Mataos 4:17 - Kálar Nzyɛ̌m : Ejwán é Sáá

¹⁷ Táare ɨ́ jɔʼ yaá, Yésʉs nzě nyɛl étúno ó: «Túmáá gá mikoo e mebébe mɨ́n. Bɨ̌n a dwírá míléme, ebě, Dâ mû ó kúno etyêl Mpóʼo nyé ɨ́ sɔ́má yɨ́n.»

Kálara Zyɛ̌m Edwán é mpʉ̌n

¹⁷ É dobo laa ó Yesʉs a ze taare lé etuno ó: «Gwɨma ga mobebe mɨn ɔɔ! Bɨn bé à dwir mɨleme ɔɔ! Ebe, jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ!»

Mataos 4:17 ပူးပေါင်းရင်းမြစ်များ

Mataos 3:2

Nye á lɨlɛ́ɛ ó: «Túmáá gá mikoo e mebébe mɨ́n. Bɨ̌n a dwírá míléme, ebě, Dâ mû ó kúno etyêl Mpóʼo nyé ɨ́ sɔ́má gá yɨ́ná.

Mɨlʉmlʉ 2:38

Nó ó Pétrus á yala e bé ó: «Túmáá gá mikoo e misyóm mín. Bɨ̌n a dwírá míléme. Mʉr nyɨnyɛ̂h ɨ́ sɔ́má yɨ́n, nye dúŋɔɔ ɨ́ díé mé Yésʉs-Krîst, Nzyɛ̌m pɛ́ʼɛɛ nye bibaa bí ébébe nyé á niʼe nye bí. Nó ó bɨ́n ngá kǎ nʉǎ sá Nzyɛ̌m á boo kɛʼ bɨ̌n yɨ́: Sísǐm wé.

Lʉkas 5:32

Me á bé anzě jébe ótîtyěl o bʉ̂r. Me á nze jébe ó, osyɛ̂l o mísyóm, ó bé túmaa mikoo e misyóm myɔ́ɔ́, le edwira míléme.»

Lʉkas 24:47

Yé á boo be cɛmá ntémé ó, bʉr, bé ótô ɨ́ lʉ́mlʉ́ wé, le etúnǒ Mbɨambɨa Lɔ́ɔ. Bé ótô le elɛ́ɛ bʉ̂r ó, bé túmaa mikoo e misyóm myɔ́ɔ́, le edwira míléme, Nzyɛ̌m pɛ́ʼɛɛ bé bibaa bí ébébe byɔ́ɔ́. Lɔ́ɔ waá, wé ónyɛɛ́ túnɔɔ ó, ɨ́ Yerʉ́zalɛm, tó túnɔɔ ntémé kwá bikúl bíbyɛ̂h.

Mɨlʉmlʉ 17:30

Jɔʼ myâ, bimpám bín, byé á be ó minjéʼe-Nzyɛ̌m. Nzyɛ̌m nyɨɛ á bé anyɛɛ́ nʉa bíjɔʼ bʉ̂r, bé á be ɨ́ gʉʼla bí byaá, gbâ ɨ́ nkɔb. Nó ó, ɨ́ báánâ, nye mû ó sí kǎ jébe bʉ̂r bɨ́bɛ̂h ɨ́ bigúmó bíbyɛ̂h ó, bé túmaa mikoo e misyóm myɔ́ɔ́ le edwira míléme.

Mataos 9:13

Swíʼɨ́ɨ́ gâ. Bɨ̌n a tó jɨ̂ʼ sá mékǎn mâʼ dí elɛ́ɛ ɨ́ Mekaná mé Nzyɛ̌m yɨ́. Yê cɛmá ó: Mě gwɨ́m ó, bɨ̌n lɛ̂ʼlaa bʉr mpam, laa ó, bɨ̌n dwêʼ me mindwéá mí ótír. » Yésʉs nzě kɛl tɨ̂ʼ ó: «Ebě, me á bé anzě jébe ótîtyěl o bʉ̂r. Me á nze jébe ó, osyɛ̂l o mísyóm.»

Mɨlʉmlʉ 26:20

Me á jaa nyɛl ó, njɨ túnó Mbɨambɨa Lɔ́ɔ, táare e bʉr ó Damâs, kala e baá ó Yerʉ́zalɛm, ti e baá bɨ́bɛ̂h dí ɨ́ sí Yʉ́da bá, dumlo e bʉr o bíkúl bíswîh. Me á lɛ́ɛ e bé ó, bé túmaa mikoo e misyóm myɔ́ɔ́, le edwira míléme. Bé e dyɛ́ʼwó e Nzyɛ̌m, le esâ bísyɛ́ɛla bi dí elɛ̂ʼle ó, bé mû ó otîtyěl o bʉ̂r, le miléme mindwirá bí.

Lʉkas 15:7

Mě lɛ́ɛ́ bɨ́n ó: jwɨʼ gwár yaá ntémé ó, bé óbuú soho ɨ́ jʉ́o kʉ́ ɨ́ jɔʼ syɛ̂l misyóm ngwár mû sí túmǒ koo e misyóm myé, le edwirǎ léme yɨ́. Bé óbuú soho nyê, laa bʉ̂r mekám ebǔ le ebǔ, baá o dí “otîtyěl”, dí adweʼe mísyóm myɔ́ɔ́, nkʉ̂ gʉ́a ó, bé lɨ́ ejala le etúmǒ koo e myé, le edwira míléme bá.»

