Mataos 3:14 - Kálar Nzyɛ̌m : Ejwán é Sáá

¹⁴ Sâ gwár, Yʉánɛs á si nyɛɛ bene. Nye e né ó: «Yé jala ó, gua dúʼoo me, abe ó, gua ntâʼ ó me dúʼoo go.»

Kálara Zyɛ̌m Edwán é mpʉ̌n

¹⁴ Sa gwar, Yʉanes a si ngbaa taare ebene. Nye e nye ó: «Da, yé ejala ó, gwɔɔ dùʼo me, abe ó, go ntaʼ ó mɛm dùʼo go!»

Mataos 3:14 ပူးပေါင်းရင်းမြစ်များ

Galásia 4:6

Nzyɛ̌m á ntɨh mɨná gá Sísǐm Mwân wé ó, ebe bɨ́n dí nye bwân. Nye mû ó sí nî ɨ́ milémé gá míná. Nye ó dí etitíne mɨ́ná gá ó, mɨná jɨ̂ʼlaa gá e Nzyɛ̌m, le elɛ́ɛ ó: «Abba, Dâ!»

Galásia 3:22

Gúmo yaá ó Mékaná mé Nzyɛ̌m dí elɛ́ɛ ó, bʉr ó sí yɨ̂ʼ bɨ́bɛ̂h, bé ɨ́ jwɨ́ɨ́ syóm yɨ́. Syóm wɔ́ɔ́, wé á si kâʼ bɨ́bɛ̂h menkara. Sâ gwár, Nzyɛ̌m dwe nkɛ́ʼ nyé ó, ɨ́ baá bɨ́bɛ̂h dí edyɛ̂ʼwo e Yésʉs-Krîst bá. Nyě dwé bé nyǎ ó, njɨ ɨ́ lɔ̌b búʼó yaá.

Rôm 3:25

Nzyɛ̌m á ntɨh nye ó, nye ntáa dwe, búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé. Nye á dwe ó, nye nkʉ̂ kɛm bʉ̂r o dí ebúʼlǎ ndwéá métié waá bá. Ɨ́ nzéá Yésʉs-Krîst á nze wɨ́, Nzyɛ̌m á si lɛ̂ʼle mpʉ nyé dí tîtyěl yɨ́. Misyóm bʉ̂r bé á boo sɨ̂sa mí, Nzyɛ̌m á si bu dûhwo myê, kʉ́ lɛŋ myé ɨ́ buo buo, alwib.

Rôm 3:23

Bɨ́bɛ̂h, bé á si sâ syóm. Bisyɛ́ɛla bimpâ byɔ́ɔ́ alwɨ́ŋlɨ, ajala e kûm mé Nzyɛ̌m.

Yʉanes 1:16

Mɨná gá óbɛ̂h, bé á be ó sí bi émbɨa lé ndu e mpam nyé ɨ́ buo buo.

Lʉkas 1:43

Nyɔ̌ŋ mé Tî wǎm bana nze bee mé ɨ́ yé ɛ́?

Mataos 3:13

Nó ó Yésʉs á nkɛ́ɛ ɨ́ sí Galilê, tô díbé Yɔrdên kwá mé Yʉánɛs, lɨ́ esáa ó, Yʉánɛs dúʼoo nye.

Mataos 3:15

Yésʉs nzě yala e né ó: «Bírɨ́ɨ, yé syɛ́yɨɨ nó, ebě, yé jala ó, mɨná lóŋlaa bisyɛ́ɛla bi dí ejala le esyɛ́ɛ bí, bíbyɛ̂h.» Yʉánɛs ntɔ̂ʼ kam.

Rôm 1:13

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa ó, ɨ́ bijɔʼ ɨ́ buo buo, me á be ó le jwɨʼ ó, me ónzě bee bɨ́n. Me á jaa bʉbɔma sɔ̂ʼ ó, njɨ e mingamla. Sâ gwár, me ónze yɨ́ɛ lɨ́ esú lé énzě séǎ Nzyɛ̌m syɛ́ɛ́ ɨ́ sɔ́má yɨ́n. Me á gwɨ̂m ó, syɛ́ɛ́ yâm, yé gúmaa ntémé mpumó kwá nyɨ́n ɨ́ mpʉ yé á gúmo mpumó ɨ́ mʉ́ʉ́ mésí méswîh yɨ́.

Ebrœ̂ 7:23

Opara bé ésôʼ, bé á be ɨ́ buo, ebě, bé á be ó, nyâʼ dwe, nyʉ́ʉ́ dila. Eswie ó b'á kamle nyʉ́ʉ́ mʉ̂r ɨ́ sɔ́má yɔ́ɔ́ lɨ́ edǐ dǐ yaá ɨ́ bea bea.