Mataos 4:10 - Kálar Nzyɛ̌m : Ejwán é Sáá

¹⁰ Yésʉs ntɔ̂ʼ yala e né ó: «Sátan, duhaa mé ɨ́ mîh. Ebě, yê cɛmá ntémé ó: “Dwéʼ Dâ, dí Nzyɛ̌m gǒ nyá, kûm. Go e dwé dúu, njɨ nye omér.”»

Kálara Zyɛ̌m Edwán é mpʉ̌n

¹⁰ Yesʉs ntɔʼ bɨha e nye ó: «Satan, pʉʼa me é mih! Ebe, yé ó tila é Kalara Zyɛm ó: “Go ejʉʼa le ebɨʼ mpom go si é mih mo Sɔŋ go Da Zyɛm. Dwiibɨ mʉr ó, njɨ nye.”»

Mataos 4:10 ပူးပေါင်းရင်းမြစ်များ

Lʉkas 4:8

Yésʉs ntɔ̂ʼ yala e né ó: «Heʼé, yê cɛmá ɨ́ Mekaná mé Nzyɛ̌m ó: “Dwéʼ Dâ, dí Nzyɛ̌m gǒ nyá, kûm. Go e dwé dúu, njɨ nye omér.”»

Jacques 4:7

Ɨ́ tɨ̂, sáʼ gá Nzyɛ̌m mejóʼo. Lwímláá gá e sɔ́ŋ meleme. Nyé okpɛ́ɛ bɨ́n, tó di ɨ́ pɨ́nʉ́ʉ́.

1 Pyɛr 5:9

Dyɛ́ʼwáá gá e Nzyɛ̌m. Lwímláá gá e Sátan. Bɨ̌n e gʉ́á ó, bɨ́ɔɔ́ gá bɨ́ná dí ɨ́ sí yɨ̂ʼ yɨ́yɛ̂h bá, bé lɨ́ edûhwǒ mbǐ túú ngwár waá.

Mataos 16:23

Yésʉs nzě dwira, le elɛ́ɛ e Pétrus ó: «Sátan, duhaa mé ɨ́ mîh. Go ó ebɔ̌ʼ e dí e nkul ebɨma mé ɨ́ léme lɨ́. Mipahlá myô, myé abe myaá mé Nzyɛ̌m, njɨ myaá mi bʉ̂r.»

Markus 1:13

Nye á jâ gʉ̂ʼ ɨ́ lʉá ó melû mekám ménâ. Ɨ́ melû maá, Sátan á be ó lɨ́ ebʉ̂boblo nyê. Ɨ́ gúmo yaá, bé le otír ó b'á didi, beéngeles bɨ́ɛ lɨ́ eséa e né.

Lʉkas 10:18

Yésʉs ntɔ̂ʼ lɛ́ɛ e bé ó: «Me á si bee Sátan lɨ́ eduho ɨ́ jʉ́o kʉ́ mpʉ̌ ndweh mpíé.

Lʉkas 11:18

Yé bé bʉr mé Sátan, bɨ́ bɔ́ʼa, sâ ménkɔ̌m mebá nó, lɛ́ɛ́, mpóʼo nyé, nyé abe e nkul ebyéa le ejah ó tɨ̂ʼ yɨ́. Ebě, bɨ̌n lɛ́ɛ́ ó, mě dwidwǐh bʉ̂r meleme ó e nkul dí eduho kwá mé Béelzébul nyɨ́.

Lʉkas 13:16

Mʉmá nyâ, nye ó nta mé Abraham. Sátan nyɨɛ, nyɨ́ boó kâʼ nyé menkara. Nye mû kɛ́ʼá ó, tâŋ mimbû kám e mwom. Bintœœ pǎ nyɛɛ́ tiɔɔ ɨ́ móhó sábat, á dwɛʼra e mʉr!»

Lʉkas 22:3

Yʉ́das á be ó nyʉ́ʉ́ mʉ̂r ɨ́ sɔ́má ómpʉ́n kám le obá mé Yésʉs. Nye ó b'á jɨjébɔɔ ntémé “Iskariôt” nyá. Nó ó Sátan á nze nî nye ɨ́ léme,

Lʉkas 22:31

Yésʉs ntɔ̂ʼ lɛ́ɛ̌ Pétrus ó: «Simon, Simon, paá bee: Sátan, nyɨ́ gbân bɨ́n! Nye óbóblo bɨ́n. Nye lɨ́ egwɨ̂m éntyeŋ bɨ́n le esyɛʼre bɨ́n mpʉ mʉ́má dí esyɛʼrě fufú blê yɨ́.

Yʉanes 13:27

Lě Yʉ́das á nʉa blêr yaá, lě Sátan ntɔ̂ʼ á nî ɨ́ nye. Yésʉs, nye e né ó: «Sá gó dí egwɨ̂m ésâ yɨ́, kaá sâ yé kám e kám!»

Mɨlʉmlʉ 5:3

Pétrus nzě lɛ́ɛ e né ó: «Ananías, ebe yé Sátan bana nze ní gó ɨ́ léme, bánǎ sâ ó, go kʉ́ŋaa Sísǐm mé Nzyɛ̌m mbǐ nɨ̌ yɨ́ ɛ́? Ebě, gʉ́ bɛ̂ʼ gúú páʼ mɔnɨ́ yô gó á nʉa lɨ́ ebóm é pemé yô yɨ́, komo yé lɨ́ empah.

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

1 Korɛnt 5:5

bɨ̌n e tyén mʉ̂r waá kwá mé Sátan, ó Sátan ndámaa nye ɨ́ páʼ njwɨr myâ gá wɨ́ná. Ɨ́ páʼ sísǐm wé, nyé otiʼe ɨ́ móhó Tî gá wɨ́ná óbáʼǎ nze wɨ́.

1 Korɛnt 7:5

Nyʉ́ʉ́ sá abene nyʉ́ʉ́, alaa ó, bɨ̌n bé á si boo ntaa minkâl ó, bɨ̌n bé ákǎ syɛŋa ɨ́ jɔʼ bɨ́n dí ejɨʼla e Nzyɛ̌m yɨ́. Píe tɨ̂, bɨ̌n e tó e twiʼ ébá yɨ́n dóló. Bɨ́n bé asâ nó wá, bɨ̌n bé ámû jaá duma ɨ́ mebʉ́blá mé Sátan, mpʉ bɨ́n dí agʉ́a émâr míléme yɨ́.

2 Korɛnt 2:11

Mɨná sá gá nó ó, Sátan nkʉ̂ be, antaa mɨ́ná gâ, ebě, mɨná bé ajéʼe gá mepɨʼ mé.

2 Korɛnt 11:14

Nó ó, sâ yaá, yé abě sá ékâm, ebě, Sátan mʉr tɨ̂, nye lɨ́ eboó liliŋa éngeles mentyɛnwa.

2 Korɛnt 12:7

Nzyɛ̌m á bee ó, mpuo mesimá mé á bee má, mé ámû jaá sâ ó, me nkɛ́yɨɨ nyʉ̂l. Nye nzě gbâ mé ekpaa mpʉ édwǎʼ ɨ́ nyʉ̂l bipúno tʉ́ŋlʉ̌. Lé á be ó mpʉ éngeles mé Sátan á be ó, nyě bí ó me nyá. Me ámû jaá nkɛ́ɛ nyʉ̂l, ntaǎ njɨ.