Mataos 4:3 - Kálar Nzyɛ̌m : Ejwán é Sáá

³ Mbôblobʉr ntɔ̂ʼ pyâl gúmó Yésʉs á be yɨ́. Nye e né ó: «Yé bé go ó Mwân mé Nzyɛ̌m nó, lɛ́yɨ́ɨ́ mékóʼ mâʼ ó, mé líŋaa mede.»

Kálara Zyɛ̌m Edwán é mpʉ̌n

³ Satan ze pyal gumo Yesʉs a be e. Nye e nye ó: «Yé be ó, go ó Mwan mo Zyɛm nɛʼɛ, lɛŋɨ mokoʼ maʼ ó, mé lihba bɨbler.»

Mataos 4:3 ပူးပေါင်းရင်းမြစ်များ

1 Tesalonika 3:5

Nó ó mpʉ mé á be akǎ be e nkul edûhwo yɨ́, yé ó mé á lómo Timotɛ̂ ó, me gʉ́ŋaa tyé búʼó yɨ́n mû yɨ́. Léme, wé á si koro me ɨ́ lɔ̌b wɨ́n, ó yʉ́ʉ́ jɔʼ, mpʉ̌ Sátan á bóblo bɨ̌n yɨ́, bɨ̌n bé á si to dîm ɨ́ nyʉ́ʉ́ nzɨ́ swîh. Me á syɛl bá ntémé ó, yʉ́ʉ́ jɔʼ, syɛ́ɛ́ bɨ́h á séa páʼ nyɨ́n yɨ́, yɨ́ dwě ntuʼ.

Mɨngwiha 2:10

Ayɨ́ jóʼo gá bʉ́á ɨ́ lɔ̌b bíntɨ́ʼá bé ngá dwe bɨ́n bí. Paá bee gâ: Sɔ́ŋ meleme ómɛ̂r bɨ́n bʉ́ʉ́ bʉ̂r, gbâ bé ɨ́ mbʉʼ, lɨ́ edǐ bóblo bɨ́n. Bɨ̌n bé ósia e mitúú, tó kumo ɨ́ melû kám. Gwá baʼle gá búʼó, tó kumo lɨ́ eswie. Sá tɨ̂ʼ ó mé ódwe bɨ́n twǐʼ njʉ̌m dǐ yɨ́. Bɨ̌n bé óbi myɛ́na maá, mpʉ̌ nkɔ́ɔ́ dí ebórɔɔ̌ káráá yɨ́.

Mataos 3:17

Píe tɨ̂, nyě kǎ jóʼo ó, etyêl nzě duho ɨ́ jʉ́o kʉ́, lɨ́ elɛ́ɛ ó: «Nyâ, nye ó mwân wǎm mé dí ɨ́ buú kpɛl nyá. Sʉhʉʉ yâm yɨ́yɛ̂h, yé e né.»

Ebrœ̂ 12:16

Gwá di gá le ocwóó. Mʉr asâ bímolá. Mʉ̌r sá asâ nkěh ɨ́ nkǒ páʼ mílɔ̌b mé Nzyɛ̌m ɨ́ mpʉ̌ Esô á sâ yɨ́. Nye á si dwɛ́na dǐ tʉ́l yé, dwe ntwóm, lɨ́ esyɛ́ɛla yé lɨ́ esú lé énʉa mâ kǎr méde!

Mɨlʉmlʉ 9:20

Píe tɨ̂, nye nzě táare élɛ́ɛ̌ lɔ́ɔ́ dí edumo e Yésʉs wɨ́ ɨ́ mempáh mínjɨʼla mé óYúden. Nye á lɨlɛ́ɛ e bé ó, Yésʉs ó dí Mwân mé Nzyɛ̌m.

Lʉkas 4:9

Sɔ́ŋ meleme nzě báʼǎ nʉa nyê, nzě tô e né ɨ́ Yerʉ́zalɛm, nzě tyêl nyé ɨ́ mié mpáh Nzyɛ̌m kʉ́. Nye e né ó: «Yé bé go ó Mwân mé Nzyɛ̌m nó, lyáháa! Ebě, yê cɛmá ó:

Lʉkas 4:3

Sɔ́ŋ meleme ntɔ̂ʼ lɛ́ɛ e Yésʉs ó: «Yé bé go ó Mwân mé Nzyɛ̌m nó, lɛ́yɨ́ɨ́ e mekóʼ mâʼ ó, mé líŋaa mede!»

