Mataos 5:10 - Kálar Nzyɛ̌m : Ejwán é Sáá

¹⁰ Metyɛʼ me mpóm, mé díʼee e bʉr o dí etíblɔɔ ebe bé dí etiʼe lɨ́ otîtyěl mé Nzyɛ̌m bá, ebě, Mpóʼo mé Dâ Nzyɛ̌m, nye tyélá ó, lɨ́ esú é bʉ̂r o dí mpʉ bé bá.

Kálara Zyɛ̌m Edwán é mpʉ̌n

¹⁰ Mocyɛʼ mo mpom e bʉr o ndɨ etíilɔ ebe ebò e cyen bé lé ekœʼ é l'ocɨcyel mo Zyɛm ɨ, ebe, jwɨ̀ʼa mo Da, yé mu lé ecyelɔ cyecye ó, é l'efu e bʉr o ndɨ mpʉ be e!

Mataos 5:10 ပူးပေါင်းရင်းမြစ်များ

Jacques 1:12

Metyɛʼ me mpóm, mé díʼee e mʉr dí edûhwo mébʉ́blá nyá. Ebe mʉ̂r tɨ̂ʼ síl ébóblɔɔ nó, nye óbi myɛ́na me tɨ̂: twǐʼ Tî Yésʉs á kɛʼ bʉr o dí ekpɛl nyé bá yɨ́.

2 Korɛnt 4:17

Ebě, bwá mítúú bɨ́h dí esia e myé ɨ́ báánâʼ mí, myé lɨ́ elaǎ mpʉ̌ ngúl mpáá. Mitúú myaá míɛ, myé ó sá dí esâ ó, bɨ̌h bíʼee kûm ɨ́ buo buo ngá dǐ njʉ̌m dǐ e njʉ̌m dǐ nyɨ́ yɨ́.

Mataos 5:3

Yésʉs nzě lɛ́ɛ ó: «Metyɛʼ me mpóm, mé díʼee e bʉr o dí egʉ́a ó, misísǐm myɔ́ɔ́, myé dína ó le edyêb ɨ́ páʼ mé Nzyɛ̌m bá, ebě, Mpóʼo mé Dâ Nzyɛ̌m, nye tyélá ó, lɨ́ esú é bʉ̂r o dí mpʉ bé bá.

Lʉkas 6:22

«Bɨ̌n bé e metyɛʼ me mpóm ɨ́ jɔʼ bʉ̂r nwím bɨ́n yɨ́, le ɨ́ jɔʼ bé pɨ́m bɨ́n, pya bɨ́n, le eláa bɨ́n ɨ́ sɔ́má ósyɛ̂l bé ébébe ebe bɨ́n dí ebúʼla Mwân mé Mʉr yɨ́.

2 Timotɛ 2:12

Mɨ́ná dúhwó gá mitúú nó, mɨná gá le onɔ́ɔ́ di ntémé ojwɨ́ɨ. Mɨ́ná kɛ́lá gá nye nó, nye ntémé kɛ́la mɨ́ná gâ.

Filipi 1:28

Mě kpɛl éjóʼo ntémé ó, bɨ̌n bé akǎ jóʼo ékɛ̂n lɨ́ ontɨ̂m le obɨn bɨ́n. Mpʉ bé dí ebene bɨ́n, bɨ̌n bɨɛ l'akpɛ́ɛ bé yɨ́, yé ó dǐm éswie lɔ́ɔ́, ó bé ódîm. Ɨ́ páʼ wɨ́n wɨ́ɛ, yé ó jwɨʼ dí elɛ̂ʼle ó, bɨ̌n bé e twǐʼ njʉ̌m dǐ Nzyɛ̌m dí edwe yɨ́.

Lʉkas 21:12

Nó ɨ́ jɔʼ bísâ byaá bíbyɛ̂h ngá be, byé dína apǎ pyâl yɨ́, bé ónyɛɛ́ mɛ̂r bɨ́n, le etíble bɨ́n, tô e bɨ̌n ɨ́ mempáh mínjɨʼla, lɨ́ etó pur bɨ́n le etíʼe bɨ́n milɔ̌b gʉ̂. Bé ótô e bɨ̌n ɨ́ mimbɛ̌r mímbʉʼ, le ɨ́ mempǒm me bʉ̂r onɨ́nɨ́ɨ́ ti e maá mé ójwɨ́ɨ, ɨ́ lɔ̌b wâm.

Yʉanes 15:20

Símsáá gá sá mé á lɛ́ɛ bɨ̌n yɨ̂: “Yáma, yé áláá njwɨ́ɨ wé.” Yé bé bé á si tíble mɛm nó, lɛ́ɛ́, bé ótîtible bɨ́n ntémé. Yé bé bé á si jóʼo lɛ́ʼlá wâm nó, lɛ́ɛ́, bé ójóʼo ntémé wɨ́n.

Mɨngwiha 2:10

Ayɨ́ jóʼo gá bʉ́á ɨ́ lɔ̌b bíntɨ́ʼá bé ngá dwe bɨ́n bí. Paá bee gâ: Sɔ́ŋ meleme ómɛ̂r bɨ́n bʉ́ʉ́ bʉ̂r, gbâ bé ɨ́ mbʉʼ, lɨ́ edǐ bóblo bɨ́n. Bɨ̌n bé ósia e mitúú, tó kumo ɨ́ melû kám. Gwá baʼle gá búʼó, tó kumo lɨ́ eswie. Sá tɨ̂ʼ ó mé ódwe bɨ́n twǐʼ njʉ̌m dǐ yɨ́. Bɨ̌n bé óbi myɛ́na maá, mpʉ̌ nkɔ́ɔ́ dí ebórɔɔ̌ káráá yɨ́.

