Mataos 5:16 - Kálar Nzyɛ̌m : Ejwán é Sáá

¹⁶ Nó njʉl wɨ́n, wé ɨ́ jala le epǎn myɛ́n ɨ́ bʉr, ó bé nkʉ̂ gwa bee bísyɛ́ɛla bimpâ bín, le edwe Sɔ́ŋ wɨ́n dí ɨ́ jʉ́o kʉ́ nyá kûm tɨ̂.»

Kálara Zyɛ̌m Edwán é mpʉ̌n

¹⁶ No ó myɛn win, wé ejala le epan é bʉr, ó bé nkʉʼ gʉa bee mɨmpaŋ bɨsyɛɛla bin, le edwiibɨ Sɔŋ win ndɨ é jobo kʉ ɨ.»

Mataos 5:16 ပူးပေါင်းရင်းမြစ်များ

1 Pyɛr 2:12

Diʼee gá e kʉ̌ tyen mpâ témé ohááden. Bé damá swêʼ bɨ́n, nkʉ̂ lɛ́ɛ ó, bɨ̌n bé ɨ́ bébe, bé óbánǎ bee bísyɛ́ɛla bimpâ bɨ́n dí esâ bí, ntɔ̂ʼ dwě Nzyɛ̌m kûm tɨ̂ʼ ɨ́ móhó nyé ónze mɨ́ná gá ɨ́ menɔɔlʉ wɨ́.

Títos 2:7

Kʉ̌ tyen gô, wé díʼee mbɨ̂mbɨá ɨ́ mipáʼ mímyɛ̂h, lwɨ́ŋlá e bisyɛ́ɛla bimpâ. Dwéʼ bʉ̂r milɛ́ʼlá e léme dí abě mbáʼrá e mikóo wɨ́. Bé béyɨɨ go ntémé e medile.

Yʉanes 15:8

Sɔ́ŋ wǎm ónʉa kûm ó, ɨ́ jɔʼ bɨ́n ngá gúmo mpúmó menkû menkû, le edi ómpʉ́n bâm yɨ́.

Éfɛsɔs 5:8

Ɨ́ mimbú mí píhe, bɨ̌n bé á bɨbe ó, lɨ́ edúrʉ́ʉ́. Nó ó, ɨ́ báánâ mpʉ bɨ́n mû sí pûhla e Tî Yésʉs yɨ́, bɨ̌n mû ó ɨ́ myɛ́n. Nó ó, dúʼóó gá kʉ̌ tyen dí ejala e bʉr o dí ɨ́ myɛ́n bá wɨ́.

1 Pyɛr 3:16

Sáʼ gá nó e njwɨr ɨ́ tala tala, ndu e bʉ́á. Mipahlá mílémé mín, myé díʼee njɨ myaá mi dí ɨ́ pyɛɛɛ mí. Bɨ́n dú mbɨambɨa kʉ̌ tyen ɨ́ Krîst, bʉ̂r kǎ swêʼ bɨ́n míe náǎ tɨ̂ʼ nɛ́ɛ: bé ósûʼlǎ kǎ jóʼo sôn, ebe bé dí bʉr o mélwɨ́ɨ.

1 Pyɛr 4:14

Metyɛʼ me mpóm, mé díʼee e bɨ̌n ɨ́ jɔʼ bʉ̂r bé ópya bɨ́n ɨ́ lɔ̌b búʼó bɨ́n dí ebúʼlǎ Krîst yɨ́, ebě, Sísǐm mé Nzyɛ̌m, dí Sísǐm kûm wɨ́, wé lɨ́ edi ɨ́ bɨ̌n ɨ́ jɔʼ yaá.

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.

Títos 3:14

Yé jɨ ó, bʉr o dí ɨ́ páʼ gá wɨ́ná bá, bé jɨ́ʼɨɨ elóŋlo bísyɛ́ɛla bimpâ. Nó yaá ó bɨ́n ngá gwá súʼo báántéʼenteʼe ompâ yɨ́. Mʉ̌r sá abîr ó, nye tíʼaa ɨ́ sí yɨ̂ʼ, agúmo mpúmó.

1 Timotɛ 6:18

Lɛ́yɨ́ɨ́ óbil o bísâ baá ó, bé sâʼ embɨa. Bisyɛ́ɛla bí émbɨa byɔ́ɔ́ bíɛ, byé díʼee ɨ́ buo buo. Bé díʼee ɨ́ cǎr ó, bé súʼaa bʉr, le etô bé e mingúlá myɔ́ɔ́.

