Mataos 27:54 - Kálar Nzyɛ̌m : Ejwán é Sáá

⁵⁴ Kapitɛ̂n, bé e bʉ́ʉ́ ódwéela o sóo mé Yésʉs, mbeá bé á bee mpʉ̌ sí yé á kubla yɨ́ le bisá bíbyɛ̂h biswîh, bê kʉ́ nzě jóʼo ékɛ̂n. Bé ó: “Mʉr nyâʼ á kʉ be ó Mwân mé Nzyɛ̌m!”

Kálara Zyɛ̌m Edwán é mpʉ̌n

⁵⁴ Njwɨɨ nter bɨzima bé e bʉʉ bʉr o b'a be lé ebaʼle Yesʉs ɨ, mbea bé a bee mpʉ si a ncyeŋa ɛ, le byʉʉ bɨsa bibyɛh, byé a syɛɛlɨ ɨ, bé ntɔʼ kʉ ze bil ekɛn. Bé ó: «Mʉr nwaʼ a bana kʉ be ó Mwan mo Zyɛm!»

Mataos 27:54 ပူးပေါင်းရင်းမြစ်များ

Markus 15:39

Njwɨ́ɨ bisója á be tîtyěl ɨ́ mpǒm mé Yésʉs nyá, mbeá nyé á bee mpʉ̌ Yésʉs á dwe yɨ́, nye ó: «Mʉr nyâʼ á kʉ be ó Mwân mé Nzyɛ̌m.»

Mataos 27:36

Píe tɨ̂, bê nzě diŋɔɔ sí lɨ́ edwéele nyê.

Mataos 27:43

Nye á be ó sí dyɛ̂ʼwo e Nzyɛ̌m. Yé bé Nzyɛ̌m dína ó lɨ́ ekpɛl nyé nó, nye káa tiʼ nyé ɨ́ báánâ, ebě, nye á lɨlɛ́ɛ ntémé ó, nye ó Mwân mé Nzyɛ̌m!»

Mɨlʉmlʉ 27:43

Nó ó kapitɛ̂n á tíʼe ɨ́ lémé wé ó, nyě kamlé ó e twiʼ mé Pɔ̂l. Nye nzě kamle bé lɨ́ esâ mpʉ bɨ́ɛ, bé á tíʼe ɨ́ milémé myɔ́ɔ́ ó, bé sá ó nye yɨ́. Nó nyé á lɛ́ɛ e bé ó, baá bɨ́bɛ̂h bé á be e nkul edwâʼ bá, bé lyáhaa ɨ́ medíbé esôʼ, tóŋɔɔ tín.

Mɨlʉmlʉ 27:1

Jɔʼ nyé á kam ó, bɨ̌h e nɔ́ɔ́ tôʼ ɨ́ sitíma ɨ́ sí Italî yɨ́, bê nzě tyěn Pɔ̂l, bé e myúú mímbʉʼ miswîh, e nyʉ́ʉ́ kapitɛ̂n, díé lé Yʉlíos. Sɔ́má bísója bí Rôm yé, yé á be ɨ́ jwɨ́ɨ́ yé yɨ́, yé á jébɔɔ ó: “Sɔ́má bísója mé Kɛ́ɛza”.

Mɨlʉmlʉ 23:23

Píe tɨ̂, njwɨ́ɨ nzě jébe bʉ́ʉ́ ókapitɛ̂n obá. Nye e bé ó: «Syɛŋɨɨ gá bisója minter mimbá, ndu e bʉr mekám nzaangbá o dí ekalwo kʉ́ bikablá bá, ndu e bʉr minter mimbá o dí e mekʉá ɨ́ mebô bá. Diʼee gá ɨ́ cǎr ó, bɨ̌n tôʼ Kesáre ɨ́ mewala ebǔ mé pum!

Mɨlʉmlʉ 21:32

tyé e tyé yaá, nye ntɔ̂ʼ kpâhwǎ nʉa ókapitɛ̂n ti e byúú bísója, tóŋɔɔ míkám nko éntumo e bʉ̂r, lé á be yɨ́. Jɔʼ bʉ̂r baá, bé á bee bisója ndu e njwɨ́ɨ nɨ́nɨ́ɨ́ wɔ́ɔ́ yɨ́, bé ntɔ̂ʼ gwâʼ ébî Pɔ̂l.

Mataos 8:5

Jɔ̌ʼ Yésʉs á be lɨ́ enî Kapernáʉm yɨ́, nyʉ́ʉ́ kapitɛ̂n bisója bí Rôm nzě sîhlě bǎʼ e né. Nye ntɔ̂ʼ jɨʼla e né ó:

Mataos 4:3

Mbôblobʉr ntɔ̂ʼ pyâl gúmó Yésʉs á be yɨ́. Nye e né ó: «Yé bé go ó Mwân mé Nzyɛ̌m nó, lɛ́yɨ́ɨ́ mékóʼ mâʼ ó, mé líŋaa mede.»

