Mataos 26:41 - Kálar Nzyɛ̌m : Ejwán é Sáá

⁴¹ Diʼee gá ɨ́ mpʉ̂n. Jɨʼlaa gâ, bɨ̌n ámû jaá bóblɔɔ, bɨ̌n ntɔ̂ʼ duma. Sísǐm mʉ̂r, wé damá gwɨ̂m ésâ bísyɛ́ɛla bimpâ, bipúno bíɛ, byé ɨ́ tyɛʼ.»

Kálara Zyɛ̌m Edwán é mpʉ̌n

⁴¹ Diʼe ga nkehe. Jwɨʼla ga e Zyɛm. Bé amu jaa boblo bɨn, bɨn duma. Sisim mo mʉr, wé e gwɨma esa mɨmpaŋ bɨsyɛɛla; mɨsʉn myɛɛ, akoʼo.»

Mataos 26:41 ပူးပေါင်းရင်းမြစ်များ

Lʉkas 22:46

Nye ntɔ̂ʼ jɨm bê, le elɛ́ɛ e bé ó: «Bɨ̌n bé lɨ́ ejâ bíjô ɨ́ yé? Gbɔlwaa gá sí. Jɨʼlaa gâ, bɨ̌n ámû duma ɨ́ mebʉ́blá.»

Markus 14:38

Diʼee gá ɨ́ mpʉ̂n. Jɨʼlaa gâ, bé ámû jaá bóblo bɨ́n, bɨ̌n duma. Sísǐm mʉ̂r, wé lɨ́ egwɨ̂m ésâ bísyɛ́ɛla bimpâ. Nyʉ̂l nyɨɛ, ɨ́ tyɛʼ.»

Éfɛsɔs 6:18

Sáʼ gá sâ yaá yɨ́yɛ̂h e minjɨʼla, le edî ó, Nzyɛ̌m súʼaa bɨ̌n. Jɨʼlaa gá ɨ́ jɔʼ yɨ́yɛ̂h ɨ́ mpʉ̌ Sísǐm mé Nzyɛ̌m dí etɨ́e bɨ́n yɨ́. Tɨ̂ʼ ntémé, atyɛʼ gá lɨ́ edi ɨ́ doho. Ɨ́ jɔʼ yɨ́yɛ̂h, tirwaa gá e syɛ́ɛ́ mínjɨʼla lɨ́ esú é bʉ̂r o mé Nzyɛ̌m bɨ́bɛ̂h.

Mataos 6:13

Ayɨ́ bîr ó, bɨ̌h níʼee ɨ́ mebʉ́blá. Syɛbɨɨ bɨ́h ɨ́ mebó mé Sátan.”»

Lʉkas 21:36

Diʼee gá ɨ́ mpʉ̂n. Jɨʼlaa gá ɨ́ jɔʼ yɨ́yɛ̂h, ó bɨ̌n nkʉ̂ kɨ̂ŋ bísyɛ́ɛla bí móhó waá bíbyɛ̂h. Jɨʼlaa gá ntémé ó bɨ̌n nkʉ̂ be e nkul etyɛ̂b ɨ́ mpǒm Mwân mé Mʉr.»

Mɨngwiha 16:15

Bê nzě syɛŋa ntémé nó. Bé á syɛŋa ó, lɨ́ ebɨ̌m e dɔ̂m bé jɨ́jébé ɨ́ lwǐb ébrœ̂ «Armagedɔ̂n» yɨ́. Tî gá wɨ́ná, nyě lɛ́ɛ́ ó: «Paá bee gâ: me lɨ́ enze métwɨrâ, mpʉ̌ ndíblʉ̌. Mʉr dí ɨ́ mpʉ̂n, mikán mimbɔ́rá ɨ́ nyʉ̂l nyá, nye ó waá mé ósʉ métyɛʼ me mpóm nyá. Nyɨɛ, nye ábě suswáh. Nye ábeɔɔ ɨ́ nkɛŋlɛ̂m. Nye ásɔ́ma.»

1 Korɛnt 16:13

Diʼee gá ɨ́ mpʉ̂n. Mʉ̌r sá apɨ́ŋla ɨ́ búʼó. Diʼee gá e lémé nkɔ́ɔ́. Diʼee gá e nkul.

1 Pyɛr 5:8

Máráá gá miléme. Diʼee gá ɨ́ doho. Ntɨ̂m e mbɨn wɨ́n, sɔ́ŋ meleme, nye lɨ́ elie bɨ́n ɨ́ mipáʼ mímyɛ̂h mpʉ̌ ngbampɨɨ dí emwóolo wɨ́. Nyě sáá ó, ede mʉ̂r.

1 Korɛnt 10:13

Mebʉ́blá bɨ́n á ntaa má, mé lɨ́ epyâl bɨ́n e bʉr bɨ́bɛ̂h. Tó kœb ó, Nzyɛ̌m, nye ó mʉr jálá le ebúʼlɔɔ nyá. Nye ábîr ó, bɨ̌n bóblɔɔ, tó pyâl ɨ́ jɔʼ bɨ́n ósâ syóm yɨ́. Jɔʼ mébʉ́blá, mé ópipyâl bɨ́n yɨ́, nye ókar bɨ́n nzɨ̌ swîh. Bɨ̌n bé odyɛ̂l tɨ̂, le esyɛ̂hle mísyóm bɨ́n á gwa sâ mí.

2 Pyɛr 2:9

Yé bé Dâ Nzyɛ̌m á si nyɛɛ sâ bʉr baá nó wá, nó ntémé, nye ókʉ́ gʉ́ǎ mpʉ nyé ósyɛb bʉ̂r o dí egúmo e né bá ɨ́ mebʉ́blá yɨ́. Nye lɨ́ egʉ́a ntémé mpʉ nyé ókab ónzyɛ́h ó bʉ̂r bintɨ́ʼá, le egbâ bé ɨ́ mpila, lɨ́ ebónǒ móhó étíʼ é mílɔ̌b yɨ́.

