Mataos 3:11 - Kálar Nzyɛ̌m : Ejwán é Sáá

¹¹ Mɛ̌m du bɨ́n ó e medíbé, lɨ́ elɛ̂ʼle ó, bɨ̌n bɨ́ túmo míkoo e misyóm mín, le edwira míléme. Sâ gwár, mʉr dí ebɔma mé píe koo nyá, nyě e jwɨ́ɨ, laa mê. Mɛm, mé abě tyé mʉ̂r dí ó, me pɛ́ʼɛɛ nye osípah ɨ́ mekʉ̌ nyá. Nyɨɛ, nye ódu bɨ́n ó e Sísǐm mé Nzyɛ̌m le siʼe.

Kálara Zyɛ̌m Edwán é mpʉ̌n

¹¹ «Mɛm, me edù bɨn ó e modibe, lé esaa ó, bɨn nkʉʼ gwɨma mobebe le edwir mɨleme min. Sa gwar, mʉr ndɨ edu me é koo pihe e, nye e nkul mojwɨ̀ʼa, laa me. Me abe mbi mʉr lé ejala le enkɛɛ osilpah be e. Nyɛɛ, nye ódù bɨn ó é Mbɨambɨa Sisim ndwe e siʼe!

Mataos 3:11 ပူးပေါင်းရင်းမြစ်များ

Lʉkas 3:16

Yʉánɛs nzě lɛ́ɛ bɨ́bɛ̂h ó: «Mɛ̌m du bɨ́n ó e medíbé. Yé e nyʉ́ʉ́ mʉ̂r dí e nkul jwɨ́ɨ, laa mé nyá. Nye lɨ́ enze. Mɛm, mé abě tyé mʉ̂r dí ó, me tíyɨɨ mikǒl mí ósípah myé nyá. Nyɨɛ ó ngá du bɨ́n e Sísǐm mé Nzyɛ̌m ndu e siʼe.

Mɨlʉmlʉ 1:5

Ebě, Yʉánɛs nyɨɛ á dudu bʉr ó e medíbé. Yɨ́ kǎ lîʼ njɨ bwá mélû abuo, bɨ̌n bé ókǎ duŋɔɔ ó e Sísǐm mé Nzyɛ̌m.»

Títos 3:5

Nye á tíʼ mɨná gá ó, ɨ́ nzɨ̌ njɨ́ʼá nkóó wé. Nye á bé atíʼ mɨ́ná ɨ́ lɔ̌b bísyɛ́ɛla bimpâ mɨ́ná bé á sâ lɨ́ otîtyěl gá wɨ́ná bí. Nye á tíʼ mɨná ó, ɨ́ pubá nyé á pubo mɨná gá e Sísǐm wé wɨ́. Pubá waá, wé ó b'á dwe mɨná gá mbyɛ́lá dwân, le esâ ó, mɨná díʼee medwán mé bʉ̂r. Nye á si kab mɨná gá Sísǐm wé ɨ́ ntʉʉʉ́ ɨ́ nzɨ̌ mé Yésʉs-Krîst, Tiʼbʉr gá wɨ́ná.

1 Korɛnt 12:13

Mɨná gá óbɛ̂h, oYúden, nkʉ̂ bʉr o bíkûl biswîh; bitúʼǎ, nkʉ̂ onzyɛh o bʉ̂r, mɨná bé á si duŋɔɔ, ntɔ̂ʼ kǎ di nyʉ̂l mpwár e nzɨ̌ Sísǐm ngwár. Sísǐm ngwár ó b'á nze di ɨ́ milémé gá míná.

Mataos 3:6

bé ntɔ̂ʼ gwîh mísyóm myɔ́ɔ́, Yʉánɛs nzě du bé ɨ́ díbé Yɔrdên.

Mɨlʉmlʉ 19:4

Nó ó, Pɔ̂l á lɛ́ɛ e bé ó: «Yʉánɛs á dudu ó, baá bé á túmo mikoo e misyóm myɔ́ɔ́, le edwira mílémé bá. Nye á lɨlɛ́ɛ e bʉr o b'Ɨ́zraɛ̂l ó, bé dyɛ̂ʼwaa e mʉr dí enze nyé píe koo nyá. Nó yé ó Yésʉs.»

