Mataos 24:3 - Kálar Nzyɛ̌m : Ejwán é Sáá

³ Nó ó Yésʉs á nze tô lɨ́ Ecwɨ́ʼ lé ólivier, nzě di sí. Ompʉ́n bé, bê nzě tô e né, tó sâ bʉm. Bé e né ó: «Lɛ́yɨ́ɨ́ bɨ́h jɔʼ bísá bîʼ ngá syɛ́ɛ yɨ́. Lɛ́yɨ́ɨ́ bɨ́h ntémé dweʼle ngá lɛ̂ʼle ó, go mû ó kúno ebúla, le ntémé jɔʼ mpóʼo sí yɨ̂ʼ ngá síe yɨ́.»

Kálara Zyɛ̌m Edwán é mpʉ̌n

³ Yesʉs, nye osi di si é l'Ecwɨʼ le olivye nɛʼɛ, ompʉn be ze dî nye tia, bé mu bé ome ó: «Lɛŋɨ bɨh jɔʼ bɨsa bɨnɨ, byé ósyɛɛlɨ ɨ. Lɛŋɨ bɨh nteme dweʼle yé ólɛʼle ó, go mu ó kunokuno le ebula, le nteme, esie e mbi jɔʼ yi, lé mu ó é nere-nere e.»

Mataos 24:3 ပူးပေါင်းရင်းမြစ်များ

Mɨlʉmlʉ 1:7

Yésʉs ntɔ̂ʼ yala e bé ó: «Bɨ̌n bé ajala le egʉ́a bíjɔʼ le mimbû Sɔ́ŋ wǎm ngá sâ bísyɛ́ɛla byé bí. Ebě, Sɔ́ŋ wǎm mʉr tɨ̂ʼ ó b'á tyêl bijɔʼ byaá e nkul jwɨ́ɨ́ yé nye mʉr tɨ̂.

Mataos 24:37

Syɛ́ɛla yaá, yé ósyɛ́ɛ ó, nwɨɨla e bisyɛ́ɛla byé á sisyɛ́ɛlɨ ɨ́ jɔʼ mé Nóe bí. Mpʉ yaá ntémé ó Mwân mé Mʉr ngá báʼǎ nze yɨ́.

Mataos 13:49

Mpʉ yaá ntémé ó ngá sáŋɔɔ lɨ́ esúʼlá é sí yɨ̂ʼ yɨ́. Beéngeles, bé ónzě gbâ mbɔ́ʼ páʼ bíbɨ́bla bi bʉ̂r le otîtyěl o bʉ̂r.

Lʉkas 21:7

Nó ó bé á dî e né ó: «Lɛ̂ʼla, bisyɛ́ɛla byaá, byé ósyɛ́ɛ ɨ́ yáǎ jɔʼ? Yé ngá lɛ̂ʼle bɨ́h jɔʼ byé ngá syɛ́ɛ yɨ́?»

Mataos 21:1

Jɔʼ bé á be, bé mû bǎʼ e Yerʉ́zalɛm yɨ́, Yésʉs ntɔ̂ʼ pyâl Bɛtfagée lɨ́ Ecwɨ́ʼ lé ólivier. Nye nzě lómo ómpʉ́n bé obá.

Mataos 24:39

Bé á bé abûʼla ó, sɔ̂ʼ, yé e nkul esyɛ́ɛ nó, tó pyâl ɨ́ jɔʼ mpɨ́ɨ á bana sîl bɨ́bɛ̂h yɨ́. Yé óbe ntémé ó, jwɨʼ gwár, ɨ́ jɔʼ Mwân mé Mʉr ngá báʼǎ nze yɨ́.

Mataos 24:27

Ebě, mpʉ̌ ndweh dí edweh, táarě nko dʉ́o dí ejɨma, tó kumǒ nko lé dí edíme yɨ́ ó Mwân mé Mʉr ngá báʼǎ nze yɨ́.