Mɨlʉmlʉ 3:19

Nó túmáá gá mikoo e misyóm mín. Bɨ̌n a dwírá míléme, Nzyɛ̌m nkʉ̂ pɛʼ bíbaa bí ébébe nyé á niʼe bɨ̌n bí!

Lʉkas 15:10

Mě lɛ́ɛ́ bɨ́n ó: jwɨʼ gwár yaá ntémé ó bisʉhʉʉ ngá bě gúmó bééngeles mé Nzyɛ̌m dí yɨ́, ɨ́ jɔʼ syɛ̂l misyóm ngwár mû sí túmǒ koo e misyóm myé, le le edwirǎ léme yɨ́.»

Mɨlʉmlʉ 20:21

Me á si boʼlo kwá oYúden, ndu e baá o dí abe óYúden bá ó, yé jɨ ó, bé túmaa mikoo e mebébe mɔ́ɔ́, le edwira míléme. Bé e dyɛ́ʼwó e Tî gá wɨ́ná Yésʉs.

Ebrœ̂ 6:1

Nó, mɨná gwáʼaa edwe gá milɛ́ʼlá bé dí enyɛɛ́ jɨ̂ʼ ésôʼ, myaá mi dí edumo e Krîst mí. Mɨná dwéelaa gá myaá mi dí esâ ó, mʉr tɔ́maa ɨ́ pɨʼ mí. Bɨ̌h bé ákǎ báʼǎ lɛ̂ʼle bɨ́n milʉ́ mékǎn mâ: etúmǒ koo e bibol bísyɛ́ɛla, edwirǎ léme, edyêʼ koo e Nzyɛ̌m,

Mɨlʉmlʉ 11:18

Jɔʼ bé á sil ejóʼo milɔ̌b myaá yɨ́, miléme nzě sula bé sí. Bê nzě dwě Nzyɛ̌m kûm. Bé ó: «Yé ó nó: Nzyɛ̌m, nyɨ́ bánǎ toŋlo ntémé baá o dí abe óYúden bá. Nyɨ́ dib bé nzɨ̌ etúmo míkoo e misyóm myɔ́ɔ́, le edwira míléme, ó bé bíʼee ntémé twiʼ!»

Mataos 25:1

«Mpóʼo mé Dâ Nzyɛ̌m nwɨɨla ntémé ó e bibíŋ méséhe kám byé á nʉa meláma lɨ́ etó sohɔɔ mʉ̂r á be ó sí to ɨ tyen, lɨ́ etó nʉa mʉ́má nyé ngá bêm nyá.

Mataos 13:47

«Mpóʼo mé Dâ Nzyɛ̌m báʼǎ nwɨɨla ó, le ontám bé dí eguho ɨ́ mâŋ lɨ́ esú lé émɛ̂r mímbi mí ósû mímyɛ̂h wɨ́.

Mataos 10:7

Nzɨ́ e nzɨ̌, lɛ́yɨ́ɨ́ gá ó: “Dâ mû ó kúno etyêl Mpóʼo nyé ɨ́ sɔ́má yɨ́n!”

Lʉkas 9:2

Nye ntɔ̂ʼ lómo bé ó, bé tôʼ le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ mímbêl.

Mataos 11:12

Táare ɨ́ jɔ̌ʼ Yʉánɛs Ndubʉr á nyɛl edu bʉ̂r yɨ́, nzě kumo ɨ́ báánâ: Mpóʼo mé Dâ, nye lɨ́ esuŋɔɔ e nkul. Bʉr o cére, bé sáá ó, bé dɛ́nɨɨ nye e nkul.

Mataos 13:24

Yésʉs ntɔ̂ʼ báʼǎ lɛ́ɛ bé kɨkɛna swîh. Nye ó: «Mpóʼo mé Dâ Nzyɛ̌m nwɨɨla ó e mʉr á be mbɨambɨa mpeʼ ɨ́ pemé yé nyá.

Mataos 13:9

Nye e bé ó: «Mʉr dí e megwǎl mé éjóʼo nyá, nye jóʼaa náǎ!»

Mataos 13:11

Nye ntɔ̂ʼ yala e bé ó: «Bɨ̌n ó Nzyɛ̌m á gwîh bisá mésǒ bi Mpóʼo nyé. Nó bɨ́ɛ á bé agwíhɔɔ byê.

Mataos 6:10

Jwɨ́ɨ́ yô, yé ntâʼ. Mitíʼá mí lémé gô, myé syɛ́yɨɨ ɨ́ sí yɨ̂, mpʉ ntémé myé dí esyɛ́ɛlɨ ɨ́ jʉ́o kʉ́ yɨ́.

Lʉkas 3:23

Yésʉs á táare syɛ́ɛ́ yé ó, nye mû kúnókúno e mimbû mekám mélɛ̂l. Bʉr, bé á jwɨʼ ó, yé ó mwân mé Yóseb, á be mwân mé Éli nyá.