Mataos 4:23 - Kálar Nzyɛ̌m : Ejwán é Sáá

²³ Nó ó Yésʉs á to le etye ɨ́ bigúmó bí sí Galilê bíbyɛ̂h, tô le edwe bʉ̂r milɛ́ʼlá ɨ́ mempáh mínjɨʼla, le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ bʉ̂r o b'á bíle mekpaa mɨ́mɛ̂h bá. Nye á si tiʼ bʉr o bídyɛ̂m bíbyɛ̂h tʉ́ŋlʉ̌ kúl bʉ̂r yé.

Kálara Zyɛ̌m Edwán é mpʉ̌n

²³ No ó Yesʉs a to le ekœʼ é bɨgumo bɨ Galɨle bibyɛh, to le eyeʼle bʉr é mompah mɨnjwɨʼla mɔɔ, le elɛɛ Mbɨambɨa Lɔɔ lé etiibe e jwɨ̀ʼa mo Da ɛ, le etiʼ mɨsyoblʉ mɨ kul bʉr ye, lé epɛʼ mosyɛb mɨmɛh le bɨjyɛm bibyɛh.

Mataos 4:23 ပူးပေါင်းရင်းမြစ်များ

Mataos 9:35

Yésʉs nzě tô le etô bínkana e bínkana byɛ̂h le mékwár e mékwár mɛ̂h, lɨ́ etô le elɛ̂ʼle bʉ̂r ɨ́ mempáh mínjɨʼla mɔ́ɔ́, le etúnǒ Mbɨambɨa Lɔ́ɔ dí edumo e Mpóʼo mé Dâ Nzyɛ̌m wɨ́, le etiʼ bʉ̂r o b'á be e mekpaa mɨ́mɛ̂h le bidyɛ̂m bíbyɛ̂h bá.

Markus 1:39

Nó nyé á to le elɛ́ɛ̌ lɔ́ɔ́ wé waá ɨ́ mempáh mínjɨʼla mɔ́ɔ́ ɨ́ sí Yʉ́da yɨ́yɛ̂h le eso méleme ɨ́ bʉr.

Mɨlʉmlʉ 10:38

Bɨ̌n bé lɨ́ egʉ́a ntémé mpʉ̌ Nzyɛ̌m á lœm Yésʉs, mʉr Nazarɛ̂t, Sísǐm wé, le edwe nyé ánɨ̂nɨ̂n nkul yɨ́. Bɨ̌n bé lɨ́ egʉ́a ntémé mpʉ̌ Yésʉs á tye mésí e mésí, lɨ́ etô le esâ émbɨa, le etiʼ baá bɨ́bɛ̂h bé á jɨjaʼra e mpél mé sɔ́ŋ meleme bá yɨ́, ebě, bé e Nzyɛ̌m ó b'á be.

Lʉkas 7:22

Nye nzě yala e bé ó: «Tó lɛ́ɛ gá Yʉánɛs sá bɨ̂n beě le ejóʼo yɨ̂: ó baántím, bé mû ó lɨ́ ebáʼǎ bee. Bʉr o b'á nyɛɛ tɨ́a bá, bé lɨ́ etye mbɨ̂mbɨá. Minzɨ̂nzǎm, sí tiʼe. Mingʉʼ, myé mû ó lɨ́ ejóʼo. Odwe, bé lɨ́ epah ɨ́ mesoo. Mbɨambɨa Lɔ́ɔ mû ó lɨ́ elɛ́ɔɔ míndyêbndyéb, bé e bʉr o dí ɨ́ kpaa nkóó bá.

Mataos 11:5

Baántím, bé mû ó lɨ́ ebáʼǎ bee. Bʉr o b'á tɨtɨ́a bá, bé lɨ́ etye mbɨ̂mbɨá. Minzɨ̂nzǎm, sí tiʼe. Mingʉʼ, myé mû ó lɨ́ ejóʼo; odwe lɨ́ epah ɨ́ mesoo. Mbɨambɨa Lɔ́ɔ, wé mû ó lɨ́ elɛ́ɔɔ kwá baántéʼenteʼe o bʉ̂r le baá o dí ɨ́ kpaa nkóó bá.

