Mataos 4:13 - Kálar Nzyɛ̌m : Ejwán é Sáá

¹³ Nó nyé á duhǒ Nazarɛ̂t, ntɔ̂ʼ tó dǐ Kapernáʉm ɨ́ nkpâh mâŋ. Yé ó ɨ́ sí Zabulôn, bé e Nɛftalî.

Kálara Zyɛ̌m Edwán é mpʉ̌n

¹³ No ó nye a mʉa ɨ Nazarɛt, ntɔʼ to di Kapernaʉm é nkpah maŋ. Yé ó é lal mo Zabulon bé e Nɛftali.

Mataos 4:13 ပူးပေါင်းရင်းမြစ်များ

Yʉanes 4:46

Píe tɨ̂, Yésʉs nzě tô Kanâ, nkanǎ Galilê, nko nyé á liŋ medíbé menyoʼ yɨ́. Njwɨ́ʼ syɛ̂l mesâ mé Erôd á be ó tɨ̂. Mwân wé lɨ́ ebíle. Nye á be ó ɨ́ Kapernáʉm.

Markus 1:21

Bê nzě tô Kapernáʉm. Ɨ́ móhó sábat, bê nzě nî ɨ́ mpáh minjɨʼla. Yésʉs nzě nyɛl édwe bʉ̂r milɛ́ʼlá ɨ́ milɔ̌b mé Nzyɛ̌m.

Mataos 11:23

Á gua, Kapernáʉm, nzê go óbɨ́nɔɔ, tó pyâl ɨ́ jʉ́o kʉ́ ɛ́? Tʉ̂toʼó! Go ósulɔɔ sí, tó pyâl ɨ́ bɨ́ siʼe. Yé bé mesimá mé á syɛ́ɛ kwá nyɨ́n má, mé á syɛ́ɛ ó, Sodôm nó, mpa nkana yaá, yé dína ó tɨ̂, kumo mûh.

Yʉanes 6:59

Yésʉs á dwe metwɨ́ɨ́ ménɨ̌ ó ɨ́ mpáh minjɨʼla ɨ́ Kapernáʉm.

Yʉanes 6:24

Jɔʼ éntumo e bʉ̂r, lé á bee ó, táare e Yésʉs, kumo le ompʉ́n bɨ́bɛ̂h, bé akǎ be tɨ̂ʼ yɨ́, bê nzě kalwo ɨ́ mɛ̂l maá, nzě tóŋɔɔ ɨ́ Kapernáʉm, tô le esáŋɔɔ nyé gʉ̂.

Yʉanes 6:17

Bê nzě kalwo ɨ́ byɛ̂l. Bé mû lɨ́ entaa mâŋ, lɨ́ etóŋɔɔ̌ Kapernáʉm, lɨ́ ebʉ́m é mâŋ e kɔ́m nkɛ́ɛ́ nɛ́ɛ: pum nzě dwíne, Yésʉs dína apǎ kœb bê.

Yʉanes 2:12

Píe tɨ̂, nye nzě tô Kapernáʉm, bé e nyɔ̌ŋ, le bɨ́ɔɔ́ bé le okɛ́l bé, le ompʉ́n bé. Bê nzě tó di gʉ̂ʼ bwá mélû.

Mataos 17:24

Jɔ̌ʼ Yésʉs, bé le ompʉ́n bé, bé á pyâl ɨ́ Kapernáʉm yɨ́, bʉr o b'á nʉnʉa bimɔnɨ́ bítœ́a lɨ́ esú é mpáh Nzyɛ̌m bá, bé á si nze nkǒ Pétrus á be yɨ́. Bé e né ó: «Nzê lɛ̂ʼla wɨ́n nyɨɛ, nye ájɨ́jáná tœ́a ɛ̌?»

Lʉkas 4:23

Nó nyé á nze lɛ́ɛ e bé ó: «Bɨ̌n dǐ lɛ́ɛ mé yé? Abe e mesónó, bɨ̌n bé ólɛ́ɛ̌ náǎ mûh ó, me sâʼ bɨ̌n sá kɨkɛna dí elɛ́ɛ yɨ́, ó: “Dɔ́bra, paá nyɛɛ́ jomo gó mʉr tɨ̂.” Ntémé, bɨ̌n bé ólɛ́ɛ e me ó: “Sáʼ bɨ́h wâʼ ɨ́ sí gó á byɛ̂l yɨ́ mbi mésimá bɨ́h jʉ́jóʼó ó, gó á sâ ɨ́ Kapernáʉm má.”»

Mataos 4:14

Yé á syɛ́ɛ nó ó, nye lóŋlaa lɔ́ɔ́ mé ngwíha milɔ̌b Ésayie. Nye á boo lɛ́ɛ ó:

Mataos 4:15

“Bʉr ó Zabulôn, bʉr ó Nɛftalî, bɨ̌n ó dí nko mâŋ dí yɨ́. Bɨ̌n ó dí ɨ́ mipɨ̌n mí díbé Yɔrdên. Bʉr ó Galilê, ɨ́ nko bʉ̂r o bíkûl e biloo dí edi yɨ́!

Mataos 9:1

Yésʉs ntɔ̂ʼ kalwo ɨ́ byɛ̂l, nzě báʼǎ tô nkana yé.

Markus 2:1

Píe bwá mélû, Yésʉs ntɔ̂ʼ báʼǎ tô Kapernáʉm. Bʉr nzě jóʼo ó, nyɨ́ búla, nye mû ó mbɛ̌r,

Lʉkas 10:15

Á gua, Kapernáʉm, nzê go óbɨ́nɔɔ, tó pyâl ɨ́ jʉ́o kʉ́ ɛ̌? Tʉ̂toʼó! Go ósulɔɔ sí, tó pyâl ɨ́ bɨ́ siʼe.»