Mataos 27:1 - Kálar Nzyɛ̌m : Ejwán é Sáá

¹ Ɨ́ dwiné mɛ́n, ojwɨ́ɨ o mpáh Nzyɛ̌m bɨ́bɛ̂h le otɔ́má bʉ̂r o b'Ɨ́zraɛ̂l, bê nzě sáa pɨ̂ʼ ó, bé jʉ́ʼoo Yésʉs.

Kálara Zyɛ̌m Edwán é mpʉ̌n

¹ É dwine mɛn, ojwɨɨ be opara bɨbɛh ndwe e l'otamabʉr o lal ze bòno pɨʼ, ó bé nkʉʼ jʉ Yesʉs.

Mataos 27:1 ပူးပေါင်းရင်းမြစ်များ

Markus 15:1

Ɨ́ dwiné mɛ́n, ojwɨ́ɨ o mpáh Nzyɛ̌m, otɔ́má bʉ̂r o b'Ɨ́zraɛ̂l, olɛ̂ʼla o métié, le bʉ́ʉ́ bʉ̂r ó bʉ̌m nɨ́nɨ́ɨ́, bê nzě sáŋɔɔ pɨ̂ʼ, dumo e Yésʉs. Jɔʼ bé á be, bé mû sí kâʼ Yésʉs menkara yɨ́, bê nzě tô e né, tó tímlɔɔ nyé Pilátos.

Yʉanes 18:28

Bê nzě búla e Yésʉs kwá mé Kayɨáfa, nzě tóŋɔɔ e né mbɛ̌r me njwɨ́ɨ sí yaá. Yé á be ó, yé mû ɨ́ dwiné mɛ́n. OYúden, bé á bé anî mbɛ̌r me njwɨ́ɨ, lɨ́ ekpɛ́ɛ ó, bé ámû lœʼ ményʉ́l mɔ́ɔ́, bé ntɔ̂ʼ kǎ sû méde me nzɔ́ɔ Páska.

Lʉkas 22:66

Jɔ̌ʼ mɛ́n wé á lɔ́ma yɨ́, otɔ́má bʉ̂r o b'Ɨ́zraɛ̂l, bé le ojwɨ́ɨ o mpáh Nzyɛ̌m, le olɛ̂ʼla o métié, bé ntɔ̂ʼ syɛŋǎ gúmo gwár. Bé ntɔ̂ʼ nzeŋɔɔ e Yésʉs ɨ́ gwɨ́hlá yaá,

Mataos 23:13

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ ela bʉ̂r nzɨ̌ dí etô ɨ́ Mpóʼo mé Dâ nyɨ́. Bɨ̌n bʉr o tɨ̂, bɨ̌n bé adyɛ̂l tɨ̂. Bɨ̌n bé abîr ntémé ó, baá o dí esuo édyɛ̂l tɨ̂ʼ bá, bé dyɛ́lɨɨ.

Mɨlʉmlʉ 5:21

Ɨ́ dwiné mɛ́n kúnó, bʉr o mílʉ́mlʉ́ ntɔ̂ʼ tó tyɛ̂b lɨ́ ebɛhɛɛ e mpáh Nzyɛ̌m, mpʉ̌ Nzyɛ̌m á pa boo lɛ́ɛ bé yɨ́. Bê nzě nyɛl édwe bʉ̂r milɛ́ʼlá. Ɨ́ dyɛ̂m yaá, njwɨ́ɨ opara, bé e bʉr ó bʉ̌m nɨ́nɨ́ɨ́ nzě syɛŋa ɨ́ bʉ̌m nɨ́nɨ́ɨ́ dí gwɨ́hlá ótɔ́má bʉ̂r bé óYúden yɨ́. Bê nzě lómo bʉ̂r ó, bé tô nʉa bʉ̂r o mílʉ́mlʉ́ ɨ́ mbɛ̌r mímbʉʼ.

Lʉkas 13:1

Jɔʼ yaá ó bʉ́ʉ́ bʉ̂r, bé á nze lɛ́ɛ e Yésʉs mpʉ̌ Pilátos á jʉ̂ bʉ́ʉ́ bʉ̂r ó Galilê ɨ́ jɔʼ bé á be lɨ́ edwě Nzyɛ̌m mindwéá yɨ́. Bé ntɔ̂ʼ pûhla métié mɔ́ɔ́ le maá mé ótír bé á pa tíʼe Nzyɛ̌m bá.