Mataos 14:33

Bʉr o b'á be ɨ́ byɛ̂l bá, bê nzě bɨʼɔɔ mébóó mɔ́ɔ́ sí lɨ́ edwě Yésʉs kûm. Bé e né ó: «Go ó kwahaá Mwân mé Nzyɛ̌m tyeetye!»

Mataos 16:16

Simon Pétrus ntɔ̂ʼ yala ó: «Go ó Mʉ̌r Nzyɛ̌m á lœm múló mé jwɨ́ɨ nyá. Go ó Mwân mé Nzyɛ̌m dí kublakúbla nyá.»

Mataos 26:63

Yésʉs á jaa di ó, njɨ ɨ́ mes. Nó ó njwɨ́ɨ opara á nze lɛ́ɛ e né ó: «Me lɨ́ entɛŋ gó minkâl ɨ́ díé mé Nzyɛ̌m dí kublakúbla nyá ó, go lɛ́yɨɨ bɨ̌h, nkʉ̂ go ó dí Mʉ̌r Nzyɛ̌m á lœm múló mé jwɨ́ɨ nyá, mʉr dí Mwân mé Nzyɛ̌m nyá?»

Markus 1:1

Metááré mé Mbɨambɨa Lɔ́ɔ́ mé Yésʉs-Krîst, [Mwân mé Nzyɛ̌m], mé ó mâ.

Markus 3:11

Bʉr o mímbɨ́a mísísǐm, myé á nzɨnzamra bá, ɨ́ jɔʼ bé á bɨbee nye yɨ́, bé á bɨbe ó, lɨ́ ebɨʼ mébóó mɔ́ɔ́ sí ɨ́ mpǒm nyé, le ebʉ́ŋɔɔ bítím kʉ́kʉ́ ó: “Go ó Mwân mé Nzyɛ̌m!”

Markus 5:7

ntɔ̂ʼ bʉ̂ bítím kʉ́ kʉ́. Nye e né ó: «Gǒ sáá yé e me, Yésʉs, Mwân mé Nzyɛ̌m dí Lʉ́ bísá bíbyɛ̂h nyá? Me lɨ́ ejɨʼla e go ɨ́ díé mé Nzyɛ̌m: ayɨ́ dwe mé ntɨ́ʼá!»

Lʉkas 1:35

Nó ó éngeles á nze yala e né ó: «Yé óbe ó: Sísǐm mé Nzyɛ̌m ó ngá sulo ɨ́ go. Nzyɛ̌m dí Lʉ́ bísá bíbyɛ̂h nyá, nkul nyé, nye ógbâ gó sí pyóo nyé. Sá tɨ̂ʼ ó mwân ti gó óbyâ nyá, ójwɨrɔɔ “Mwân mé Nzyɛ̌m” yɨ́.

Lʉkas 4:41

Meleme ɨ́ buo buo, mé á be ó lɨ́ eduho bʉ̂r ɨ́ menyʉ̂l. Mé á si bʉ̂ bítím, lɛ́ɔɔ ó: “Go ó Mwân mé Nzyɛ̌m!” Nó ó Yésʉs á nze nkáŋla e meleme maá, pɨr mé lwǐb, ebě, meleme maá, mé á si kʉ gʉ́a ó, nye ó dí Mʉ̌r Nzyɛ̌m á lœm múló mé jwɨ́ɨ nyá.

Lʉkas 22:70

Nó ó bɨ́bɛ̂h bé á nze dî ó: «Go lɛ́ɛ́ yé? Nzê go lɛ́ɛ́ ó, go ó dí Mwân mé Nzyɛ̌m ɛ̌?» Nye ó: «Yé ó mpʉ bɨ́n dí elɛ́ɛ̌ nɨ̌: me ó dí nye.»

Yʉanes 1:34

Me á si bana bee nó. Nó ó mé dí eboʼlo ó, mʉr nyâ, nye ó kwahaá Mwân mé Nzyɛ̌m yɨ́.»

