Mataos 23:9 - Kálar Nzyɛ̌m : Ejwán é Sáá

⁹ Ajébe gá ntémé nyʉ́ʉ́ mʉ̂r ó: “Sɔ́ŋ wǎm”, ebě, sɔ́ŋ wɨ́n, nye ó ngwár, njɨ waá dí ɨ́ jʉ́o kʉ́ nyá.

Kálara Zyɛ̌m Edwán é mpʉ̌n

⁹ Ajebe ga nteme nuu mʉr ndɨ é si nwaʼ ó, “Sɔŋ wam”, ebe, sɔŋ win, nye ó ngwar, njɨ waa ndɨ é jobo kʉ ɨ!

Mataos 23:9 ပူးပေါင်းရင်းမြစ်များ

1 Yʉanes 3:1

Beyɨɨ gá bím Nzyɛ̌m Sɔ́ŋ á kpɛl mɨná gá, ntaa sʉ́ŋa yɨ́! Nyɨ́ gbân mɨ́ná gâ, le elɛ́ɛ ó, mɨná gá bé ó «bwán mé Nzyɛ̌m». Mɨná gá kʉ́ bě tyeetye ó bwán bé. Bʉr ó sí yɨ̂, bɨ́ɛ, bé agʉ́a Sɔ́ŋ gá wɨ́ná Nzyɛ̌m. Sá tɨ̂ʼ ó bé dí agʉ́a mɨ́ná gá yɨ́.

Ebrœ̂ 12:9

Yé e yʉ́ʉ́ sɔ̂ʼ: ɨ́ jɔʼ ósɔ́ŋ gá bɨ́ná, bé á byâ mɨná bá, sɨ́ʼ mɨ́ná gá milʉ̂ yɨ́, mɨná sɨ́sá ó, dwe gá bé dúu. Nó ó, Sɔ́ŋ gá wɨ́ná á tíʼ mɨná gá misísǐm nyá, nyé ósɨ̂ʼ mɨ́ná gá ntémé milʉ̂ nó, nzê mɨná bé ajala le edwe gá nye dúu ɨ́ buo buo ɛ̌? Mɨ́ná sí sâ gá nye mejóʼo nó, lɛ́ɛ́, mɨná bé ótíʼe gá ɨ́ nzɨ̌ mejóʼo maá.

Mataos 7:11

Bím bíbɨ́bla bi bʉ̂r bɨ́n dí nɨ̌, bɨ̌n pǎ nyɛɛ́ dwe bwán bɨ́n bisá bímpâ, á dwɛʼra e Sɔ́ŋ wɨ́n dí ɨ́ jʉ́o kʉ́ nyá! Nye ódwe bʉ̂r o dí egwâm nyé bá, laa náǎ.

1 Korɛnt 4:15

Bɨ̌n damá be le otɨ́a otɔ́ɔ́sin kám ɨ́ twiʼ yɨ́n e Krîst, bɨ̌n bé ó njɨ e sɔ́ŋ ngwár. Mɛm, me ó dí sɔ́ŋ wɨ́n á byâ bɨ̌n nyá. Ɨ́ páʼ twiʼ yɨ́n e Yésʉs-Krîst, me ó b'á byâ bɨ̌n lɨ́ enze le elɛ́ɛ bɨ́n Mbɨambɨa Lɔ́ɔ.

2 Korɛnt 6:18

Dâ, dí Nzyɛ̌m nkul nyɨnyɛ̂h nyá, nye lɨ́ ebáʼǎ lɛ́ɛ ó: Me óbe ó sɔ́ŋ wɨ́n; bɨ̌n bé óbe mé ó, bwân, bwá ó bʉbá le bwá ó bʉrʉ̂m.

Mɨlʉmlʉ 22:1

Pɔ̂l, nye ó: «Bɨ́ɔɔ́ bâm le osɔ́ŋ bâm, jóʼlááá gá nkar mé múo nzě kar ɨ́ báánâʼ ɨ́ lɔ̌b wâm ɨ́ míh mɨ́n nyɨ̂!»

Mataos 6:32

Bisá bínɨ̌, minjéʼe-Nzyɛ̌m ó dí esáa byê. Tó kœb ó, Sɔ́ŋ wɨ́n dí ɨ́ jʉ́o kʉ́ nyá, nye lɨ́ eboó gʉ́a ó, bɨ̌n bé lɨ́ egwɨ̂m byê.

Mataos 23:10

Abîr gá ó, bé jébaa bɨ̌n “Ojwɨ́ɨ”, ebě, njwɨ́ɨ wɨ́n, nye ó njɨ ngwár: Mʉ̌r Nzyɛ̌m á lœm múló mé jwɨ́ɨ nyá.