Mataos 28:2 - Kálar Nzyɛ̌m : Ejwán é Sáá

² Nó ó éngeles mé Dâ á nze sulo, duho ɨ́ jʉ́o kʉ́. Sí ntɔ̂ʼ kʉ́ nzě kubla ɨ́ buo buo. Éngeles waá nzě sîhle lɨ́ ekóʼ lé á be ɨ́ num sóo lɨ́, nzě bíŋle lé, tyen lé lɨ́ empah é num sóo. Píe tɨ̂, nye nzě di sí tɨ̂ʼ kʉ́.

Kálara Zyɛ̌m Edwán é mpʉ̌n

² No ó, si kʉ ze ncyeŋa é buobuo, ebe, engles mo Da a be ó si fulo, duho é jobo kʉ, ze biŋle ekoʼ lé a be é nʉm nguʼ ekoʼ e. Pie tɨ, nye ze di si tɨʼ kʉ.

Mataos 28:2 ပူးပေါင်းရင်းမြစ်များ

Mɨlʉmlʉ 16:26

Tyé e tyé yaá, sí nzě kubla ɨ́ buo buo. Medwii mé mbɛ̌r mímbʉʼ nzě pɨ̂ʼla. Mebé mɨ́mɛ̂h ntɔ̂ʼ diba ɨ́ jɔʼ gwár yaá. Mikʉ̂kɔ̌b le mimboʼó mímbʉʼ mímyɛ̂h, myé ntɔ̂ʼ tua.

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

Yʉanes 20:1

Ɨ́ dwiné mɛ́n sóno, edúrʉ́ʉ́ dína sí, Maria, silě Magdalâ, nzě tô nko sóo nyaá. Nyě kǎ tó bee ó, ekóʼ, lɨ́ pɛʼɔɔ ɨ́ num sóo.

Mɨngwiha 11:19

Jɔʼ bé á sil elwib nó yɨ́, mpáh Nzyɛ̌m ɨ́ jʉ́o kʉ́, nye á si diba. Nó ó, Mpɔra Sáá yé á be tɨ̂ʼ yɨ́, yé á si nyɨ̂n ɨ́ kpɛŋlɛm. Me á si bee mindweh ɨ́ keleb keleb, jóʼo métwíí, ndu e nkɛ̂l jʉ́o ɨ́ sɨŋgɨɨm. Sí nzě kubla. Metánaá ntémé, mê nzě gɔ́na le ekur ɨ́ buo buo.

1 Pyɛr 1:12

Nzyɛ̌m á lɛ́ɛ le ogwíha o mílɔ̌b baá ó, túnó bé á to le etúno wɨ́, wé á bé abe lɨ́ esú lɔ́ɔ́ bé bʉr o tɨ̂, ó bé gʉ́ŋaa wé ɨ́ pébébé. Bé á tyɛ̂b le túnó ɨ́ jɔʼ yaá ó, lɨ́ esú lɨ́n. Bɨ̌n ó dí edirǎ nyɔm e túnó waá ɨ́ báánâ. Bʉr o b'á to le etúno Mbɨambɨa Lɔ́ɔ waá bá, bé á tutúno wé ó e nkul Sísǐm á duho ɨ́ jʉ́o kʉ́ nyɨ́. Lɔ́ɔ́ bé á lɨlɛ́ɛ bɨ̌n wɨ́, wé ó waá bééngeles dí ɨ́ buú gwɨ̂m ésʉ médwôʼlʉ tɨ̂ʼ wɨ́.

Mataos 27:60

Nye ntɔ̂ʼ tó dɨ̌l múu lɨ́ edwán é sóo lé, túbá ngʉ̌ʼ lɨ́ ekóʼ. Píe tɨ̂, nye ntɔ̂ʼ nʉa lʉ́ʉ́ ékóʼ, búblǒ num sóo e tɨ̂, nyɨɛ ntɔ̂ʼ laa, tô.

Mataos 27:66

Bê nzě tô, lɨ́ egwá tó dwéele sóo. Bê nzě gbâ sitâm lɨ́ ekóʼ lé á bûbublo num sóo lɨ́, ntɔ̂ʼ tyélɔɔ ódwéela tɨ̂.

Mɨlʉmlʉ 5:19

Nó ɨ́ pum waá, éngeles mé Dâ nzě dib mébê mé mbɛ̌r mímbʉʼ, ntɔ̂ʼ pyêl bʉ̂r o mílʉ́mlʉ́ kʉ̌l. Nye ó: