Mataos 27:4 - Kálar Nzyɛ̌m : Ejwán é Sáá

⁴ Nye ó: «Mɨ́ sâ syóm, ebě, me sí bɛ́ma métié me mʉ̂r á be akúnwo e mpɨŋ nyá!» Nó ó bé á yala e né ó: «Á bɨ̌h bɨɛ, bé e wáǎ lɔ̌b tɨ̂? Lɔ̌b gô ó nɨ̌!»

Kálara Zyɛ̌m Edwán é mpʉ̌n

⁴ Nye ó: «Mɨ sa syem, ebe, me si kɛha mʉr nyoonkan a baakunbo e mpɨŋ ɨ!» No ó bé a ze bɨha e nye ó: «A bɨh bɛɛ, bé e wáa lɔb tɨ? Lɔb go ó nɨ!»

Mataos 27:4 ပူးပေါင်းရင်းမြစ်များ

1 Yʉanes 3:12

Mɨná bé ayɨ́ be gá mpʉ mé Kayɨ̂n. Nye á duho ó kwá mé Sátan. Nye nzě jʉ̂ mɨ́ɔɔ́ wé, Ábɛl. Nye á pʉgʉ jʉ̂ nye ɨ́ wáǎ lɔ̌b? Ebě, bisyɛ́ɛla mé Kayɨ̂n, byé á be ó, onzyɛ́h ónzyɛ́h; byaá me mɨ́ɔɔ́ wé, tîtyěl.

1 Pyɛr 1:19

ɨ́ metié mé Yésʉs-Krîst. Mé ó dí ndwéá dí ɨ́ buo ódimé wɨ́. Yésʉs-Krîst á be ó mpʉ mâ nteme dí abe e dyɛ̂m, abe ntémé e metyɛ́l nyá.

Ebrœ̂ 7:26

Nye ó mbi njwɨ́ɨ opara wé á kʉ jala e mɨná gá wɨ́: nye ó mʉr dí tí, waá dí akúnwo e mpɨŋ nyá. Sá mébomo, yé abe ɨ́ nye. Nyé akúnwo bá le osyɛ̂l o mísyóm. Nye ntémé, nye ó mbɨ́ná kʉ́, laǎ jʉ́o le ejwoo le baántɛ́n.

Títos 1:16

Bé sá ó, go ó, bé ɨ́ kpɛ̌l Nzyɛ̌m. Sâ gwár, bisyɛ́ɛla byɔ́ɔ́, bíɛ yɨ́ɛ lɨ́ elɛ̂ʼle ó, bé akpɛl nyê. Bʉr baá, bé ɨ́ lwaʼwo. Bé asâ méjóʼo. Ɨ́ bisyɛ́ɛla bimpâ bíbyɛ̂h mʉ̂r dí e nkul ebɛ̌m sâ bí, abe e syɛ́ɛla gwár bé dí e nkul ekoʼo ésâ.

1 Timotɛ 4:2

Bé óbe ó baányâ-mikóo, le olɛ́a o bíbɛr. Syóm dí ejwɨ́ɨ bé wɨ́, wé óndɨndáma milémé myɔ́ɔ́ ó, tó pyâl ɨ́ jɔʼ bé óbe, bé mû akǎ tʉ sôn yɨ́.

Rôm 3:19

Mɨná bé lɨ́ egʉ́a gá ó, sá yɨ́yɛ̂h Mékaná mé Nzyɛ̌m dí elɛ́ɛ yɨ́, mé lɛ́ɛ́ yé ó, lɨ́ esú é bʉ̂r o b'á tyélɔɔ metié mé Nzyɛ̌m bá. Nyě tyél bé metié maá ó, lɨ́ esú lé épɨr bʉ̂r bɨ́bɛ̂h minum, le edwe bɨ́bɛ̂h mebě ɨ́ míh mé.

Mɨlʉmlʉ 13:28

Nye á bé abe e mebě mé á jala ó, nye dwêʼ má. Damá jóʼo nó, bé á si bana dî Pilátos ó, nye jʉ́ʼoo nye.

Yʉanes 19:7

OYúden, bé e né ó: «Bɨ̌h bé e lʉ́ʉ́ étié. Etié laá, lé lɨ́ elɛ̂ʼle ó, bɨ̌h jʉ́ʼoo nye, ebě, nye á be ó sí bánǎ lɛ́ɛ ó, nye ó Mwân mé Nzyɛ̌m.»

Lʉkas 23:47

Kapitɛ̂n á be tɨ̂ʼ nyá, mbeá nyé á bee sá yɨ́yɛ̂h yé á syɛ́ɛ yɨ́, nye ntɔ̂ʼ dwě Nzyɛ̌m kûm. Nye ó: «Lɨ́ otyeetye, mʉr nyâʼ á kʉ be ó mpǎŋ tîtyěl mʉr!»

Lʉkas 23:41

Mɨná ó dí ejala le esia e mbǐ túú wɨ̂, ebě, mɨná ó b'á sɨsâ bisyɛ́ɛla bi dí ɨ́ bébe bí. Nyɨɛ á bé asâ syɛ́ɛla ébébe gwár.»

Lʉkas 23:22

Pilátos ntɔ̂ʼ báʼǎ dî bé tíá ɨ́ jɔʼ lɛ̂l ó: «Ɨ́ lɔ̌b yé? Ebě, yáǎ sá ébébe nyê pa sá? Mɛm, mé abee ó, nyě e mebě ó, nye ɨ́ jala le edwe. Nó, me óŋmɛ̂h nyé mingáhá, mé obîr nyê.»

Mataos 27:54

Kapitɛ̂n, bé e bʉ́ʉ́ ódwéela o sóo mé Yésʉs, mbeá bé á bee mpʉ̌ sí yé á kubla yɨ́ le bisá bíbyɛ̂h biswîh, bê kʉ́ nzě jóʼo ékɛ̂n. Bé ó: “Mʉr nyâʼ á kʉ be ó Mwân mé Nzyɛ̌m!”

Mataos 27:19

Jɔʼ nyé á be, nye dína lɨ́ elwǐb lɔ̌b waá ɨ́ diá tîʼ milɔ̌b yɨ́, mʉmá wé ntɔ̂ʼ lómlo nyé twíí ó: «Anʉa ntœ́b ɨ́ lɔ̌b wɨ̂, ebě, mûh ɨ́ pum wɨ̂, me bé ó sí buú sia e túú ɨ́ líma mê jɨ̌m, dumo e tîtyěl mʉ̌r nɨ̌ yɨ́.»

Mɨngwiha 11:10

Bʉr ó sí yɨ̂ʼ bɨ́bɛ̂h, bé óbuú soho, ebě, bʉr obá baá, bé á si jʉ́ŋɔɔ. Bé ótyêl nzɔ́ɔ bisʉhʉʉ, ebě, ogwíha o mílɔ̌b obá baá, bé á si gwa ntɨ̂ʼ bʉr ó sí yɨ̂ʼ ɨ́ buo buo. Bʉr, bé ódweela bísɔ̂ʼ ɨ́ bisʉhʉʉ byɔ́ɔ́.