Ebrœ̂ 9:26

Yé bé nye á dwidwe ndwéá wé ó, nzɔʼ nzɔʼ nó, mpa nye á sia ntémé e mitúú ó, nzɔʼ nzɔʼ, táare ɨ́ jɔ̌ʼ Nzyɛ̌m á kuho kʉ́ e sí yɨ́. Nye á jaa nyɨ̂n ɨ́ sí yɨ̂ʼ ó, njɨ jɔʼ gwár ɨ́ kpɔ́ŋ. Yé á be ó, ɨ́ jɔʼ éswéhlɨ́ é sí yɨ̂, lé á pyâl ɨ́ mɨná gá yɨ́. Nye nzě dwě Nzyɛ̌m nyʉ̂l nyé, lɨ́ epɛʼ bʉ̂r misyóm myɔ́ɔ́ lɨ́ esú é bíjɔʼ bíbyɛ̂h.

Mataos 28:20

Bɨ̌n a lɛ́ʼlé bê, ó bé bâʼlaa bisá bíbyɛ̂h mé á boo lɛ́ɛ bɨ̌n bí. Gʉ́ŋáá gá ó: me ódi e bɨ̌n melú mɨ́mɛ̂h, tó pyâl pyáláa ɨ́ jɔʼ mpóʼo sí yɨ̂ʼ ósíe yɨ́.»

Mataos 17:19

Píe tɨ̂, ompʉ́n bé, bê nzě sîhlě nkǒ Yésʉs á be yɨ́, bé mû bé omér. Bé ó: «Bɨ̌h bɨɛ, bé akoʼo épɛʼ lé ɨ́ yé?»

Mataos 24:43

Ebě, bɨ̌n bé lɨ́ egʉ́a ó, yé bé mʉr mbɛ̌r á si gʉ́a jɔ̌ʼ ndíblʉ̌, wé á be ó, wé ópyâl yɨ́ nó, lɛ́ɛ́, nye á di ó ɨ́ doho, abîr ó, wé túbaa nye mbɛ̌r.

Mataos 15:12

Ompʉ́n mé Yésʉs, bê nzě sîhlě súm nyé á be yɨ́. Bé e né ó: «Nzê gʉ́ gʉ́a ó, sá gô lɛ́ɛ́ nɨ̌, yê bé ó ebɔ̌ʼ ɨ́ nkǒ páʼ óFarizyɛ̂n ɛ̌? Lê bé sí bɨma bé ɨ́ miléme.»

Mataos 13:36

Yésʉs nzě líʼe éntumo e bʉ̂r, nî mbɛ̌r. Ompʉ́n bé nzě sîhlě súm nyé á be yɨ́. Bé e né ó: «Páʼláá bɨ́h kɨkɛna mé bébebébe ká ɨ́ pemé.»

Mataos 16:27

Ebě, Mwân mé Mʉr múo nzě pyâl ɨ́ mentyɛnwa me Sɔ́ŋ wé, bé e bééngeles bé. Jɔʼ yaá ó nyé ngá tíʼe bʉ̂r milɔ̌b, dû mpʉ bísyɛ́ɛla byɔ́ɔ́, byé á be yɨ́.

Mataos 16:28

Mě lɛ́ɛ́ bɨ́n lɨ́ otyeetye ó, ɨ́ sɔ́má bʉ̂r o dí wâʼ báánâʼ bá, bʉ́ʉ́, bé ádwe, apǎ bee Mwân mé Mʉr lɨ́ enzě tyêl Mpóʼo nyé.»

Mataos 24:30

Jɔʼ yaá, dweʼle ngá lɛ̂ʼle ó, nzéá mé Mwân mé Mʉr, wé mû lɨ́ ekúnwo yɨ́, yé ónyɨ̂n ɨ́ jʉ́o kʉ́. Bikúl bí sí yɨ̂ʼ bíbyɛ̂h, byé ótáare éjɨ médwê, le ekâm ékúhó lé. Bé óbee Mwân mé Mʉr lɨ́ enze ɨ́ bidwiné bí jʉ́o, le ánɨ̂nɨ̂n nkul le mentyɛnwa ɨ́ buo buo.