Mataos 27:2 - Kálar Nzyɛ̌m : Ejwán é Sáá

² Jɔʼ bé á be, bé mû sí kâʼ nyé menkara yɨ́, bê nzě tô e né, tó tímlɔɔ nyé Pilátos, á be ngóvina nyá.

Kálara Zyɛ̌m Edwán é mpʉ̌n

² É jɔʼ bé a be, bé mu si kaʼ nye monkara ɛ, bé ntɔʼ ze to e nye, to kɛhɔ nye boo Pilat, a be ngoman ɨ.

Mataos 27:2 ပူးပေါင်းရင်းမြစ်များ

Mɨlʉmlʉ 3:13

Nye tiʼe nó ó, ebě, Nzyɛ̌m mé Abraham, Isaac, ndu e Yákɔb, Nzyɛ̌m bimpám gá bíná, á kpɛl ó, nye dwêʼ syɛ̂l mesâ wé, Yésʉs kûm. Bɨ̌n bɨɛ bé á si bɛ́ma nye kwá mé Pilátos, ntɛŋɔɔ nyé ɨ́ mebó mé ó, nye jʉ́ʼoo nye. Bɨ̌n bé á sâ nye nó ó, Pilátos nyɨɛ, nyé osí tíʼe ɨ́ lémé wé ó, nyě bír ó nye.

Mataos 20:19

Bé óntɛŋ nyé ɨ́ mebó mé bʉ̂r o bíkûl lɨ́ esú ó, bé pyâʼ nye, le eŋmɛ̂h nyé mingáhá le ebomlo nyé ɨ́ kolôs kʉ́. Nó ɨ́ móhó lɛ̂l, nye ópah.»

1 Timotɛ 6:13

Mě káálé ɨ́ míh mé Nzyɛ̌m, mʉr dí edwe bísá bíbyɛ̂h twiʼ nyá, ndu e maá mé Yésʉs-Krîst, mʉr á dwe nkam mbɨ̂mbɨá ɨ́ mpǒm mé Pɔ́ŋtus Pilátos nyá ó,

Lʉkas 13:1

Jɔʼ yaá ó bʉ́ʉ́ bʉ̂r, bé á nze lɛ́ɛ e Yésʉs mpʉ̌ Pilátos á jʉ̂ bʉ́ʉ́ bʉ̂r ó Galilê ɨ́ jɔʼ bé á be lɨ́ edwě Nzyɛ̌m mindwéá yɨ́. Bé ntɔ̂ʼ pûhla métié mɔ́ɔ́ le maá mé ótír bé á pa tíʼe Nzyɛ̌m bá.

Ebrœ̂ 13:3

Tʉtoŋlaa gá mimbʉʼ: diʼee gá mpʉ̌ sá lɛ́ɛ́, bɨ̌n le onɔ́ɔ́ bɨ́bɛ̂h ó dí ɨ́ mbʉʼ. Toŋlaa gá bʉr o dí esia e mitúú bá, ebě, bɨ̌n bé lɨ́ egʉ́ǎ mpʉ bíntɨ́ʼá dí ɨ́ kpaa ɨ́ nyʉ̂l yɨ́.

2 Timotɛ 2:9

Bʉr, bé á si kâʼ me menkara mpʉ̌ sá lɛ́ɛ́, me ó syɛ̂l ebébe. Mě jaá sia e mitúú ó, njɨ ɨ́ lɔ̌b Mbɨambɨa Lɔ́ɔ mé dí etúno wɨ́. Damá jóʼo nó, ntʉ̌ Mbɨambɨa Lɔ́ɔ́ mé Nzyɛ̌m wɨ́ɛ á káʼɔɔ.

Mɨlʉmlʉ 28:20

Lɔ̌b waá ó mé á be lɨ́ ekpɛl ébee bɨ́n, le elwib e bɨ̌n wɨ́. Mě káʼɔ́ɔ́ ménkara mâʼ ó, njɨ ɨ́ lɔ̌b mpûʼla dí bʉr o b'Ɨ́zraɛ̂l ɨ́ miléme nyɨ́.»

Mɨlʉmlʉ 24:27

Píe mimbú mímbá, Pɔ́rkios Fɛ́stos nzě nʉǎ dǐ mé Félix. Mpʉ̌ ngóvina Félix á be lɨ́ ekpɛl ó, oYúden, bé béyɨɨ nye mbɨ̂mbɨá yɨ́, nó ó, nyé á líʼe Pɔ̂l ɨ́ mbʉʼ.

Mɨlʉmlʉ 22:29

Tyé e tyé yaá, bʉr o b'á gwa bî nye lɨ́ esú ó, nye lwíbɨɨ bá, bé ntɔ̂ʼ tuŋlo ményʉ̂l. Njwɨ́ɨ̌ nɨ́nɨ́ɨ́ mʉr tɨ̂, nye nzě jóʼo bʉ́á ɨ́ jɔʼ nyé á gʉ́a ó, Pɔ̂l á byɛ̂l ó, mʉr Rôm, bê bánǎ káʼɔɔ nyé e mikʉ̂kɔ̌b yɨ́.

Mɨlʉmlʉ 22:25

Jɔʼ bé á sil ekâʼ nye e mikǒl ó, bé bí ó nye yɨ́, Pɔ̂l nzě lɛ́ɛ e kapitɛ̂n á be náǎ nyá ó: «Nzê gǒ e nkul eŋmɛ̂h mʉ̂r Rôm mingáhá, nye dína apǎ nʉa mébě ɛ̌?»

