Mataos 27:11 - Kálar Nzyɛ̌m : Ejwán é Sáá

¹¹ Nó ó Yésʉs á nze tô ɨ́ mpǒm mé ngóvina. Ngóvina nzě dî e né ó: «Go ó dí njwɨ́ɨ oYúden ɨ́?» Yésʉs nzě yala e né ó: «Yé ó gó dí sí lɛ́ɛ̌ nɨ̌.»

Kálara Zyɛ̌m Edwán é mpʉ̌n

¹¹ No ó Yesʉs a ze pyal é mih mo ngoman. Ngoman ze dî e nye ó: «Zê go ó ndɨ njwɨɨbʉr oYʉden ɛ?» Yesʉs ntɔʼ bɨha e nye ó: «Yé ó mpʉ go lɛɛ nɨ!»

Mataos 27:11 ပူးပေါင်းရင်းမြစ်များ

Mataos 26:25

Nó ó, Yʉ́das, mʉr á be lɨ́ edǐ bɛ́ma nyé nyá, á nze lɛ́ɛ e né ó: «Lɛ̂ʼla, abe mɛ̂m da! Yé abe nó?» Nye ntɔ̂ʼ yala e né ó: «Yé ó gó mʉr tɨ̂ʼ dí sí lɛ́ɛ̌ nɨ̌.»

Markus 14:62

Yésʉs ntɔ̂ʼ yala e né ó: «Me ó nye. Bɨ̌n bé óbee Mwân mé Mʉr, ndîndǐl ɨ́ páʼ mbó éjʉ́m mé Nzyɛ̌m nkul nyɨnyɛ̂h. Bɨ̌n bé óbee nyé lɨ́ enze, témé dwiné.»

Mataos 26:64

Yésʉs ntɔ̂ʼ yala e né ó: «Yé ó go mʉr tɨ̂ʼ dí sí lɛ́ɛ̌ nɨ̌. Me lɨ́ elɛ́ɛ bɨ́n, táare ɨ́ báánâ, bɨ̌n bé óbee Mwân mé Mʉr, ndîndǐl ɨ́ páʼ mbó éjʉ́m mé Nzyɛ̌m nkul nyɨnyɛ̂h. Bɨ̌n bé óbee nyé lɨ́ enze, témé dwiné.»

Mataos 2:2

Nó ó bé á to le edî bʉ̂r ó: «Mwân byɛ́l nyá, nye wó? Nye ó dí Njwɨ́ɨbʉr óYúden ebě, bɨ̌h bé á si bee twítwén wé kwá nyɨ́h, nko dʉ́o dí ejɨma yɨ́. Bɨ̌h nzé ó, lɨ́ enzě dwe nyé kûm.»

1 Timotɛ 6:13

Mě káálé ɨ́ míh mé Nzyɛ̌m, mʉr dí edwe bísá bíbyɛ̂h twiʼ nyá, ndu e maá mé Yésʉs-Krîst, mʉr á dwe nkam mbɨ̂mbɨá ɨ́ mpǒm mé Pɔ́ŋtus Pilátos nyá ó,

Mataos 10:25

Mpʉ́n sâʼ mpʉ mʉ̂r á lɛ̂ʼle nye nyá á sâ yɨ́; syɛ̂l mesâ sâʼ mpʉ njwɨ́ɨ wé. Nó ó dí ejala yɨ́. Lʉ́ mbɛ̌r bʉ̂r sí jwɨrɔɔ díe ó, “Béelzébul” nó, yé lɛ́ʼlé ó, bʉr ó mbɛ̌r bʉ̂r waá bɨ́ɛ, bé ókǎ jwɨrɔɔ míe me dí ɨ́ buú bébe má!»

Mataos 10:18

Bɨ̌n bé ósáŋɔɔ nó ó ɨ́ lɔ̌b wâm. Bé ótô e bɨ̌n kwá mingóvina le etyêl bɨ́n ɨ́ míh mé ójwɨ́ɨ. Bɨ̌n bé ósáŋɔɔ nó ó, bɨ̌n nkʉ̂ gwâ lɛ́ɛ ótyeetye bɨ́n dí egʉ́a wɨ́ ɨ́ míh mɔ́ɔ́ le míh mé bʉ̂r o dí abe óYúden bá.

Lʉkas 22:70

Nó ó bɨ́bɛ̂h bé á nze dî ó: «Go lɛ́ɛ́ yé? Nzê go lɛ́ɛ́ ó, go ó dí Mwân mé Nzyɛ̌m ɛ̌?» Nye ó: «Yé ó mpʉ bɨ́n dí elɛ́ɛ̌ nɨ̌: me ó dí nye.»