Mataos 4:24 - Kálar Nzyɛ̌m : Ejwán é Sáá

²⁴ Nó ó kûm nyé á nze myaŋla ɨ́ sí Sirî yɨ́yɛ̂h yɨ́. Bê nzě nze le mimbêl kwá nyé: baá bé á be lɨ́ ejaʼra le meswie le mekpaa mimbi mimbi bá, bʉr o méleme, mé á nzɨnzamra bá, baá bé á sîsile bʉ̂ʼ bá, le mimbʉ́mbʉ́ʼ. Nye nzě tiʼ bê.

Kálara Zyɛ̌m Edwán é mpʉ̌n

²⁴ No ó lɔɔ waa, wé a ze jʉŋla mpʉ kol eboʼ, jala lal Siria wiwɛh. Bé ze ze e mɨsyoblʉ boo nye: baa b'a be lé ejaʼra e mosyɛb e mokpaa mɨmbi mɨmbi ɨ, bʉr o b'a sia e moleme e, baa b'a sile-sile bʉʼ ɨ, le mɨsyoblʉ myé a be-be mɨmbʉmbʉʼ é mɨtɔɔ ɛ. Nye ze tiʼ be.

Mataos 4:24 ပူးပေါင်းရင်းမြစ်များ

Mataos 17:15

Nye e né ó: «Dâ ɛ̌, jɨ́ʼɨ́ɨ́ mwân wǎm nkoó, ebě, nye ó nzwoó, lɨ́ esílě bʉ̂ʼ. Nyě sɨ́sá ó, duma ɨ́ muró, nkʉ̂ ntémé ɨ́ medíbé.

Mataos 8:6

«Dâ ɛ̌, syɛ̂l mesâ dí me mpʉ mwân nyá, nye ó mbʉ́mbʉ́ʼ, njáʼ sí ɨ́ mbɛ̌r. Ekpaa, lɨ́ ntaa nyé ɨ́ nkul.»

Lʉkas 5:15

Damá jóʼǒ mpʉ̌ Yésʉs á lɛ́ɛ nye nó yɨ́, lɔ́ɔ́ mʉ̂r waá, wé á si bu myaŋla, tó pyâl ɨ́ jɔʼ éntumo e bʉ̂r lé á swâl, lɨ́ enzě jôʼlo mílɛ́ʼlá mé Yésʉs, le enzě sáa ntémé ó, nye pɛ́ʼɛɛ mekpaa mɔ́ɔ́ yɨ́.

Lʉkas 2:2

Nó yé á be ó jɔʼ ésôʼ ó bé láŋaa bʉr mbi waá yɨ́. Yé á be ó, ɨ́ jɔ̌ʼ Kirínios á be ngóvina ɨ́ sí Sirî yɨ́.

Mataos 17:18

Bê nzě nze e mwân. Yésʉs ntɔ̂ʼ nkáŋla le eleme, lé ntɔ̂ʼ duho. Táare lɨ́ ewala egwár laá, tô dóló, loʼo yaá ntɔ̂ʼ tiʼe.

Mataos 15:22

Á dwií tɨ̂ʼ nɛ́ɛ: mʉmá Kanân nzě duho kwár nyaá, nzě bʉ̂ bítím, le elɛ́ɛ e né ó: «Dâ ɔ́, Mwâ mé David ɔ́, jɨ́ʼɨ́ɨ́ mé ekpaa nkóó ɔ̌! Sile wâm, wé ɨ́ bébebébe tyé. Eleme, lé lɨ́ ebuú nzamra wê!»

Mataos 12:22

Bʉ́ʉ́ bʉ̂r, bê nzě tô e mʉr kwá mé Yésʉs. Mʉr waá á be ó ántím, nye ntémé ányâ-emúmó, duho lɨ́ eleme lé á nzamra nye lɨ́. Yésʉs ntɔ̂ʼ tiʼ mʉ̂r waá. Píe tɨ̂, mʉr waá ntɔ̂ʼ táare ébee le elwib.

