ɛ mílɛ́ʼlá ógwíha o mílɔ̌b á dwe mí. Me á bé anzě gbɛ́ɛ. Me á nze ó, nzě lóŋlo.

Kálara Zyɛ̌m Edwán é mpʉ̌n

¹⁷ «Abuʼla ga ó, me a ze ó, ze gbɛɛ motie mo Moyiz, nkʉ gbɛɛ sikʉlʉ ogwiha o mɨlɔb bé a dwe bɨmpam bin ɨ. Me a baaze gbɛɛ. Me a ze ó, ze sil du me!

Mataos 5:17 ပူးပေါင်းရင်းမြစ်များ

Rôm 10:4

Mě lwib nó ó, ebě, Krîst á si gbâ nkǎ-ti ɨ́ nzɨ̌ metié, lɨ́ ekamle bʉ̂r lɨ́ ebáʼǎ cɨɨ tɨ̂. Nye á sâ nó ó, lɨ́ esú é bʉ̂r o ngá bi nkâm ɨ́ míh mé Nzyɛ̌m bá, bé díʼee baá bɨ́bɛ̂h dí edyɛ̂ʼwo e né bá.

Lʉkas 16:17

Kʉ́ e sí, byé e nkul edîm kám e kám. Sâ gwár, yé ɨ́ buú lele ó, kaŋá gwár dí ɨ́ buú twâʼwo ɨ́ metié mé Nzyɛ̌m yɨ́ dímɨɨ.»

Rôm 8:4

Nye á sia e bintɨ́ʼá ɨ́ nyʉ̂l nyé ó, nye nkʉ̂ lóŋlo ótîtyěl o bísyɛ́ɛla bíbyɛ̂h Nzyɛ̌m á boo lɛ́ɛ ó, bʉr sâʼ bí. Mɨná bi gá mepwaʼ bísyɛ́ɛla byé byaá ó, ebe mɨ́ná dí edû gá kʉ̌ tyěn Sísǐm mé Nzyɛ̌m dí etɨ́e wɨ́. Mɨná bé akǎ dû gá njwɨr myâ gá wɨ́ná.

Rôm 3:31

Ɨ́ jɔʼ bɨ́h túnó búʼó gá yɨ́ná yɨ́, nzê bɨ̌h bé lɨ́ egbɛ́ɛ métié ɛ̌? Heʼé, yé abá be nó! Bɨ̌h lɨl métié maá ó, lɨlɨ́ɨ.

Mataos 7:12

«Mbi bɨ́n dí ekpɛl ó bʉr sâʼ bɨ̌n wɨ́, sáʼ gá bé ntémé nó. Nó ó dí cɛmá ɨ́ mekaná métié, le maá ógwíha o mílɔ̌b mé Nzyɛ̌m yɨ́.»

Mataos 3:15

Yésʉs nzě yala e né ó: «Bírɨ́ɨ, yé syɛ́yɨɨ nó, ebě, yé jala ó, mɨná lóŋlaa bisyɛ́ɛla bi dí ejala le esyɛ́ɛ bí, bíbyɛ̂h.» Yʉánɛs ntɔ̂ʼ kam.

Mɨlʉmlʉ 18:13

Bé ó: «Mʉr nyâ, nyě duló bʉ̂r ó, bé dwêʼ Nzyɛ̌m kûm, abe yɨ́ɛ mpʉ métié mé Moyɨ̂z dí elɛ́ɛ yɨ́.»

Mɨlʉmlʉ 6:13

Bé ntɔ̂ʼ nze ntémé e bʉr o b'á pa búʼo nye milɔ̌b bá. Nó bʉ̂r baá bé á boʼlo ó: «Mʉr nyâ, nye lɨ́ etô dóló lɨ́ ecɨ mékǎn ɨ́ bébe bébe témé bʉr. Mekǎn mémpwár nyé lúmó mpáh Nzyɛ̌m má, mé ntémé mɛ́r ó, ti e metié mé Nzyɛ̌m!

Yʉanes 8:5

Moyɨ̂z á dwe bɨ̌h nkul etíʼe mbi mílɔ̌b mîʼ ó, bɨ̌h lúmaa mbi bʉ́bá wɨ̂ʼ mekóʼ. Gua, gǒ lɛ́ɛ́ nyá tɨ̂ʼ ɛ̌?»]

Mɨlʉmlʉ 21:28

Bê nzě bʉ̂ bítím. Bé ó: «Ywííí! Bʉr o b'Ɨ́zraɛ̂l ɔɔ́! Kɛmɨɨ gá bɨ̌h ɔ̌! Paá nzě bee gá mʉr dí elɛ́ɛ̌ lɔ́ɔ ɨ́ gúmó yɨ́yɛ̂h ó, bé síaa kúl gá yɨ́ná, le ebene métié gá mɨ́ná ti e mpáh Nzyɛ̌m nyɨ̂ʼ nyá ɛ́! Ɨ́ báánâ, nyɨ́ bánǎ níŋle ntémé bʉr o dí abe óYúden bá ɨ́ mpáh Nzyɛ̌m tʉ́ŋlʉ̌! Nyɨ́ lœ̌ʼ gúmó dí ti yɨ́ ɔ̌!»