Mataos 13:54

Nye nzě tô gúmó nyé á bwaʼ yɨ́, nye ntɔ̂ʼ lɛ̂ʼle bʉ̂r ɨ́ mempáh bísulá mɔ́ɔ́, ɨ́ mbi dí ó, bʉr bɨ́bɛ̂h, bé á be ɨ́ buú kâm wɨ́. Bê nzě díila ó: «Nyě duhó e wɨ̂ʼ ócwóó le mâʼ ménkul wó?

Markus 1:21

Bê nzě tô Kapernáʉm. Ɨ́ móhó sábat, bê nzě nî ɨ́ mpáh minjɨʼla. Yésʉs nzě nyɛl édwe bʉ̂r milɛ́ʼlá ɨ́ milɔ̌b mé Nzyɛ̌m.

Rôm 10:15

Bʉ̂r bé óbe, antɨhɔɔ nó, mʉr á gwa tô ɨ́ túnó waá nyá, á gwa tô le etúno wé náǎ e nyáa nkûl? Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Á mbɨa lɨ́ ebee bʉ̂r o dí enze le etúnǒ Mbɨambɨa Lɔ́ɔ bá ɛ̌!

Lʉkas 8:1

Píe tɨ̂, Yésʉs nzě tô bínkana e bínkana le mékwár e mékwár, gúmó nyé á to le etúno Mbɨambɨa Lɔ́ɔ dí edumo e Mpóʼo mé Nzyɛ̌m wɨ́ yɨ́.

Markus 6:2

Jɔ̌ʼ móhó sábat, wé á pyâl yɨ́, nye ntɔ̂ʼ táare édwe bʉ̂r milɛ́ʼlá ɨ́ mpáh minjɨʼla. Bʉr ɨ́ buo buo bé á jóʼo sá nyé á lɨlɛ́ɛ yɨ́ bá, bé á be ɨ́ buú kâm, le elɛ́ɔɔ ó: «Wɨ̂ʼ mbǐ sɔ̂ʼ, wé duho nyé nkoó? Nye á nʉa wɨ̂ʼ ócwóó le mâʼ mésimá ménɨ́nɨ́ɨ́ nyé dí esâ mâʼ wó?

Mataos 24:14

Nó Mbɨambɨa Lɔ́ɔ dí edumo e Mpóʼo mé Dâ Nzyɛ̌m wɨ́, wé ólɛ́ɔɔ̌ gúmó yɨ́yɛ̂h ɨ́ sí yɨ̂, lɨ́ esâ ó, kúl yɨ́yɛ̂h jóʼaa bʉr o dí eboʼlǒ lɔ́ɔ waá bá. Píe tɨ̂ʼ ó éswéhlɨ́ é kʉ́ e sí ngá kǎ bɔma yɨ́.»

Mataos 12:9

Nó, jɔ̌ʼ Yésʉs á duho tɨ̂ʼ yɨ́, nye nzě tó nî ɨ́ nyʉ́ʉ́ mpáh minjɨʼla nyɔ́ɔ́.

Yʉanes 18:20

Yésʉs, nye e né ó: «Me á jaa lwilwib ó, njɨ ɨ́ hwɨ́m, bʉr bɨ́bɛ̂h lɨ́ ejóʼo. Me á lɨlɛ̂ʼle bʉr ó, ɨ́ mempáh mínjɨʼla mɔ́ɔ́ ndu e mpáh Nzyɛ̌m, bigúmó óYúden bɨ́bɛ̂h dí egwɨ̂hlǎ jɔʼ yɨ́yɛ̂h bí. Me á bé alɛ́ɛ yʉ́ʉ́ sɔ̂ʼ mesǒ.

Lʉkas 13:10

Ɨ́ gúú móhó sábat, Yésʉs á be ó lɨ́ elɛ̂ʼle bʉ̂r o b'á be ɨ́ mpáh minjɨʼla bá.

Lʉkas 9:11

Sâ gwár, entumo e bʉ̂r, lé á be ɨ́ jʉ̂ʼra nó, lé ntɔ̂ʼ dû nyê. Nó nyé á nze soho bê, ntɔ̂ʼ túnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ mímbêl mímyɛ̂h.

