Mataos 24:6 - Kálar Nzyɛ̌m : Ejwán é Sáá

⁶ Bɨ̌n bé ójóʼo bʉ̂r lɨ́ elwilwib mílɔ̌b mi mɔ̂m le elɛ́ɛ mílɔ́ɔ́ mí dɔ̂m. Bisɨ́ǎ byaá atɨ̂l bɨ́n mekʉ̌ sí, ebě, yé jala ó, byé nyɛ́ɛ pyâl. Damá jóʼo nó, ntʉ bísɨ́ǎ byaá ngá lɛ̂ʼle ésúʼlá é sí yɨ̂.

Kálara Zyɛ̌m Edwán é mpʉ̌n

⁶ Bɨn bé ójoʼo mɨlɔɔ é lɔb mɔm bé mu lé elwimla ɛ, ndwe é lɔb mɔm bé lé edɨ kaʼ ɛ. No ó, mʉr ayi twɨra, ebe, yé ókʉ be bɨna ga é nere-nere ó, bɨsɨa byaa taara syɛɛlɨ. Dam be no, ntʉʼ bɨsɨa byaa, byé ócemle esie e mbi jɔʼ yi.

Mataos 24:6 ပူးပေါင်းရင်းမြစ်များ

Lʉkas 21:9

Bʉr, bé ólɛ́ɛ bɨ́n milɔ́ɔ ɨ́ lɔ̌b mɔ̂m e bintʉ̌ mû lɨ́ esyɛ́ɛlɨ bí. Milɔ́ɔ myaá sá atɨ̂l bɨ́n mekʉ̌ sí. Yé jala ó, bisâ byaá nyɛ́ɛ pyâl. Damá jóʼo nó, esúʼlá é kʉ́ e sí, lé ákóʼó kpâhwǎ pyâl.»

Yʉanes 14:1

Yésʉs, nye e bé ó: «Bisɨ́ǎ bî, byé ayɨ́ tɨ̂l bɨ́n mekʉ̌ sí. Dyɛ́ʼwáá gá e Nzyɛ̌m. Dyɛ́ʼwáá gá ntémé e me.

2 Tesalonika 2:2

Bɨ̌h lɛ́ɛ́ bɨ́n ó nɛ́ɛ: akǎ twɨra gá dwêh. Nyʉ́ʉ́ mʉ̂r ólɛ́ɛ bɨ́n ó, Tî gá wɨ́ná Yésʉs, nyɨ́ báʼǎ pyâl nó, sɨ́ǎ yaá atɨ̂l bɨ́n mekʉ̌ sí. Mʉr waá damá lɛ́ɛ ó, lɛ́á wé waá, wé ó solá sɔ̂ʼ, duho kwá mé Nzyɛ̌m, yé abe nó. Nyě damá lɛ́ɛ ó, yé ó ekǎn nyʉ́ʉ́ mʉ̂r á lɛ́ɛ nye lɨ́. Yé ntémé, yé abe nó. Nyě damá boʼlo ó, lɛ́á waá, wé duho ɨ́ mekaná me dí enyɨ̂n ó, mé duho kwá nyɨ́h má, yé abe nó.

Yʉanes 14:27

«Mepyɛbla ó mé líʼé bɨ́n e mǎ nɨ̌. Mepyɛbla mâm ó mé dwé bɨ́n nɨ̌. Mé adwe bɨ́n mǎ mpʉ bʉ̂r ó sí yɨ̂ʼ dí edwe bɨ́n bisɔ̂ʼ, kǎ sûʼlǎ dɛn byé yɨ́. Bisɨ́ǎ bî, byé ayɨ́ tɨ̂l bɨ́n mekʉ̌ sí. Ayɨ́ jóʼo gá bʉ́á.

Mataos 24:14

Nó Mbɨambɨa Lɔ́ɔ dí edumo e Mpóʼo mé Dâ Nzyɛ̌m wɨ́, wé ólɛ́ɔɔ̌ gúmó yɨ́yɛ̂h ɨ́ sí yɨ̂, lɨ́ esâ ó, kúl yɨ́yɛ̂h jóʼaa bʉr o dí eboʼlǒ lɔ́ɔ waá bá. Píe tɨ̂ʼ ó éswéhlɨ́ é kʉ́ e sí ngá kǎ bɔma yɨ́.»

Lʉkas 21:19

Tiʼɨɨ gá menyʉ́l mɨ́n ɨ́ nzɨ̌ bíhwó nyɨ́n!»

Lʉkas 22:37

Ebě, mě lɛ́ɛ́ bɨ́n ó: sá bé á cɛma ɨ́ páʼ wâm yɨ́, yé ɨ́ jala le esyɛ́ɛ. Yê cɛmá ɨ́ Mekaná mé Nzyɛ̌m ó: “Nye á si láŋɔɔ ɨ́ sɔ́má bʉ̂r o b'á gbɔba e Nzyɛ̌m bá.” Milɔ̌b bé á tile ɨ́ páʼ wâm mí, myé ódira.»

Mataos 26:54

Syɛ́ɛla yɨ̂, yɨ́ lóŋlǎ sá dí micɛmá ɨ́ Mekaná mé Nzyɛ̌m yɨ́. Yê cɛmá ó, yé ɨ́ jala le esyɛ́ɛ nó.»

Mataos 2:3

Ɨ́ jɔ̌ʼ ngóvina Erôd á jʉ̂ʼra mpyɔ́m nyaá yɨ́, nye nzě syɛ̌l bá tɨ̂, bé e bʉr ó Yerʉ́zalɛm bɨ́bɛ̂h.

Mɨngwiha 6:4

Yʉ́ʉ́ kablá, yé ntɔ̂ʼ pyâl. Yɨ́haá, yé ó be ó e nyʉ̂l kaá e kaá. Mʉr á be tɨ̂ʼ kʉ́ nyá, á si dweŋɔɔ nkul ekaʼ dɔ̂m ɨ́ sí yɨ́yɛ̂h ó, bʉr, bé jwɨ́ɨla páʼ nyɔ́ɔ́. Bé á si dwe nye pasoŋ ɨ́ jaa jaa.