2 Korɛnt 9:13

Syɛ́ɛ́ bɨ́n ngá séa yɨ́, yé ólɛ̂ʼle bʉ̂r ó, bɨ̌n bɨ́ sul bɨ́n bʉr o tɨ̂ʼ sí, sâ méjóʼo, táare ɨ́ jɔʼ bɨ́n á kam Mbɨambɨa Lɔ́ɔ́ mé Krîst yɨ́, kumo mûh. Bʉr, bé ódwě Nzyɛ̌m kûm tɨ̂. Bé ódwe nyé kûm ntémé ó, ɨ́ jɔʼ bé óbeě mpʉ bɨ́n ngá súʼo bé e mingúlá mín, kala e bʉr bɨ́bɛ̂h yɨ́.

Éfɛsɔs 2:10

Mɨná gá bé ó bʉr ó Nzyɛ̌m á sâ e mebó mé nye mʉr tɨ̂ʼ bá. Nye á komlo mɨná gá ɨ́ nzɨ̌ mé Yésʉs-Krîst ó, mɨná díʼee gá bʉr o dí esâ nyé bisyɛ́ɛla bimpâ bá. Nzyɛ̌m mʉr tɨ̂ʼ ó b'á boo tíʼe ɨ́ lémé wé ó, mɨná sâʼ gá nye byǎ.

Ebrœ̂ 10:24

Mʉr nyɨnyɛ̂h, nye kpɛ́lɨɨ mɨ́ɔɔ́, lɨ́ esâ nyé mpam. Yé ó ngá sâ ó, mɨ́ɔɔ́ waá tôʼ le ekpɛl bʉ̂r oswîh, le ekɛm bê.

1 Pyɛr 4:11

Yé bé mʉr ólwib mílɔ̌b mé Nzyɛ̌m nó, nye lɛ́yɨɨ sá yɨ́yɛ̂h mpʉ mʉ̂r dí ekala mílɔ̌b mé Nzyɛ̌m nyá jálá le esâ yɨ́. Yé bé nyě súʼó ó bʉ́ʉ́ bʉ̂r nó, nye súʼaa bé e nkǔl Nzyɛ̌m mʉr tɨ̂ʼ á ntɨh nye nyɨ́. Nó ó Nzyɛ̌m ngá dweŋɔɔ kûm ɨ́ sá yɨ́yɛ̂h ɨ́ nzɨ̌ mé Yésʉs-Krîst yɨ́. Kûm le nkul, byé dwéŋɔɔ nye njʉ̌m dǐ e njʉ̌m dǐ. Amɛn.

1 Tesalonika 2:12

Bɨ̌h bé á si cɨ̂l bɨ̌n, le epóblo bɨ́n, le eboʼlo ó, bɨ̌n bé ɨ́ jala le edû kʉ̌ tyěn Nzyɛ̌m dí ekpɛl wɨ́. Tiʼaa gá nó, ebě, nye á jébe bɨ̌n ó, bɨ̌n níʼee ɨ́ Mpóʼo nyé, gúmó kûm nyé dí yɨ́.

1 Pyɛr 3:1

Ɨ́ jwɨʼ gwár yaá, bɨ̌n bʉbá, sáʼ gá ojʉ́m bɨ́n mejóʼo. Nyʉ́ʉ́ mʉ̂r ngwár ɨ́ sɔ́má ójʉ́m bɨ́n béné ébûʼla mílɔ̌b mé Nzyɛ̌m nó, nye óbɛ̌m kǎ bûʼla yɨ́ɛ ó, ɨ́ lɔ̌b kʉ̌ tyen mʉ́má wé dí edû wɨ́. Yé ajɨ ɨ́ páʼ mʉ́má ó, nye lɛ́yɨɨ njʉ̂m lʉ́ʉ́ ékǎn eswîh.

Mɨlʉmlʉ 9:36

Yé á bě Yópe ó e nyʉ́ʉ́ mpʉ́n mʉmá, díé lé Tabitâ. Díe laá, lé lɨ́ epâʼlɔɔ ɨ́ lwǐb grɛ̂k ó “Dɔ́rkas”: “Mpwaŋ-ebeɔɔ”. Nye á be ɨ́ jɔʼ yɨ́yɛ̂h ó, lɨ́ ebuú cwɨ́a e bʉr, le esusúʼo báántéʼenteʼe o bʉ̂r.

1 Timotɛ 5:25

Jwɨʼ gwár e gwár yaá ntémé ó bísyɛ́ɛla bimpâ dí enyɨ̂n ɨ́ sʉ́lʉ́lʉ́ yɨ́. Byé damá di anyɨ̂n ɨ́ sʉ́lʉ́lʉ́, byé abe e nkul eswab.

