Mataos 4:14 - Kálar Nzyɛ̌m : Ejwán é Sáá

¹⁴ Yé á syɛ́ɛ nó ó, nye lóŋlaa lɔ́ɔ́ mé ngwíha milɔ̌b Ésayie. Nye á boo lɛ́ɛ ó:

Kálara Zyɛ̌m Edwán é mpʉ̌n

¹⁴ Yé a syɛɛlɨ no ó, lé edira lɔɔ Da a bɛa lɛɛ é nʉm mo ngwiha mɨlɔb we Ezayi ó:

Mataos 4:14 ပူးပေါင်းရင်းမြစ်များ

Mataos 2:23

Bé ntɔ̂ʼ tô, tó di ɨ́ kwár dí ejébɔɔ ó, “Nazarɛ̂t” nyɨ́. Yé á pyâl nó ó, ebě, sá ógwíha o mílɔ̌b bé á boo cɛma yɨ́, yé nkʉ̂ syɛ́ɛ. Yê cɛmá ɨ́ Mekaná mé Nzyɛ̌m ó: “Nye ódi ó, mʉr Nazarɛ̂t.”

Lʉkas 24:44

Nye nzě lɛ́ɛ e bé ó: «Bisyɛ́ɛla bî, byé ó byaá mé á boo lɛ́ɛ bɨ̌n ó, byé ósyɛ́ɛ bí. Mɨná dína lɨ́ etye gá sɔ́má, me á boo lɛ́ɛ bɨ̌n ó, sá yɨ́yɛ̂h dí cɛmá ɨ́ Mekaná mé Nzyɛ̌m, lɨ́ mekaná métié mé Moyɨ̂z, le maá mé ógwíha o mílɔ̌b, le lɨ́ oSâm mé David, dumo e me yɨ́, yé ódira nó.»

Lʉkas 22:37

Ebě, mě lɛ́ɛ́ bɨ́n ó: sá bé á cɛma ɨ́ páʼ wâm yɨ́, yé ɨ́ jala le esyɛ́ɛ. Yê cɛmá ɨ́ Mekaná mé Nzyɛ̌m ó: “Nye á si láŋɔɔ ɨ́ sɔ́má bʉ̂r o b'á gbɔba e Nzyɛ̌m bá.” Milɔ̌b bé á tile ɨ́ páʼ wâm mí, myé ódira.»

Mataos 2:15

Nye ntɔ̂ʼ di gʉ̂, tó pyâl ɨ́ jɔ̌ʼ Erôd á dwe yɨ́. Bisâ byaá bíbyɛ̂h, byé á syɛ́ɛ nó ó, lɨ́ elóŋlo ékǎn Dâ Nzyɛ̌m á boo lɛ́ɛ ɨ́ nzɨ̌ mé ngwíha milɔ̌b wé, ó: Me á si jébe mwân wǎm lɨ́ enzě pɛʼ nyé sí Egɨ̂ptɛn.

Yʉanes 19:28

Píe tɨ̂, mpʉ̌ Yésʉs á gʉ́a ó, sá yɨ́yɛ̂h, yé á be ó, yé mû sí síe yɨ́, nye ntɔ̂ʼ lɛ́ɛ ó: «Me lɨ́ ejóʼǒ dwéh médíbé.» Nye á lɛ́ɛ nó ó, sá dí cɛmá ɨ́ Mekaná mé Nzyɛ̌m yɨ́, yé díraa.

Yʉanes 15:25

Sâ gwár, bé sá nó ó, lɨ́ elóŋlǒ sá dí cɛmá ɨ́ mekaná métié mɔ́ɔ́ yɨ́. Yê cɛmá ó: Bé á nwim me ó, bɨ̌h le onɔ́ɔ́ abe e lɔ̌b.

Mataos 26:56

Nó ó, syɛ́ɛla yɨ̂, yê ka syɛ́ɛ́ ó mpʉ ógwíha o mílɔ̌b bé á cɛma ó, yé díraa yɨ́.» Píe tɨ̂, ompʉ́n bɨ́bɛ̂h, bé ntɔ̂ʼ líʼe nyê, sîl ékpɛ́ɔɔ.

Mataos 26:54

Syɛ́ɛla yɨ̂, yɨ́ lóŋlǎ sá dí micɛmá ɨ́ Mekaná mé Nzyɛ̌m yɨ́. Yê cɛmá ó, yé ɨ́ jala le esyɛ́ɛ nó.»

Mataos 8:17

Nye á sâ nó ó, sá ngwíha milɔ̌b Ésayie á boo lɛ́ɛ yɨ́, yé díraa. Nye á cɛma ó: “Nye á si tiʼ bʉr o bídyɛ̂m gá bíná, pɛʼ mɨ́ná gá mitúú mékpaa ɨ́ menyʉ̂l.”

Mataos 1:22

Bisâ byaá bíbyɛ̂h, byé á syɛ́ɛ nó ó, lɨ́ elóŋlo ékǎn Dâ Nzyɛ̌m á boo lɛ́ɛ ɨ́ nzɨ̌ mé ngwíha milɔ̌b wé, ó:

Mataos 4:13

Nó nyé á duhǒ Nazarɛ̂t, ntɔ̂ʼ tó dǐ Kapernáʉm ɨ́ nkpâh mâŋ. Yé ó ɨ́ sí Zabulôn, bé e Nɛftalî.

Mataos 4:15

“Bʉr ó Zabulôn, bʉr ó Nɛftalî, bɨ̌n ó dí nko mâŋ dí yɨ́. Bɨ̌n ó dí ɨ́ mipɨ̌n mí díbé Yɔrdên. Bʉr ó Galilê, ɨ́ nko bʉ̂r o bíkûl e biloo dí edi yɨ́!