Lʉkas 5:17

Ɨ́ lʉ́ʉ́ dʉ́o, Yésʉs á be ó lɨ́ edwe éntumo e bʉ̂r milɛ́ʼlá. OFarizyɛ̂n, le olɛ̂ʼla o métié, bé á be ó tɨ̂ʼ ɨ́ sɔ́má yaá mindîndǐl. Bé á duho ó ɨ́ mekwár mɨ́mɛ̂h mé sí Galilê le maá mé sí Yʉ́da; bâʼ duho ntémé Yerʉ́zalɛm. Nkul mé Nzyɛ̌m á be lɨ́ enyɨ̂n ɨ́ nye ɨ́ tiʼá nyé á titiʼ bʉr wɨ́.

Markus 6:6

Yésʉs á si kâm lɨ́ ebeě mpʉ bé á be adyɛ̂ʼwo e nye yɨ́. Píe tɨ̂, nye nzě ja nzɨ́, ntɔ̂ʼ tô le edwe bʉ̂r milɛ́ʼlá ɨ́ mekwár mé ngʉ́rá waá wɨ́wɛ̂h.

Markus 3:10

Ebě, nye á si bu tiʼ bʉr. Nó, mimbél mímyɛ̂h, myé á be lɨ́ ekpɛl ékúna e né.

Markus 1:14

Bê nzě gbâ Yʉánɛs ɨ́ mbʉʼ. Píe tɨ̂, Yésʉs nzě tô sí Galilê, tô le etúnǒ Mbɨambɨa Lɔ́ɔ dí eduho kwá mé Nzyɛ̌m wɨ́.

Mɨlʉmlʉ 20:25

«Sâ gwár mé dí egʉ́a ɨ́ báánâʼ yɨ́, yé ó, abe e mʉr ɨ́ sɔ́má yɨ́n ókǎ báʼǎ bee mê, damá be mʉ̂r ngwár ɨ́ sɔ́má bʉ̂r bɨ́bɛ̂h o b'á bee me lɨ́ elaa páʼ nyɨ́n, le elɛ́ɛ̌ lɔ́ɔ́ dí edumo e Mpóʼo mé Nzyɛ̌m wɨ́ bá.

Mɨlʉmlʉ 18:4

Nó ó, ɨ́ móhó sábat wɨ́wɛ̂h, Pɔ̂l á be ó lɨ́ elɛ̂ʼle bʉ̂r ɨ́ mpáh minjɨʼla tʉ́ŋlʉ̌, le esáa édulo óYúden le bʉr o Grɛ̂s.

Yʉanes 6:59

Yésʉs á dwe metwɨ́ɨ́ ménɨ̌ ó ɨ́ mpáh minjɨʼla ɨ́ Kapernáʉm.

Lʉkas 10:9

Tiʼɨɨ gá mimbél mí nkana yaá. Bɨ̌n e lɛ́ɛ́ e bʉr ó nkana yaá ó: “Nzyɛ̌m mû ó kúno etyêl Mpóʼo nyé ɨ́ bɨ̌n.”

Lʉkas 6:17

Jɔ̌ʼ Yésʉs, bé le ompʉ́n bé, bé á sulo lɨ́ ecwɨ̂ʼ, pyálɔɔ̌ gúmó dí ɨ́ bɛɛ́ɛ yɨ́, bê nzě bɔma le ompʉ́n ɨ́ buo buo. Yé á be ntémé ó le entumo e bʉ̂r. Bâʼ á duho ó ɨ́ Yerʉ́zalɛm ndu e mekwár mé sí Yʉ́da. Bʉ́ʉ́ duho bínkana bibá byé á be lɨ́ ebʉ́m é mâŋ bí, Tîr e Sidɔ̂n.

Mataos 14:14

Jɔ̌ʼ Yésʉs á sulo ɨ́ byɛ̂l, bee éntumo e bʉ̂r laá yɨ́, lémé wé kʉ́ nzě jɨ̂ʼ bé nkoó. Nye nzě tiʼ mímbél mímyɛ̂h.

