Mataos 24:9 - Kálar Nzyɛ̌m : Ejwán é Sáá

⁹ «Jɔʼ yaá ó bɨ́n ngá tyenɔɔ kwá bʉr o ngá buú lɛ̂ʼle bɨ́n túú bá. Bé ójʉ̂ bɨ́n. Bʉr o bíkúl bíbyɛ̂h, bé óbene bɨ́n ebe bɨ́n dí egúmo e me.

Kálara Zyɛ̌m Edwán é mpʉ̌n

⁹ «É jɔʼ yaa ó bé ókɛha bɨn é mobo mo bʉr ofih, baa bé ótíile bɨn ɨ. Bé ójʉ bɨn bʉʉ bʉr. Bʉr o ndɨ abe oYʉden ɨ, bé ónwim bɨn é lɔb wam.

Mataos 24:9 ပူးပေါင်းရင်းမြစ်များ

Yʉanes 16:2

Bé óso bɨ́n ɨ́ mempáh mínjɨʼla mɔ́ɔ́. Yé ópyâl ntémé jɔʼ bʉ̂r, bé ójʉ̂ bɨ́n, lɨ́ ejwɨʼ ó, bé séá ó Nzyɛ̌m syɛ́ɛ́ yɨ́.

Mɨngwiha 2:10

Ayɨ́ jóʼo gá bʉ́á ɨ́ lɔ̌b bíntɨ́ʼá bé ngá dwe bɨ́n bí. Paá bee gâ: Sɔ́ŋ meleme ómɛ̂r bɨ́n bʉ́ʉ́ bʉ̂r, gbâ bé ɨ́ mbʉʼ, lɨ́ edǐ bóblo bɨ́n. Bɨ̌n bé ósia e mitúú, tó kumo ɨ́ melû kám. Gwá baʼle gá búʼó, tó kumo lɨ́ eswie. Sá tɨ̂ʼ ó mé ódwe bɨ́n twǐʼ njʉ̌m dǐ yɨ́. Bɨ̌n bé óbi myɛ́na maá, mpʉ̌ nkɔ́ɔ́ dí ebórɔɔ̌ káráá yɨ́.

Lʉkas 21:12

Nó ɨ́ jɔʼ bísâ byaá bíbyɛ̂h ngá be, byé dína apǎ pyâl yɨ́, bé ónyɛɛ́ mɛ̂r bɨ́n, le etíble bɨ́n, tô e bɨ̌n ɨ́ mempáh mínjɨʼla, lɨ́ etó pur bɨ́n le etíʼe bɨ́n milɔ̌b gʉ̂. Bé ótô e bɨ̌n ɨ́ mimbɛ̌r mímbʉʼ, le ɨ́ mempǒm me bʉ̂r onɨ́nɨ́ɨ́ ti e maá mé ójwɨ́ɨ, ɨ́ lɔ̌b wâm.

Mɨngwiha 7:14

Me e né ó: «Dâ ɛ̌, gua ó dí egʉ́a.» Nó nyé á lɛ́ɛ e me ó: «Bʉr bâ, bé ó baá bé á sia e bintɨ́ʼá bínɨ́nɨ́ɨ́ bá. Bɨ́ sohlo bídur byɔ́ɔ́ e metié me Mâ Nteme. Nó ó míkán myɔ́ɔ́ dí ɨ́ pumo pumo yɨ́.

1 Pyɛr 4:16

Sâ gwár, mʉr dí esia e bintɨ́ʼá ebe nyé dí krǐsten nyá, nyě sá ajóʼo bá sôn ɨ́ lɔ̌b bíntɨ́ʼá byaá. Nye gúmlaa njɨ Nzyɛ̌m le epɨr e díé mé Krîst.

Mɨngwiha 2:13

“Me lɨ́ egʉ́ǎ gúmó bɨ́n dí edi yɨ́. Tɨ̂ʼ ó dí diá jwɨ́ɨ́ mé Sátan. Bɨ̌n bé lɨ́ edyɛ̂ʼwo e me. Damá jóʼo ɨ́ jɔʼ bé á jʉ̂ Antipâs yɨ́, bɨ̌n bé á bé agwâʼ ésâ nó. Antipâs ó dí egwá boʼlo mílɔ̌b myâm. Nye ntémé, nye á be ó mʉr ebúʼlɔɔ. Sá tɨ̂ʼ ó bé á mɛ̂r nye ɨ́ sɔ́má yɨ́n, jʉ́ŋɔɔ nyé yɨ́. Tɨ̂ʼ ntémé ó dí odiá mé Sátan.

Mɨlʉmlʉ 7:59

Jɔʼ bé á be lɨ́ elúmo nyé mekóʼ yɨ́, Étiene nyɨɛ nzě kɛn díé mé Nzyɛ̌m, lɨ́ elwǐb mbi wɨ̂: «Dâ Yésʉs, nʉaǎ sísǐm wâm!»

Lʉkas 11:49

Sɨ́ǎ yaá ó, Nzyɛ̌m dí elɛ́ɛ lɨ́ ocwóó wé ó: “Me ólómlo bé ogwíha o mílɔ̌b ndu e bʉr o mílʉ́mlʉ́ bâm. Bé ójʉ̂ bâʼ ó jʉ́ʼóo, tíble bʉ́ʉ́ tíbláa” yɨ́.

Mataos 23:34

Sá tɨ̂ʼ ó mé dí elómlo bɨ́n ogwíha o mílɔ̌b, ndu e mipɨpɨ́ʼ mí bʉ̂r le olɛ̂ʼla yɨ́. Bâʼ bʉ̂r, bɨ̌n bé ójʉ̂ ó jʉ́ʼóo. Bʉ́ʉ́, bɨ̌n bé óbomlo ɨ́ bikolôs. Bʉ́ʉ́ ntémé, bɨ̌n bé óŋmɛ̂h míngáhá ɨ́ mempáh mínjɨʼla mɨ́n. Bɨ̌n bé ótíble bé bínkana e bínkana byɛ̂h.

Mɨlʉmlʉ 28:22

Nó ó, bɨ̌h bé lɨ́ ekpɛl égʉ́ǎ mpʉ gó dí epahle mílɔ̌b myaá yɨ́, ebě, ɨ́ páʼ wɨ́h, sá bɨ́h bɨɛ dí egʉ́a yɨ́, yé ó, bé lɨ́ eswêʼ yébé waá ɨ́ bigúmó bíbyɛ̂h.»

Mataos 22:6

Baá bʉ́ʉ́, mɛ́rɔɔ ósyɛ̂l o mésâ ónɨ̌, sáŋɔɔ bé cére, jʉ́ŋɔɔ.

Yʉanes 15:18

«Bʉ̂r ó sí yɨ̂, bé ónwinwim bɨ́n nó, gʉ́ŋáá gá ó, bé á taare enwim ó me.

Yʉanes 15:21

Sâ gwár, bé ótîtible bɨ́n nó ó ɨ́ lɔ̌b wâm, ebě, bé agʉ́a mʉ̂r á ntɨh me nyá.