Mɨlʉmlʉ 21:33

Nó njwɨ́ɨ bisója á sîhlě bǎʼ e Pɔ̂l, nzě mɛ̂r nyê, nye ntɔ̂ʼ dwe nkûl ó, bé káʼaa nye e mikʉ̂kɔ̌b mimbá. Nó nyé á dî mbi mʉ̂r nyé á be wɨ́, ndu e sá nyé á pʉgʉ sâ yɨ́.

Mɨlʉmlʉ 12:6

Ɨ́ gúú pum, Pétrus á be ó, ɨ́ jô páʼ bisója bibá. Nye á be ó kɛ́ʼá e mikʉ̂kɔ̌b mimbá. Bʉ́ʉ́ ódwéela bɨ́ɛ, bé á be ó lɨ́ empǒm lé ébé é mbɛ̌r mímbʉʼ. (Náǎ yé ó, Erôd á be lɨ́ edǐ pahlě Pétrus ɨ́ mɛ́n tɨ̂.)

Mɨlʉmlʉ 9:2

lɨ́ etó dî nyé mekaná mé édwe nyé nkul etô ɨ́ mempáh mínjɨʼla mé Damâs. Nye á be ó, nyě tó mɛ̂r ó, baá bɨ́bɛ̂h o nyé ókœb gʉ̂ʼ bá, táare e bʉbá, kala e bʉrʉ̂m. Nye ómɛ̂r ó, baá o dí edû nzɨ́ mé Krîst bá, kâʼ bé e mikʉ̂kɔ̌b, búla, tô e bé Yerʉ́zalɛm.

Mɨlʉmlʉ 4:27

Mpʉ yaá ntémé ó yé á ka sûʼla yɨ́, ebě, yê tyeetye ó, Erôd bé e Pɔ́ŋtus Pilátos, bé á si syɛŋa ɨ́ nkana yɨ̂, bé e bʉr o bíkûl ti e baá ó bé Ɨ́zraɛ̂l. Bɨ́bɛ̂h, bé á si di bʉm, sáŋɔɔ pɨ̂ʼ ó, bé lwímlá ó e syɛ̂l mesâ gǒ, Yésʉs, mʉr dí ti, waá gó á lœm múló mé jwɨ́ɨ nyá.

Yʉanes 18:24

Ánas nzě báʼǎ tyen nyé nkará mebó mé nʉ̌n kwá mé Kayɨáfa, á be ntémé njwɨ́ɨ opara nyá.

Yʉanes 18:12

Sɔ́má bísója bí Rôm, bé e njwɨ́ɨ wɔ́ɔ́ ti e bisója bí óYúden, bê nzě mɛ̂r Yésʉs, káʼɔɔ nyê.

Lʉkas 20:20

Bê nzě táare étô le ebaʼɔɔ nyê. Nzě lómɔɔ bʉ̂r o b'á nwɨɨla le otîtyěl o bʉ̂r bá ó, bé tôʼ lâm nyé lâm dí ó, bé nkʉ̂ mɛ̂r nyé ɨ́ lɔ̌b yalá yé. Jɔʼ yaá ó bé á be e nkul ebɛ́ma nyé ɨ́ mebó mé njwɨ́ɨ, ó nye kúrɨɨ ɨ́ nkul jwɨ́ɨ mé ngóvina yɨ́.

Lʉkas 3:1

Yé á be ó ɨ́ mbû kám e tɛ̂n Kɛ́ɛza Tibɛ́rios á tyɛ̂b njwɨ́ɨ yɨ́. Pɔ́ŋtus Pilátos á be ó ngóvina ɨ́ sí Yʉ́da; Erôd nyɨɛ, ɨ́ sí Galilê. Mɨ́ɔɔ́ wé Philippe á be lɨ́ ejwɨ́ɨ mésí mé Itwirê ndu e Trakónitos. Lisanías nyɨɛ á jwɨ́ɨ ó, sí Abilên.

Mataos 28:14

Nó ngóvina jóʼó lɔ́ɔ waá nó, bɨ̌h bé ɨ́ gʉ́ǎ mpʉ bɨ́h ngá lwib e né, bɨ̌n nkʉ̂ di, adweŋɔɔ bíntɨ́ʼá tɨ̂ʼ yɨ́.»

Lʉkas 23:1

Nó bʉ̂r ó gwɨ́hlá yaá á mɔa sí, ntɔ̂ʼ tóŋɔɔ e Yésʉs kwá mé Pilátos.

Lʉkas 23:12

Erôd bé e Pilátos, bé á nyɛɛ bɨbe ó, lɨ́ enwimla páʼ nyɔ́ɔ́. Nó ó, ɨ́ dʉ́o laá ó bé á ka tia esó yɨ́.

Yʉanes 18:28

Bê nzě búla e Yésʉs kwá mé Kayɨáfa, nzě tóŋɔɔ e né mbɛ̌r me njwɨ́ɨ sí yaá. Yé á be ó, yé mû ɨ́ dwiné mɛ́n. OYúden, bé á bé anî mbɛ̌r me njwɨ́ɨ, lɨ́ ekpɛ́ɛ ó, bé ámû lœʼ ményʉ́l mɔ́ɔ́, bé ntɔ̂ʼ kǎ sû méde me nzɔ́ɔ Páska.