Yʉanes 1:49

Natanaɛ̂l, nye e né ó: «Lɛ̂ʼla, gǒ tyeetye ó Mwân mé Nzyɛ̌m. Go ó dí Njwɨ́ɨ Ɨ́zraɛ̂l.»

Yʉanes 9:35

Yésʉs ntɔ̂ʼ jóʼo ó, mʉr nyé á tiʼ nyá, bé á be ɨ́ so nyé ɨ́ mpáh minjɨʼla nyɔ́ɔ́. Nye nzě bɔma e né. Nye e né ó: «Nzê go lɨ́ edyɛ̂ʼwo e Mwân mé Mʉr ɛ̌?»

Yʉanes 20:31

Sá mé mû sí cɛma bɨ́n ɨ́ mekaná mâʼ yɨ́, yé ó, bɨ̌n bûʼlaa ó, Yésʉs ó dí Mʉ̌r Nzyɛ̌m á lœm múló mé jwɨ́ɨ nyá, nye ntémé, nye ó Mwân mé Nzyɛ̌m. Bɨ́n sí dyɛ̂ʼwo e né nó, bɨ̌n bé óbǐ twiʼ ɨ́ nzɨ̌ nyé.

2 Korɛnt 1:19

Ebě, Yésʉs-Krîst, Mwân mé Nzyɛ̌m, nye ó waá bɨ́h á lɛ́ɛ lɔ́ɔ́ wé páʼ nyɨ́n nyá. (Náǎ, yé á be ó bɨ̌h e Silâs ti e Timotɛ̂.) Nzyɛ̌m á bé acâb ɨ́ jɔʼ nyé á lwib e mɨná gá yɨ́. Nye á bé alɛ́ɛ «Eee!» ti e «Heʼé!» ɨ́ jɔʼ gwár. Nye á jaa lɛ́ɛ ó, njɨ: «Eee!»

Galásia 2:20

Ntʉ mé dí etiʼe ɨ́ báánâ. Yésʉs-Krîst ó dí etiʼe tʉ́ŋlʉ̌ nyʉ̂l nyǎm. Twiʼ mé dí etiʼe ɨ́ sí yɨ̂ʼ yɨ́, mě tiʼé yé ó, njɨ ebe mé dí edyɛ̂ʼwo e Mwân mé Nzyɛ̌m. Nye á si kpɛl me, nzě syɛ́ɛlǎ twiʼ yé lɨ́ esú é twiʼ yâm.

Ebrœ̂ 4:14

Mɨná gá bé e ánɨ̂nɨ̂n njwɨ́ɨ opara: Yésʉs, Mwân mé Nzyɛ̌m. Nye á si ntaa jʉ́o, le ejwoo le baántɛ́n, tó di ɨ́ jʉ́o kʉ́. Nó, mɨná tôʼ gá dóló le ekǎm búʼó gá yɨ́ná.

Ebrœ̂ 7:3

Yé abe e mʉr ngwár dí egʉ́a sɔ́ŋ, nkʉ̂ nyɔ̌ŋ mé Mɛlkisédɛk, nkʉ̂ ntán yé. Mʉr, nyé agʉ́ǎ mpʉ̌ Mɛlkisédɛk á byɛ̂l yɨ́, agʉ́a ntémé nkʉ̂ nye á si dwe. Nyě nwɨɨlá ó e Mwân mé Nzyɛ̌m. Nyě dǐ ɨ́ dǐ pára yé ó, njʉ̌m dǐ e njʉ̌m dǐ.

1 Yʉanes 3:8

Mʉr dí etô dóló le esâ syóm nyá, nye ó mʉr mé sɔ́ŋ meleme, ebě, sɔ́ŋ meleme ó dí etín é mísyóm, boó duho ó duháa ɨ́ menyɛ̌l, kumo mûh ɨ́ dʉ́ó lɨ̂. Tó kœb ó, Mwân mé Nzyɛ̌m á nze nyɨ̂n ɨ́ sí yɨ̂ʼ ó, nye nkʉ̂ gbɛ́ɛ bísyɛ́ɛla mé sɔ́ŋ meleme.