Mataos 24:5 - Kálar Nzyɛ̌m : Ejwán é Sáá

⁵ Ebě, bʉr ɨ́ buo buo, bé ónzɨnze e díé lâm, lɨ́ elɨlɛ́ɛ ó: “Mɛm ó dí Mʉ̌r Nzyɛ̌m á lœm múló mé jwɨ́ɨ nyá!” Bé ódímle bʉ̂r ɨ́ buo buo.

Kálara Zyɛ̌m Edwán é mpʉ̌n

⁵ ebe, buobuo bʉr, bé óze e die lam, lé elɛɛ-lɛɛ ó: “Mɛm ó di Lœma mulo mo Zyɛm!” Bé ógomlo bʉr é buobuo é bebebebe zi.

Mataos 24:5 ပူးပေါင်းရင်းမြစ်များ

Mataos 24:24

Ebě, okrîst o bíbɛr, bé ópîpyal, bé le ogwíha o mílɔ̌b o bíbɛr. Bé ósâ mésimá ménɨ́nɨ́ɨ́ le bisá bí ékâm. Yé báná nó, bé ódímle bʉ̂r ó Nzyɛ̌m á twâr bá ɨ́ nzɨ̌ mikóo myɔ́ɔ́.

Mataos 24:11

Ogwíha o mílɔ̌b o bíbɛr, bé ópyâl ɨ́ buo buo. Bé ntémé, bé óbuú dímle bʉ̂r ɨ́ buo buo.

1 Yʉanes 2:18

Bwán bâm, esúʼlá é sí yɨ̂ʼ mû ó ɨ́ nérénére. Bɨ̌n bé á si boo jóʼo ó, Ntɨ̂m e mbɨn mé Krîst, nye ɨ́ jala le enze. Ɨ́ báánâ, ontɨ̂m le obɨn mé Krîst, bé mû ó, sí buo. Nó ó mɨ́ná dí egʉ́a gá ó, yɨ́ kumo lɨ́ esúʼlá é sí yɨ̂ʼ yɨ́.

Yʉanes 5:43

Mɛm á nze ó ɨ́ díé mé Sɔ́ŋ wǎm, bɨ̌n l'akpɛl énʉa mê. Sâ gwár, nyʉ́ʉ́ mʉ̂r ká nze ɨ́ lé díe nye mʉr tɨ̂ʼ nɛ́ɛ: bɨ̌n bé ónʉa nyê.

Mɨngwiha 13:8

Nó ó, bʉr ó sí yɨ̂ʼ bɨ́bɛ̂h, bé ódwe nyé kûm, pɛ̌ʼ njɨ baá Nzyɛ̌m á boo cɛma míé mɔ́ɔ́ ɨ́ mekaná mé twiʼ bá. Mekaná maá, mé á boo be cɛmá ó, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Mé gúmó ó e Mâ Nteme bé á boo jʉ̂ nyá.

Yʉanes 8:24

Sá tɨ̂ʼ ó mê lɛ́ɛ́ e bɨ̌n ó: “Bɨ̌n bé óbúra e misyóm mín” yɨ́. Bɨ́n bé abûʼla ó, mɛm ó dí Me-ó-tɨ̂ʼ nó, bɨ̌n bé ókʉ́ búra e misyóm mín.»

Yʉanes 8:28

Yésʉs nzě lɛ́ɛ e bé ó: «Jɔʼ bɨ́n ngá bɨ̂n Mwân mé Mʉr kʉ́ yɨ́, ɨ́ jɔʼ yaá ó bɨ́n ngá gʉ́a ó, mɛm ó dí Me-ó-tɨ̂. Bɨ̌n bé ogʉ́a ó, mé abe lɨ́ esâ yʉ́ʉ́ sɔ̂ʼ ɨ́ mɛm mʉr tɨ̂. Mě jaá lwilwib ó, njɨ sá Sɔ́ŋ wǎm á lɛ̂ʼle me yɨ́.

1 Yʉanes 2:22

Nzé dí ányâ-bibɛr? Nye ó mʉr dí elɛ́ɛ ó, Yésʉs, nyé abe Mʉ̂r Nzyɛ̌m á lœm múló mé jwɨ́ɨ nyá. Mʉr Dɔm mé Yésʉs, nye ó mʉr nyɨnyɛ̂h dí ekɛ́lǎ Nzyɛ̌m Sɔ́ŋ le Nzyɛ̌m Mwân nyá.

1 Yʉanes 4:3

Tó kœb ó, waá nyɨnyɛ̂h dí akpɛl ékam ó, Yésʉs á nze ɨ́ sí yɨ̂ʼ ó e nyʉ̂l mʉr mpâ nyá, nyé abe e Sísǐm dí eduho kwá mé Nzyɛ̌m wɨ́. Sísǐm nyé dí e wé wɨ́, wé ó waá Mʉ̂r Dɔm mé Krîst. Bɨ̌n bé á nyɛɛ jóʼo lɔ́ɔ ó, nye ɨ́ jala le enze. Nó ɨ́ báánâ, nye mû ó sí pyâl ɨ́ sí yɨ̂.