2 Timotɛ 3:11

Go lɨ́ egʉ́ǎ mpʉ bé á tíble me, le edwe mé mitúú yɨ́. Bé á tíble me nó ó, Antiôs, Ikóniʉm, ndu e Lístra. Go lɨ́ egʉ́a mímbi bé á tíble me, mɛm njɨ lɨ́ edûhwo mí. Tó kœb ó, Tî Yésʉs á si dwih me ɨ́ tíblá yɨ́yɛ̂h.

Mataos 25:34

Jɔʼ yaá, njwɨ́ɨ ólɛ́ɛ e baá o dí nye ɨ́ mbó éjʉ́m bá ó: “Ntáʼ gâ, bʉr o Sɔ́ŋ wǎm á sʉ metyɛʼ me mpóm bá. Ntaá nzě nî gá ɨ́ sí nyé á boo komlo bɨ̌n, táare ɨ́ jɔʼ kʉ́ e sí, byé á be apǎ bě kuhá yɨ́.

Lʉkas 6:20

Nó nyé á nze dwɛ̂ʼ nko ómpʉ́n bé, bé á be yɨ́, nzě lɛ́ɛ e bé ó: «Metyɛʼ me mpóm, mé díʼee e bɨ̌n, baántéʼenteʼe o bʉ̂r. Mpóʼo mé Nzyɛ̌m á tyélɔɔ ó, lɨ́ esú é bʉ̂r o dí mpʉ bɨ́n bá.

Mataos 10:23

Bé óntɨ̂ʼ bɨ́n ɨ́ yɨ̂ʼ nkana nó: kpɛ́yɨ́ɨ́ gâ, tô ɨ́ yʉ́ʉ́. Mě lɛ́ɛ́ bɨ́n lɨ́ otyeetye ó, Mwân mé Mʉr, nye óbáʼǎ pyâl, bɨ̌n dína apǎ kumo bínkana bí Ɨ́zraɛ̂l bíbyɛ̂h.

1 Yʉanes 3:12

Mɨná bé ayɨ́ be gá mpʉ mé Kayɨ̂n. Nye á duho ó kwá mé Sátan. Nye nzě jʉ̂ mɨ́ɔɔ́ wé, Ábɛl. Nye á pʉgʉ jʉ̂ nye ɨ́ wáǎ lɔ̌b? Ebě, bisyɛ́ɛla mé Kayɨ̂n, byé á be ó, onzyɛ́h ónzyɛ́h; byaá me mɨ́ɔɔ́ wé, tîtyěl.

Mɨlʉmlʉ 8:1

Saʉ̂l nzě kam éswie mé Étiene. Ɨ́ móhó ngwár e ngwár waá, bê nzě nyɛl étíblě Mbɛ̌r-Nzyɛ̌m Yerʉ́zalɛm ɨ́ dwíííá. Obûʼla bɨ́bɛ̂h, pɛ̌ʼ njɨ bʉr o mílʉ́mlʉ́ mé Yésʉs, bê nzě gbɛha ɨ́ mekwár mé sí Yʉ́da ti e maá mé sí Samarî.

Mɨlʉmlʉ 5:40

Bʉr ó gwɨ́hlá nzě kamɔɔ. Bê nzě jébe bʉ̂r o mílʉ́mlʉ́, bíŋɔɔ bê, gbáŋɔɔ bé mpéné ó, bé l'anyamlě kǎ báʼǎ lwib ɨ́ díé mé Yésʉs, ntɔ̂ʼ bírɔɔ bê.

Mataos 19:14

Jɔʼ yaá ó Yésʉs á nze lɛ́ɛ e bé ó: «Bírɨ́ɨ́ gá bwá ó ntwǒm, bé ntâʼ nko mé dí yɨ́. Ayɨ́ so gá bê, ebě, Mpóʼo mé Dâ Nzyɛ̌m, nye tyélá ó, lɨ́ esú é bʉ̂r o dí mpʉ bé bá.»

Markus 10:14

Mpʉ̌ Yésʉs á bee nó yɨ́, nye ntɔ̂ʼ jóʼǒ syɛ́ɛla yaá ebébe. Nye e bé ó: «Bírɨ́ɨ́ gá bwá ó ntwǒm, bé ntâʼ nko mé dí yɨ́. Ayɨ́ so gá bê, ebě, Mpóʼo mé Nzyɛ̌m, nye tyélá ó, lɨ́ esú é bʉ̂r o dí enwɨɨla e bé bá.

Lʉkas 22:29

Mpʉ̌ Dâ á dwe me nkul jwɨ́ɨ ɨ́ páʼ Mpóʼo nyé yɨ́, mɛm ntémé, me mû ó lɨ́ ekab bɨ́n nkul jwɨ́ɨ ɨ́ Mpóʼo mpwár nyaá,

Jacques 5:11

Mɨná lɨ́lɛ́ɛ́ gá ó, mʉr á dûhwo mitúú e bíhwó nyá, nyě e metyɛʼ me mpóm. Bɨ̌n bé á be ó sí jóʼǒ mpʉ̌ Job nyɨɛ á dûhwo mitúú yɨ́. Bɨ̌n ntémé bé lɨ́ egʉ́ǎ mpʉ̌ Dâ Nzyɛ̌m á ka sâ nye mpam lɨ́ epíhé yɨ́, ebě, Dâ Nzyɛ̌m, nyě e njɨ́ʼá nkóó. Nye ɨ́ buú cwɨ́a e bʉr.