Mataos 3:9 - Kálar Nzyɛ̌m : Ejwán é Sáá

⁹ Ayɨ́ jwɨʼ gá ɨ́ milémé mín ó: “Ɨ́ páʼ gá wɨ́ná, mɨná gá bɨɛ, bé e sɔ́ŋ ó, Abraham,” ebě, mě lɛ́ɛ́ bɨ́n ó, Nzyɛ̌m óbɛ̌m liŋ mékóʼ mâʼ bwá mé Abraham!

Kálara Zyɛ̌m Edwán é mpʉ̌n

⁹ Adɨ lɛɛla ga paʼra win ó: “Bɨna ga bé e sɔŋ ó Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.

Mataos 3:9 ပူးပေါင်းရင်းမြစ်များ

Lʉkas 3:8

Gúmáá gá mimpaŋ mi mpúmó mi dí ejala e bʉr o mû sí dwira míléme bá. Atáare gá le elɛ́a páʼ nyɨ́n ó: “Ɨ́ páʼ gá wɨ́ná, mɨná gá bɨɛ, bé e sɔ́ŋ ó, Abraham,” ebě, mě lɛ́ɛ́ bɨ́n ó, Nzyɛ̌m óbɛ̌m liŋ mékóʼ mâʼ bwá mé Abraham!

Yʉanes 8:33

Bé e né ó: «Bɨ̌h bé ó onta mé Abraham. Bɨ̌h bé apǎ di bítúʼǎ bi bʉ̂r. Gǒ e nkul elɛ́ɛ e bɨ̌h ó, bɨ̌h, bé ódi ónzyɛh o bʉ̂r e wáǎ mbi nzɨ́?»

Rôm 4:1

Ɨ́ nkǒ páʼ mébyɛ́l gá mɨ́ná, mɨná gá bé e sɔ́ŋ mpám Abraham. Mpʉ yé dí nó yɨ́, mɨná bé ókǎ lɛ́ɛ gá nyá, dumo e né?

Mɨlʉmlʉ 13:26

«Bɨ́ɔɔ́ bâm! Okɛ́l bâm! Bɨ̌n bwá bé ónta mé Abraham, le baá o dí edwáawǒ Nzyɛ̌m bá! Lɔ́ɔ́ wɨ̂, wé á túnɔɔ ó, lɨ́ esú gá lɨ́ná, dumo e tiʼá Nzyɛ̌m mû sí tiʼ bʉ̂r wɨ́.

Lʉkas 16:24

Nye ntɔ̂ʼ bʉ̂ édwê. Nye ó: “Dâ Abraham ɔ́, jɨ́ʼɨ́ɨ́ mé nkoó ɔ̌! Lómláá mé Lazare, nye dúbaa odumo ó diné yé ɨ́ medíbé, nye e nzé dwě jɨ́m yâm metala ɔ̌, ebě, me lɨ́ ebuú jaʼra e siʼe ɨ́ minjʉl mî.”

Yʉanes 8:53

Sɔ́ŋ wɨ́h Abraham á si dwe. Nzê gǒ bûʼlá ó, go ó dí elaa nyé ɛ̌? Ogwíha o mílɔ̌b ntémé sí dwe. Gǒ bee ó, go nzé?»

Lʉkas 5:22

Sâ gwár, Yésʉs á be ɨ́ gʉ́a mésónó bé á sóŋlo nye má. Nó nyé á yala e bé ó: «Bɨ̌n bé lɨ́ esóŋlo ɨ́ milémé mín ɨ́ yé?

Markus 7:21

Ebě, bibébebébe bíjwɨʼ, byé duho ó ɨ́ lémé mʉ̂r. Byé ó dí: bimolá, díbe, ejwɨ́ɨ́ é bʉ̂r,

Mɨlʉmlʉ 15:14

Simon, nyɨ́ lɛ́ɛ̌ mpʉ̌ Nzyɛ̌m á tô bikúl bíswîh ɨ́ menɔɔlʉ yɨ́. Nzyɛ̌m, nyɨ́ twâr ntémé bʉ́ʉ́ bʉ̂r ɨ́ sɔ́má bíkûl byaá ó, bé dyéʼee koo e né.

Lʉkas 19:40

Nó ó Yésʉs á yala e bé ó: «Mě lɛ́ɛ́ bɨ́n ó: bé sí dible mínum myɔ́ɔ́ nɛ́ɛ: mekóʼ, mé óbɨ̂n métwíí mɔ́ɔ́ kʉ́ lɨ́ egúmlo mê.»

Lʉkas 7:39

Nó ɨ́ jɔ̌ʼ Farizyɛ̂n á báŋle Yésʉs nyá, á bee syɛ́ɛla yaá yɨ́, nye ntɔ̂ʼ táare élwib ɨ́ lémé wé ó: “Yé bé mʉr nyâ, nyě tyeetye ó ngwíha milɔ̌b mé Nzyɛ̌m nó, lɛ́ɛ́, nyɨ́ gʉ́a ó, mʉmá dí ekúna e né nyâ, nye lɨ́ esâ syóm ɨ́ nwérédé.”

Lʉkas 12:17

Nó nyé á dî ɨ́ lémé wé ó: “Me e sá nyá? Mé akǎ be e gúmó mé káalaa mpumó nyǎm.”

Yʉanes 8:37

Me lɨ́ ekʉ́ gʉ́a ó, bɨ̌n bé ó onta mé Abraham. Sâ gwár, bɨ̌n bé lɨ́ ekpɛl éjʉ̂ mê, ebě, bɨ̌n bé akpɛl ékǎm lɛ́ʼlá wâm.