Mataos 26:5 - Kálar Nzyɛ̌m : Ejwán é Sáá

⁵ Sâ gwár, bé á be yɨ́ɛ ó, lɨ́ elɛ́ɛla páʼ nyɔ́ɔ́ ó: «Mɨná bé ayɨ́ pǎ mɛ̂r gá nye ɨ́ jɔʼ nzɔ́ɔ. Minzɨnzɨ mi bʉ̂r, myé ámû sâ bíntʉ̌.»

Kálara Zyɛ̌m Edwán é mpʉ̌n

⁵ Sa gwar, bé a be yɛɛ ó, lé elɛɛla paʼra wɔɔ ó: «Bɨna l'ayi pa mɛr ga nye é jɔʼ ebʉʼ, bʉr bé amu jaa sa bɨntʉ.»

Mataos 26:5 ပူးပေါင်းရင်းမြစ်များ

Mataos 27:24

Mpʉ̌ Pilátos á bee ó, bé á bé akpɛl éjóʼo nyé yɨ́, le ebee ntémé ó, entumo e bʉ̂r, lé ámû sâ bíntʉ̌ yɨ́, nó ó nyé á nze nʉa medíbé, nzě jwɨɨ mébó mé ɨ́ mpǒm entumo e bʉ̂r laá. Nye ó: «Mé anʉa ntœ́b ɨ́ metié me mʉ̂r nyâ! Lɔ̌b wɨ́n ó nɨ̌!»

Mataos 21:26

Mɨ́ná yálá gá ó: “Bʉr ó b'á lómo nye” nó, mɨná bé ókpɛ́ɛ gá entumo e bʉ̂r ɨ́ jɔʼ yaá, ebě, bʉr bɨ́bɛ̂h, bé bûʼlá ó, Yʉánɛs á be ó ngwíha milɔ̌b mé Nzyɛ̌m.»

Mataos 14:5

Erôd á bɨbe e gwɨ́má ó, nyě jʉ́ ó Yʉánɛs. Sâ gwár, nye á be lɨ́ ekpɛ́ɛ éntumo e bʉ̂r, ebě, bé á lɨláa ó, Yʉánɛs á be ó ngwíha milɔ̌b mé Nzyɛ̌m.

Markus 14:27

Yésʉs, nye e bé ó: «Ebɔ̌ʼ, lé óbɨma bɨ́n óbɛ̂h ɨ́ miléme, ebě, yê cɛmá ó: “Me ójʉ̂ pála binteme; binteme byaá, byé omyamǎ dwǐʼ e dwǐʼ.”

Markus 14:12

Ɨ́ móhó ésóʼ é nzɔ́ɔ bé á de biblêr bi dí abe e levure bí nyɨ́, ɨ́ dʉ́ó bé á jʉjʉ̂ bwá bínteme bí Páska lɨ́, ompʉ́n mé Yésʉs nzě dî e né ó: «Gǒ kpɛl ó, bɨ̌h tôʼ, tó jâm gó mede mé Páska gó ngá de má wó?»

Markus 14:2

Ebě, bé á lɨlɛ́ɛla páʼ nyɔ́ɔ́ ó: «Mɨná bé ayɨ́ pǎ mɛ̂r gá nye ɨ́ jɔʼ nzɔ́ɔ yɨ̂. Minzɨnzɨ mi bʉ̂r, myé ámû jaá sâ bíntʉ̌.»

Mɨlʉmlʉ 4:28

Nkúná syɛ́ɛla bé á sâ yɨ́, yé ó b'á lóŋlo ekǎn gó á boo lɛ́ɛ ɨ́ nkul nyǒ le gwɨ́má yô lɨ́.

Yʉanes 18:28

Bê nzě búla e Yésʉs kwá mé Kayɨáfa, nzě tóŋɔɔ e né mbɛ̌r me njwɨ́ɨ sí yaá. Yé á be ó, yé mû ɨ́ dwiné mɛ́n. OYúden, bé á bé anî mbɛ̌r me njwɨ́ɨ, lɨ́ ekpɛ́ɛ ó, bé ámû lœʼ ményʉ́l mɔ́ɔ́, bé ntɔ̂ʼ kǎ sû méde me nzɔ́ɔ Páska.

Lʉkas 22:7

Móhó nzɔ́ɔ bé á de biblêr bi dí abe e levure bí nyɨ́, ɨ́ dʉ́ó bé á jʉjʉ̂ bwá bínteme bí Páska lɨ́, wê nzě pyâl.

Lʉkas 20:6

Mɨ́ná yálá gá ó: “Bʉr ó b'á lómo nye” nó, minzɨnzɨ mi bʉ̂r mímyɛ̂h, myé ólúmo gá mɨná mekóʼ.» (Ebě, myé á be lɨ́ ebúʼla ó, Yʉánɛs á kʉ be tyeetye ó ngwíha milɔ̌b mé Nzyɛ̌m.)

Mɨlʉmlʉ 19:29

Nó ó, nkana yɨ́yɛ̂h, yé á be, yé mû áleŋéleŋé. Bʉr nzě mɛ́rɔɔ̌ Gáywis bé e Arîstark, tô le edulo bé sí e sí. Bʉr obá baá, bé á be ó bʉr ó Masedónia. Bé á be ó, osó mé Pɔ̂l, bé le onɔ́ɔ́ bé á titye bá.

Mɨlʉmlʉ 21:38

Ntʉ gó dí mʉr Egɨ̂ptɛn á sâ ó, bʉr sâʼ bintʉ̌, tô e binzilngǎn otɔ́ɔ́sin onâ ɨ́ lʉá tʉ́ŋlʉ̌ nyá ɛ́?