Mataos 4:9 - Kálar Nzyɛ̌m : Ejwán é Sáá

⁹ Nye e né ó: «Gó ókúrwo sí, píʼe mpóm ɨ́ mpǒm nyǎm, dwe mé kûm nó, me ódwe gó bisá bîʼ bíbyɛ̂h.»

Kálara Zyɛ̌m Edwán é mpʉ̌n

⁹ Njwɨɨ moleme, nye e nye ó: «ǃGo si bɨʼ mpom go si é mih mam, lé edwiibɨ me wa, me kʉ dwe go bɨsa biʼ bibyɛh.»

Mataos 4:9 ပူးပေါင်းရင်းမြစ်များ

2 Korɛnt 4:4

Bʉr o dí abûʼla bá, bé lɨ́ elúʼo pɨ̂ʼ dí ó, bé jóʼaa lɔ́ɔ́ wɨ́h, bûʼla wê, ebě, nzyɛ̌m sí yɨ̂ʼ á si dímle bé pɨʼ nyaá. Nyě sá nó ó, nye kámlaa bé lɨ́ ebee mímbah mi dí epan, duho ɨ́ mentyɛnwa mé Krîst mí. Nyě sá nó ó, bé ámû jaá bee méntyɛnwa maá ɨ́ Mbɨambɨa Lɔ́ɔ́ mé Yésʉs, bé ntɔ̂ʼ gʉ́a ó, Yésʉs ó dí gulo mé Nzyɛ̌m.

Mɨngwiha 19:10

Ejóʼo mé á kʉ jóʼo nó yɨ́, me ntɔ̂ʼ kúrwo sí, píʼe mpóm ɨ́ bibwǎh ɨ́ mpǒm nyé, lɨ́ edwe nyé kûm. Nye nzě lɛ́ɛ e me ó: «Sá asâ nó. Me ntémé, me ó syɛ̂l mesâ mé Nzyɛ̌m mpʉ bɨ́n e bɨ́ɔɔ́ bô dí nɨ̌. Mɨná bɨ́bɛ̂h, bé lɨ́ ebúʼla gá lɔ́ɔ́ Yésʉs á túno wɨ́. Gúmláá sɔ̂ʼ njɨ Nzyɛ̌m.» Lɔ́ɔ́ Yésʉs á túno wɨ́, wé ó b'á dwe ogwíha o mílɔ̌b nkul Sísǐm ó, bé lwíbɨɨ.

Yʉanes 16:11

Nye ólɛ̂ʼle bé tíʼá mílɔ̌b mé Nzyɛ̌m, ebě, Nzyɛ̌m, nyɨ́ boó tíʼě lɔ̌b me njwɨ́ɨ sí yɨ̂, le edwe nyé mebě.

1 Timotɛ 3:6

Nyé ajala le ebe mʉ̂r alúno dwirǎ léme, nî ɨ́ búʼó nyá. Yé ámû jaá sâ ó, nye nkɛ́yɨɨ nyʉ̂l. Nyé odumǎ mpʉ̌ sɔ́ŋ meleme á duma yɨ́. Nyé osia e bintɨ́ʼá bimpwár ntémé sɔ́ŋ meleme á sia e byé bí.

Mɨngwiha 19:16

Bé á si cɛma díé lé ɨ́ kán wé, le kʉ̌ wé. Bé á cɛma ó: Njwɨ́ɨ ojwɨ́ɨ, le Tî otî.

Yʉanes 14:30

Me ákǎ báʼǎ buú lwib e bɨ̌n, ebě, njwɨ́ɨ sí yɨ̂, nye mû ó lɨ́ enze. Nyé abe e nkul ejwɨ́ɨ mɛ̂m yɨ́ɛ.

Yʉanes 13:3

Yésʉs mʉr tɨ̂ʼ á be lɨ́ egʉ́a ó, nye á duho ó kwá mé Nzyɛ̌m. Nye ntémé óbúla kwá mé Nzyɛ̌m. Nó ntémé, Nzyɛ̌m á be ɨ́ gbâ sá yɨ́yɛ̂h sí jwɨ́ɨ́ yé.

Yʉanes 12:31

Báánâʼ mû ó jɔ̌ʼ lɔ̌b sí yɨ̂ʼ múo nzě tîʼ yɨ́. Ɨ́ báánâ, njwɨ́ɨ sí yɨ̂, múo nzě soŋɔɔ.

Mataos 26:15

Nye ó: «Bɨ̌n bé ódwe mé yé, mé bɛ́má bɨ́n Yésʉs nó?» Bé ntɔ̂ʼ kɛʼ nyé minzaŋ mí mɔnɨ́ mekám mélɛ̂l.

Mataos 4:10

Yésʉs ntɔ̂ʼ yala e né ó: «Sátan, duhaa mé ɨ́ mîh. Ebě, yê cɛmá ntémé ó: “Dwéʼ Dâ, dí Nzyɛ̌m gǒ nyá, kûm. Go e dwé dúu, njɨ nye omér.”»