Mataos 4:25 - Kálar Nzyɛ̌m : Ejwán é Sáá

²⁵ Mentumo me bʉ̂r, mé á be ó lɨ́ edûdu nyé duhǒ sí Galilê, bʉ́ʉ́ duhǒ sí Dekapôl, bâʼ duhǒ Yerʉ́zalɛm le sí Yʉ́da. Bʉ́ʉ́ duhǒ pɨ̌n díbé Yɔrdên kɔ́m nkɛ́ɛ́.

Kálara Zyɛ̌m Edwán é mpʉ̌n

²⁵ Momɛl mo bʉr, mé a be ó lé edu nye é koo pihe, baʼ duho Galɨle, bʉʉ duho lal ndɨ e bɨnkana ewʉm ɨ, bʉʉ nteme duho nkana Yerʉsalɛm le lal Yʉda le é pɨn dibe Yʉrdɛŋ nkɔm-nkɛɛ.

Mataos 4:25 ပူးပေါင်းရင်းမြစ်များ

Lʉkas 6:17

Jɔ̌ʼ Yésʉs, bé le ompʉ́n bé, bé á sulo lɨ́ ecwɨ̂ʼ, pyálɔɔ̌ gúmó dí ɨ́ bɛɛ́ɛ yɨ́, bê nzě bɔma le ompʉ́n ɨ́ buo buo. Yé á be ntémé ó le entumo e bʉ̂r. Bâʼ á duho ó ɨ́ Yerʉ́zalɛm ndu e mekwár mé sí Yʉ́da. Bʉ́ʉ́ duho bínkana bibá byé á be lɨ́ ebʉ́m é mâŋ bí, Tîr e Sidɔ̂n.

Markus 5:20

Nó nyé á tô ɨ́ sí Dekapôl, tô le elɛ́ɛ bʉ̂r o bínkana bi tɨ̂ʼ sá yɨ́yɛ̂h Yésʉs á sâ nye yɨ́. Bʉr bɨ́bɛ̂h, bê nzě kâm lɔ́ɔ́ wé waá.

Markus 7:31

Nó ó Yésʉs á baʼa duhǒ sí Tîr, ntɔ̂ʼ tó cɨɨ yaá Sidɔ̂n, nzě báʼǎ sulo lɨ́ ebʉ́m é máŋ mé Galilê, lɨ́ etó ntaǎ sí Dekapôl.

Lʉkas 6:19

Mʉr nyɨnyɛ̂h ɨ́ sɔ́má bʉ̂r baá á be lɨ́ esáa édǐ kúna e né ɨ́ lɔ̌b nkûl á duduho ɨ́ nye, nyé á be e né ɨ́ nyʉ̂l nyɨ́. Nye á si tiʼ bɨ́bɛ̂h.

Markus 6:2

Jɔ̌ʼ móhó sábat, wé á pyâl yɨ́, nye ntɔ̂ʼ táare édwe bʉ̂r milɛ́ʼlá ɨ́ mpáh minjɨʼla. Bʉr ɨ́ buo buo bé á jóʼo sá nyé á lɨlɛ́ɛ yɨ́ bá, bé á be ɨ́ buú kâm, le elɛ́ɔɔ ó: «Wɨ̂ʼ mbǐ sɔ̂ʼ, wé duho nyé nkoó? Nye á nʉa wɨ̂ʼ ócwóó le mâʼ mésimá ménɨ́nɨ́ɨ́ nyé dí esâ mâʼ wó?

Mataos 19:2

Bé e bʉr, entúúnó-é-nkáá. Nye ntɔ̂ʼ tiʼ mímbêl myé á be ɨ́ sɔ́má yɔ́ɔ́ mí.

Mataos 12:15

Mpʉ̌ Yésʉs á gʉ́a jwɨʼ yaá yɨ́, nye ntɔ̂ʼ duho ɨ́ sûm yaá. Bʉr ɨ́ buo buo nzě dû nyê. Nye nzě tiʼ mímbêl mímyɛ̂h myé á be tɨ̂ʼ mí.

Mataos 8:1

Yésʉs nzě sulo lɨ́ ecwɨ̂ʼ, bé e bʉr, entúúnó-é-nkáá.

Mataos 5:1

Mbeá Yésʉs á bee entumo e bʉ̂r yɨ́, nye ntɔ̂ʼ bére lɨ́ ecwɨ̂ʼ kʉ́, di sí. Ompʉ́n bé, bê nzě sîhlě gúmó nyé á be yɨ́.

Mataos 4:15

“Bʉr ó Zabulôn, bʉr ó Nɛftalî, bɨ̌n ó dí nko mâŋ dí yɨ́. Bɨ̌n ó dí ɨ́ mipɨ̌n mí díbé Yɔrdên. Bʉr ó Galilê, ɨ́ nko bʉ̂r o bíkûl e biloo dí edi yɨ́!