Lʉkas 1:17

Nye ó Nzyɛ̌m ngá lómo ésôʼ nyá. Nye óbe ó lwɨ́ŋlá e Sísǐm mé Nzyɛ̌m ndu e nkul, mbi ngwíha milɔ̌b Elie á be wɨ́. Nye ónzě sâ ó, osɔ́ŋ bé e bwân, bé kwɨ́mlɨɨ páʼ nyɔ́ɔ́. Nye ótɨ́e bʉ̂r o dí egbɔba e Nzyɛ̌m bá ó, bé twólwaa mpʉ ótîtyěl o bʉ̂r. Nó nyé ósâ ó, kúl bʉ̂r o b'Ɨ́zraɛ̂l, yé díʼee kʉmsá, lɨ́ egwá dwě Nzyɛ̌m kûm.»

Yʉanes 1:30

Lɔ̌b wé ó mé á lɨlɛ́ɛ bɨ̌n, ó: “Mʉr, nye lɨ́ ebɔma mé píhe. Mʉr waá ó dí elaa mê, ebě, mɛm apǎ byɛ̂l, nyɨɛ á boo be ó tɨ̂.”

Markus 1:4

Kwahá mpʉ̌ Ésayie á cɛma yɨ́, nó ntémé ó Yʉánɛs Ndubʉr á be yɨ́. Nye á be ó ɨ́ lʉá, lɨ́ edu bʉ̂r le elɛ́ɛ bé ó, bé túmaa mikoo e mebébe mɔ́ɔ́, le edwira míléme, bé e dúŋɔɔ, Nzyɛ̌m pɛ́ʼɛɛ bibaa bí ébébe byɔ́ɔ́.

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

1 Pyɛr 5:5

Bɨ̌n biloʼo, yé jala ó, bɨ̌n díʼee ɨ́ jwɨ́ɨ́ ótɔ́má ó bʉ̂r. Bɨ̌n bɨ́bɛ̂h, jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, ebě, yê cɛmá ó: «Nzyɛ̌m, nye lɨ́ elwímla e bʉr o dí enkɛ́ɛ ményʉ́l mɔ́ɔ́ bá. Baá dí ɨ́ talǎ njwɨr bá bɨɛ, nye lɨ́ esʉ bé metyɛʼ me mpóm.»

Yʉanes 1:15

Yʉánɛs á si boʼlo dumo e né. Nye á túno ó: “Mʉr mé á lɨ̂lɛɛ bɨ̌n ó nyâ. Nye ó waá dí enze mé píhe nyá. Nye lɨ́ elaa mê, ebě, me dína apǎ byɛ̂l, nye á boo be ó tɨ̂.”

Lʉkas 3:3

Píe tɨ̂, nye nzě ja nzɨ́ lɨ́ etô le etúnǒ lɔ́ɔ́ mé Nzyɛ̌m ɨ́ ngʉ́rá díbé Yɔrdên wɨ́wɛ̂h. Nye á lɨlɛ́ɛ e bʉr ó, bé túmaa mikoo e mebébe mɔ́ɔ́ le edwira míléme. Bé e dúŋɔɔ, Nzyɛ̌m pɛ́ʼɛɛ bibaa bí ébébe byɔ́ɔ́.

Mɨlʉmlʉ 8:36

Ɨ́ mpʉ bé á tʉ̂to nzɨ́ e nzɨ̌ yɨ́, bê nzě pyâl ɨ́ yʉ́ʉ́ gúmo, yé á be e medíbé yɨ́. Cwɨhá mʉ̂r waá ntɔ̂ʼ lɛ́ɛ e né ó: «Paá bee: medíbé ó mâ! Yé dí e nkul ekǎ kamle mé lɨ́ eduŋɔɔ?»

Mɨlʉmlʉ 8:38

Nye ntɔ̂ʼ dwe twíí ó, bé tyélɨɨ kálîʼ. Philippe, bé e né bɨ́bɛ̂h, bê nzě sulo ɨ́ medíbé. Philippe ntɔ̂ʼ du nyê.