Mataos 5:45

Jɔʼ yaá ó bɨ́n ódi bwán mé Sɔ́ŋ wɨ́n dí ɨ́ jʉ́o kʉ́ nyá yɨ́. Nye lɨ́ esâ ó, dʉ́o lé, lé káhaa lɨ́ esú é bʉ̂r o dí ɨ́ bébe, le baá o dí ɨ́ mbɨa bá. Nzyɛ̌m, nye lɨ́ esâ ntémé ó, mpíé nwɨ́yɨɨ lɨ́ esú lé ótîtyěl le onzyɛ́h ó bʉ̂r.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

1 Timotɛ 5:10

Go ócɛmǎ kúho díe ó, waá wé óbe, wé mû sí gúmo ɨ́ páʼ bísyɛ́ɛla bimpâ wɨ́. Wé díʼee mbi mʉ́má wɨ̂: waá á gwɨ̂l bwân, nʉa ójwóo mbɨ̂mbɨá, waá á jwɨɨ bʉr o mé Nzyɛ̌m mekʉ̌, kɛm bʉ̂r o dí esia e mitúú bá, gbâ nkûl lɨ́ esâ bísyɛ́ɛla bimpâ mimbi mímyɛ̂h wɨ́.

1 Timotɛ 2:10

Bé ɨ́ jala le elɛ̂ʼle bʉ̂r kʉ̌l ó, bisyɛ́ɛla bimpâ bi dí ejala e bʉbá dí ekam ó, bé lɨ́ edwě Nzyɛ̌m kûm bá bí.

Galásia 1:24

Nó ó bʉ̂r ó Mbɛ̌r-Nzyɛ̌m baá, byé á nze dwe Nzyɛ̌m kûm ɨ́ lɔ̌b wâm.

Títos 3:4

Jɔʼ yaá ó Nzyɛ̌m, Tiʼbʉr gá wɨ́ná á ka lɛ̂ʼle mɨná mpam nyé yɨ́.

1 Korɛnt 14:25

Bijwɨʼ bí lémé wé, byé ógwíhǎ kʉ̌l. Nyé okúrwo sí, píʼe mpóm ɨ́ bibwǎh ɨ́ míh mɨ́n, lɨ́ edwě Nzyɛ̌m kûm. Nye ólɛ́ɛ ó: «Nzyɛ̌m kʉ́ bě tyeetye ó ɨ́ sɔ́má yɨ́n.»

Lʉkas 11:2

Yésʉs ntɔ̂ʼ lɛ́ɛ e bé ó: «Jɔʼ bɨ́n dí ejɨʼla yɨ́, lɛ́yɨ́ɨ́ gá ó: “Sɔ́ŋ wɨ́h, lɛ́ʼláá bʉ̂r bɨ́bɛ̂h ó, go ó Nzyɛ̌m dí ti nyá. Jwɨ́ɨ́ yô, yé ntâʼ.

Mataos 9:8

Jɔ̌ʼ sɔ́má bʉ̂r, yé á bee syɛ́ɛla yaá yɨ́, ekɛ̂n kʉ́ nzě swɨɨ bé menyʉ̂l, bé ntɔ̂ʼ dwě Nzyɛ̌m kûm, ebě, nye á be ó sí bánǎ dwe bʉ̂r nkul jwɨ́ɨ nyaá.

Mataos 23:5

Bé lɨ́ esâ bísyɛ́ɛla byɔ́ɔ́ bíbyɛ̂h ó, bʉr béyɨɨ byê. Nó ntémé ó bé dí eběʼ pɔ̌b métié mé Nzyɛ̌m yɔ́ɔ́ yɨ́, le edyɛɛ médumo míkán myɔ́ɔ́.

Mataos 6:16

«Nó ó, ɨ́ jɔʼ bɨ́n dí eti méde lɨ́ edwě Nzyɛ̌m kûm yɨ́, mʉr alwaare méncémé ɨ́ mpʉ báányâ-mikóo dí esɨsâ yɨ́. Bé lulwaare méncémé ó, lɨ́ ekpɛl élɛ̂ʼle bʉ̂r ó, bé mû ó lɨ́ eti méde. Mě lɛ́ɛ́ bɨ́n lɨ́ otyeetye ó, bɨ́ boó bi myɛ́na mɔ́ɔ́.

Mataos 23:9

Ajébe gá ntémé nyʉ́ʉ́ mʉ̂r ó: “Sɔ́ŋ wǎm”, ebě, sɔ́ŋ wɨ́n, nye ó ngwár, njɨ waá dí ɨ́ jʉ́o kʉ́ nyá.

Mataos 6:9

Jɨjɨʼlaa gá e Nzyɛ̌m ɨ́ mbi wɨ̂: “Sɔ́ŋ wɨ́h dí ɨ́ jʉ́o kʉ́ nyá, lɛ́ʼláá bʉ̂r bɨ́bɛ̂h ó, go ó Nzyɛ̌m dí ti nyá.