Mɨlʉmlʉ 10:38

Bɨ̌n bé lɨ́ egʉ́a ntémé mpʉ̌ Nzyɛ̌m á lœm Yésʉs, mʉr Nazarɛ̂t, Sísǐm wé, le edwe nyé ánɨ̂nɨ̂n nkul yɨ́. Bɨ̌n bé lɨ́ egʉ́a ntémé mpʉ̌ Yésʉs á tye mésí e mésí, lɨ́ etô le esâ émbɨa, le etiʼ baá bɨ́bɛ̂h bé á jɨjaʼra e mpél mé sɔ́ŋ meleme bá yɨ́, ebě, bé e Nzyɛ̌m ó b'á be.

Mɨlʉmlʉ 15:23

Bé á lómo bé ó, bé tôʼ tímle bé mekaná mâ: Yé ó bɨ̌h, bʉr o mílʉ́mlʉ́, otyɛ̂b bé ésôʼ ó Mbɛ̌r-Nzyɛ̌m le bɨ́ɔɔ́ bɨ́n ɨ́ Krîst ó dí ecɛma bɨ́n mekaná mâ. Bɨ̌h cɛmá ó, bʉr ó Antiôs, le baá ó Sirî ti e baá ó Silisía bé á be abyɛ̂l oYúden bá. Bɨ̌h bé lɨ́ esoho bɨ́n!

Markus 2:3

Di ɨ dididi, bʉ́ʉ́ bʉ̂r onâ nzě pyâl épíhe kwá mé Yésʉs, lɨ́ enze le enkɛ́ɛ̌ mbʉ́mbʉ́ʼ ɨ́ myɛɛla.

Markus 1:32

Ɨ́ bíí kʉ̌ʼ yaá, bʉr ntɔ̂ʼ tô kwá nyé e mimbél myɔ́ɔ́ mímyɛ̂h le bʉr o méleme, mé á nzɨnzamra bá.

Mataos 4:23

Nó ó Yésʉs á to le etye ɨ́ bigúmó bí sí Galilê bíbyɛ̂h, tô le edwe bʉ̂r milɛ́ʼlá ɨ́ mempáh mínjɨʼla, le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ bʉ̂r o b'á bíle mekpaa mɨ́mɛ̂h bá. Nye á si tiʼ bʉr o bídyɛ̂m bíbyɛ̂h tʉ́ŋlʉ̌ kúl bʉ̂r yé.

Mɨlʉmlʉ 15:41

Nó ó bé á nze tô, tô le elaa ɨ́ sí Sirî le yaá Silisía, lɨ́ egbɨ̂gba bʉ̂r ó Mbɛ̌r-Nzyɛ̌m pîm ɨ́ búʼó, bigúmo bigúmo.

Lʉkas 4:14

Yésʉs ntɔ̂ʼ tô sí yé Galilê, nye mû lwɨ́ŋlá e nkul Sísǐm mé Nzyɛ̌m. Bʉr nzě jʉŋlǎ lɔ́ɔ́ wé á dumo e né wɨ́ ɨ́ sí yaá yɨ́yɛ̂h.

Markus 1:28

Kûm nyé nzě myaŋla, jala ɨ́ sí Galilê yɨ́yɛ̂h.

Mataos 14:1

Jɔʼ yaá ó ngóvina Erôd á ka nze jóʼo bé lɨ́ elwib, dumo e Yésʉs yɨ́.

Yʉanes 10:21

Bʉ́ʉ́, bé ó: «Mʉr dí le eleme nyá, nyé abe e nkul elwǐb mpʉ́nʉ̌. Nzê mʉr dí le eleme nyá, nyě e nkul ebɛ́ɛ báántím mîh ɛ̌?»

Mataos 9:35

Yésʉs nzě tô le etô bínkana e bínkana byɛ̂h le mékwár e mékwár mɛ̂h, lɨ́ etô le elɛ̂ʼle bʉ̂r ɨ́ mempáh mínjɨʼla mɔ́ɔ́, le etúnǒ Mbɨambɨa Lɔ́ɔ dí edumo e Mpóʼo mé Dâ Nzyɛ̌m wɨ́, le etiʼ bʉ̂r o b'á be e mekpaa mɨ́mɛ̂h le bidyɛ̂m bíbyɛ̂h bá.