Mataos 13:19

Jɔʼ mʉ̂r dí elɛ́ɔɔ̌ Mbɨambɨa Lɔ́ɔ́ dí edumo e Mpóʼo mé Dâ Nzyɛ̌m wɨ́, nye l'agbâ wé ɨ́ nkɔb yɨ́, mʉr waá nwɨɨla ó, le empah e nzɨ́, gúmó mémpeʼ mé á kukur yɨ́. Sátan ntɔ̂ʼ pyâl, nzě dɛ̂ʼ mpeʼ yé á kur ɨ́ lémé mʉ̂r waá yɨ́.

Mataos 3:2

Nye á lɨlɛ́ɛ ó: «Túmáá gá mikoo e mebébe mɨ́n. Bɨ̌n a dwírá míléme, ebě, Dâ mû ó kúno etyêl Mpóʼo nyé ɨ́ sɔ́má gá yɨ́ná.

Yʉanes 7:1

Píe tɨ̂, Yésʉs nzě tô le etye ɨ́ sí Galilê. Nye á bé akǎ kpɛl étye ɨ́ sí Yʉ́da, ebě, oYúden bɨ́ɛ, bé á be ó lɨ́ esáa éjʉ̂ nyé gʉ̂.

Lʉkas 20:1

Ɨ́ gúú móhó, Yésʉs dína lɨ́ elɛ́ɛ mínzɨnzɨ mi bʉ̂r Mbɨambɨa Lɔ́ɔ ɨ́ mpáh Nzyɛ̌m nɛ́ɛ: ojwɨ́ɨ o tɨ̂ʼ le olɛ̂ʼla o métié, le otɔ́má bʉ̂r, ntɔ̂ʼ pyâl tɨ̂ʼ ɨ́ sulûm.

Lʉkas 4:14

Yésʉs ntɔ̂ʼ tô sí yé Galilê, nye mû lwɨ́ŋlá e nkul Sísǐm mé Nzyɛ̌m. Bʉr nzě jʉŋlǎ lɔ́ɔ́ wé á dumo e né wɨ́ ɨ́ sí yaá yɨ́yɛ̂h.

Lʉkas 6:6

Ɨ́ gúú móhó sábat, Yésʉs ntɔ̂ʼ nî ɨ́ nyʉ́ʉ́ mpáh minjɨʼla, nzě lɛ̂ʼle bʉ̂r tɨ̂. Yé á be ó e nyʉ́ʉ́ mʉ̂r á be e mbó éjʉ́m wé ɨ́ swâm swâm nyá.

Lʉkas 7:21

Lɨ́ ewala egwár le egwár laá, bé á kœb ó, Yésʉs lɨ́ etiʼ mímbêl ɨ́ buo buo, baá bé á be e mekpaa, le baá bé á be e bidyɛ̂m, le baá mímbɨ́a mísísǐm, byé á nzɨnzamra bá. Nye á si tiʼ ntémé baántím ɨ́ buo buo, le esâ ó, bé báʼa bee.

Lʉkas 9:60

Nó nyé á lɛ́ɛ e né ó: «Bírɨ́ɨ́ ódwe, bé dɨ́lɨɨ mimúú myɔ́ɔ́. Gua, tóʼ, tó túnǒ Mbɨambɨa Lɔ́ɔ Mpóʼo mé Nzyɛ̌m.»

Lʉkas 16:16

«Metié mé Moyɨ̂z le mekaná mé ógwíha o mílɔ̌b, mé á di ó, ɨ́ bea bea, tó pyâl ɨ́ jɔʼ mé Yʉánɛs Ndubʉr. Táare ɨ́ jɔʼ yaá, tô dóló, bé mû ó lɨ́ etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́. Mʉr nyɨnyɛ̂h, nye mû ó lɨ́ enî tɨ̂ʼ e nkul.

Mɨlʉmlʉ 28:31

Nye ntémé á be lɨ́ etúnǒ lɔ́ɔ Mpóʼo mé Nzyɛ̌m, le elɛ̂ʼlě sá dí edumo e Tî Yésʉs-Krîst yɨ́, ɨ́ hwɨ́m, abáawǒ sɔ̂ʼ, abe e mʉr kámlé nyê.