Mataos 24:42

Nó, diʼee gá ɨ́ mpʉ̂n, ebě, bɨ̌n bé agʉ́a dʉ́ó Tî wɨ́n ngá nze yɨ́.

Mɨngwiha 3:10

Sâ gwár, me á lɛ́ɛ e bɨ̌n bɨɛ ó, bɨ̌n dûhwaa. Bɨ̌n bé á si bana baʼle lɔ́ɔ́ wâm waá. Mpʉ bɨ́n á jóʼo me nó yɨ́, me óbaʼle bɨ́n, ebě, bɨ̌n bé ámû jaá nî ɨ́ bintɨ́ʼá mû lɨ́ epyâl ɨ́ mʉr nyɨnyɛ̂h ɨ́ sí yɨ̂ʼ bí.

1 Pyɛr 4:7

Ɨ́ báánâ, bisá bíbyɛ̂h, byé mû ó kúno ekumo ɨ́ meswéhlɨ́. Dwéʼ gá menyʉ́l mɨ́n medile. Máráá gá miléme, lɨ́ esú ó, bɨ̌n sâʼ minjɨʼla.

Lʉkas 22:40

Jɔʼ nyé á pyâl gúmo yaá yɨ́, nye ntɔ̂ʼ lɛ́ɛ e bé ó: «Jɨʼlaa gá e Nzyɛ̌m, nye ayɨ́ bîr ó, Sátan bóblaa bɨ̌n.»

Galásia 5:24

Bʉr o dí egúmo e Krîst bá, bé á si jʉ̂ njwɨr myâ gá wɨ́ná. Bisyɛ́ɛla bí ébébe wé á gwɨ̂gwɨm bí, byé akǎ báʼǎ be. Bé ó mpʉ̌ sá lɛ́ɛ́, bɨ́ jʉ̂ njwɨr waá, lɨ́ ebomlo wé e binzâŋ, bɨ́nɔɔ byé ɨ́ kolôs kʉ́.

1 Korɛnt 9:27

Mɨ́ gbâ nyʉ̂l nyǎm ɨ́ jwɨ́ɨ́ yâm, le esâ nyé bwaʼbwaʼ mpêl. Me ámû jaá myahɔɔ̌ kʉ̌l, mɛm, mʉr dí eboó tutúnǒ Mbɨambɨa Lɔ́ɔ nyá.

Mataos 25:13

Yésʉs nzě lɛ́ɛ e bé ó: «Nó ó, diʼee gá ɨ́ mpʉ̂n, ebě, bɨ̌n bé agʉ́ǎ móhó, nkʉ̂ ewala mé óbáʼǎ nze lɨ́.»

Mataos 26:38

Nye ó: «Lémé wâm, wê le ebúʼ, mpʉ̌ sá lɛ́ɛ́, me ópuro e tɨ̂. Diʼee gá wâʼ lɨ́ emo e me. Diʼee gá ɨ́ doho.»

Rôm 8:3

Yé á bé abána ó, mɨná bíʼee gá twiʼ ɨ́ mbaʼlá métié, ebě njwɨr myâ wɨ́ná, wé á be ɨ́ tyɛʼ. Metyɛʼ mé njwɨr myâ waá, mé ntɔ̂ʼ teʼle métié maá. Sá métié mé Moyɨ̂z, mé á be akoʼo lɨ́ esâ yɨ́, Nzyɛ̌m nyɨɛ á si bana sâ yê. Nye á dwe mɨná gá twiʼ ó ɨ́ nzɨ̌ Mwân wé nyé á ntɨh ɨ́ sí yɨ̂ʼ nyá. Mwân waá nzě byɛ̂l mʉ̂r. Nyʉ̂l bipúno nyé, nye á kʉ nwɨɨla ó e nyaá gá nyɨ́ná, osyɛ̂l o mísyóm. Nye á nze ó ɨ́ lɔ̌b syóm gá wɨ́ná. Nye á nze pɛʼ ó wê. Nzyɛ̌m nzě dwě Yésʉs mebě, le entɨ̂ʼ nyʉ̂l bipúno nyé ɨ́ jɔʼ nyé á búra e misyóm myaá yɨ́.

Lʉkas 11:4

Pɛʼɛɛ bíbaa gó á niʼe bɨ̌h ɨ́ lɔ̌b mébébe mɨ́h bí, ebě, bɨ̌h ntémé bé lɨ́ epɛʼ bíbaa bɨ́h dí eniʼe bʉ̂r bɨ́bɛ̂h ɨ́ lɔ̌b ébébe bé dí esâ bɨ́h lɨ́. Ayɨ́ bîr ó, bɨ̌h níʼee ɨ́ mebʉ́blá.”»

Lʉkas 8:13

Bʉ́ʉ́ bʉ̂r, bé ó mpʉ̌ mpeʼ dí mbeá ɨ́ sí mékóʼ yɨ́. Bé lɨ́ enʉǎ lɔ́ɔ waá jɔʼ bé dí ejóʼo wé yɨ́. Sâ gwár, bé abîr ó, lɔ́ɔ waá, wé páhaa mikaalé ɨ́ milémé myɔ́ɔ́. Bé jaá bûʼla wé ó, njɨ ɨ́ mâ jɔʼ. Bé ntɔ̂ʼ gbɔba e búʼó yaá ɨ́ jɔʼ bʉ̂r mû lɨ́ etíble bé lɨ́ esú é búʼó yaá yɨ́.