Mataos 9:26

Lɔ́ɔ waá nzě jalǎ sí yaá yɨ́yɛ̂h.

Mataos 8:28

Jɔ̌ʼ Yésʉs á sulo lɨ́ ebʉ́m é kɔ́m nkɛ́ɛ́ ɨ́ sí Gadarɛ̂n yɨ́, bʉr obá nzě duhǒ pemé mésoo, tó bɔma e Yésʉs. Bé á be ó e meleme, mé á nzɨnzamra bé má. Mé á be ɨ́ buú nyan. Bʉr, bé á bé akǎ dûhwo écɨɨ̌ súm bé á be yɨ́.

Mataos 8:33

Opála bé ónkʉ̌ nzě kpɛ́ɛ, tóŋɔɔ̌ nkana, tó lɛ́ɛ̌ sá yɨ́yɛ̂h bé á bee yɨ́, le lɔ́ɔ ɨ́ lɔ̌b bʉ̂r o méleme mé á nzɨnzamra bá.

Markus 2:4

Nó mpʉ bé á be abee gúmó bé cɨ́yɨɨ yɨ́, bê nzě jʉ kʉ́ ɨ́ mié mbɛ̌r Yésʉs á be tɨ̂ʼ wɨ́, túbɔɔ égʉ́á ɨ́ mié, ntɔ̂ʼ sulɔɔ̌ myɛɛlǎ mbʉ́mbʉ́ʼ wɔ́ɔ́ tɨ̂ʼ lɨ́ egʉ́á.

Markus 2:9

Yé dí ɨ́ kpâhwa lɨ́ esâ? Le elɛ́ɛ̌ mbʉ́mbʉ́ʼ mʉ̂r ó: “Bibaa bí ébébe lô, bí pɛʼɔɔ”, nkʉ̂ lɛ́ɛ e wé ó: “Gbɔlwaa sí. Nkɛ́yɨ́ɨ́ myɛɛla gô. Bʉŋláa”?

Lʉkas 4:38

Yésʉs nzě duho ɨ́ mpáh minjɨʼla nyaá, nzě tô mbɛ̌r mé Simon. Tǐ mʉmá mé Simon á be ó náǎ lɨ́ ebíle, nyʉ̂l lɨ́ edúo ɨ́ bɨl bɨl. Nó bé á nze dî e Yésʉs ó, nye tíʼɨɨ nye.

Lʉkas 5:24

Sâ gwár, mě gwɨ́m ó, bɨ̌n gʉ́ŋaa ó, Mwân mé Mʉr ó dí e nkul jwɨ́ɨ ɨ́ sí yɨ̂ʼ lɨ́ esú ó, nye pɛ́ʼɛɛ bʉr bibaa bí ébébě Nzyɛ̌m dí eniʼe bé bí.» Nye ntɔ̂ʼ lɛ́ɛ e mbʉ́mbʉ́ʼ ó: «Mě lɛ́ɛ́ gó ó, gbɔlwáa. Go e nkɛ́ɛ́ joó yô. Go e tó kwár nyǒ.»

Mɨlʉmlʉ 8:7

Ebě, mimbɨ́a mísísǐm, myé á si bu duho ɨ́ menyʉ́l mé bʉ̂r o b'á bibíle bá, bɨ́haá lɨ́ ebʉ̂ bítím kʉ́kʉ́. Mimbʉ́mbʉ́ʼ mí bʉ̂r ɨ́ buo buo ti e bʉr o b'á tɨtɨ́a bá, bé ntémé, bé á si tiʼe.

Lʉkas 7:17

Lɔ́ɔ́ syɛ́ɛla mé Yésʉs yaá, wê nzě myaŋla ɨ́ sí Yʉ́da yɨ́yɛ̂h, le ɨ́ mesí mé á bɔma Yʉ́da má.

Mɨlʉmlʉ 28:9

Jɔʼ bé á bee syɛ́ɛla yaá yɨ́, bʉr o b'á jóʼo mekpaa ɨ́ tíhé waá bá, bê nzě swálɔɔ, Pɔ̂l nzě tiʼ bê.