Mɨngwiha 11:13

Sí, yé á si bu pɨ̂ʼla ɨ́ jɔʼ yaá. Nó ó, mimbɛ̌r mí nkana yaá, myé á si duma sí. Nkɔb mimbɛ̌r mpwár ɨ́ menkɔb kám, nye á si duma sí. Jɔʼ sí, yé á pɨ̂ʼla yɨ́, bʉr, bé á si dwe, tâŋ otɔ́ɔ́sin nzaangbá. Baá bé á ka lîʼ mikublakúbla bá, bé á si bu jóʼo bʉ́á. Bé ntɔ̂ʼ gúmlǒ Nzyɛ̌m dí ɨ́ jʉ́o kʉ́ nyá.

Rôm 1:4

Ɨ́ nkǒ páʼ sísǐm wé dí ti wɨ́, nye njwɨrá ó, «Mwân mé Nzyɛ̌m», Yésʉs-Krîst, Tî gá wɨ́ná. Nzyɛ̌m á lɛ̂ʼle mɨná gá ó, nyě e njwɨrá waá ó e nkul ɨ́ buo buo ɨ́ lɔ̌b pahá sóo wé.

Mɨlʉmlʉ 23:17

Pɔ̂l nyɨɛ nzě jébe nyʉ́ʉ́ kapitɛ̂n. Nye e né ó: «Tóʼ e mâ sohó nyâʼ nko njwɨ́ɨ bisójǎ nɨ́nɨ́ɨ́ dí yɨ́, ebě, nyě e yʉ́ʉ́ sá nyé dí egwɨ̂m élɛ́ɛ nyé yɨ́!»

Mɨlʉmlʉ 10:1

Ɨ́ Kesáre, yé á be ó e nyʉ́ʉ́ mʉ̂r, díé lé Corneille. Nye á be ó kapitɛ̂n mʉr Rôm. Nye ó b'á be njwɨ́ɨ ɨ́ sɔ́má dɔ̂m bé dí ejébe ó: “Sɔ́má Bʉ̂r ó Italî” yɨ́.

Mɨlʉmlʉ 2:37

Jɔʼ éntumo e bʉ̂r, lé á jóʼo mekǎn maá yɨ́, mé ntɔ̂ʼ mɛ̂r bé ɨ́ milémé myɔ́ɔ́. Nó ó bé á dî e Pétrus, bé e bʉ́ʉ́ bʉ̂r o mílʉ́mlʉ́ ó: «Bɨ́ɔɔ́ bɨ́h, bɨ̌h bé ɨ́ jala le ekǎ sâ nyá ɛ́?»

Yʉanes 19:7

OYúden, bé e né ó: «Bɨ̌h bé e lʉ́ʉ́ étié. Etié laá, lé lɨ́ elɛ̂ʼle ó, bɨ̌h jʉ́ʼoo nye, ebě, nye á be ó sí bánǎ lɛ́ɛ ó, nye ó Mwân mé Nzyɛ̌m.»

Lʉkas 22:70

Nó ó bɨ́bɛ̂h bé á nze dî ó: «Go lɛ́ɛ́ yé? Nzê go lɛ́ɛ́ ó, go ó dí Mwân mé Nzyɛ̌m ɛ̌?» Nye ó: «Yé ó mpʉ bɨ́n dí elɛ́ɛ̌ nɨ̌: me ó dí nye.»

Mataos 27:40

Bé ntémé, bé á lɨ̂lɛɛ e né ó: «Gua, mʉr á lɛ́ɛ ó, go ógbɛ́ɛ mpáh Nzyɛ̌m, ntɔ̂ʼ báʼǎ sumo nyé tâŋ melú mélɛ̂l nyá, kaá tiʼ gó mʉr tɨ̂! Gó bé Mwân mé Nzyɛ̌m nó, go e pʉ́gʉ́ pǎ sulo ɨ́ kolôs nɨ̌ sí!»

Mataos 26:63

Yésʉs á jaa di ó, njɨ ɨ́ mes. Nó ó njwɨ́ɨ opara á nze lɛ́ɛ e né ó: «Me lɨ́ entɛŋ gó minkâl ɨ́ díé mé Nzyɛ̌m dí kublakúbla nyá ó, go lɛ́yɨɨ bɨ̌h, nkʉ̂ go ó dí Mʉ̌r Nzyɛ̌m á lœm múló mé jwɨ́ɨ nyá, mʉr dí Mwân mé Nzyɛ̌m nyá?»

Mataos 27:51

Jɔʼ yaá, kǎ saʼ nɛ́ɛ: kán ébê, wé á bɨbe tyelá ɨ́ mpáh Nzyɛ̌m wɨ́, ntɔ̂ʼ nyɛɛ ɨ́ kwiií bipéh bíbá, táare kʉ́, kumo sí. Sí nzě kubla, mekóʼ bʉ̂l.