Mataos 23:3 - Kálar Nzyɛ̌m : Ejwán é Sáá

³ Sáʼ gá mpʉ bé dí elɛ́ɛ bɨ́n yɨ́. Baʼlaa gá milɛ́ʼlá myaá. Sâ gwár, adû gá bisyɛ́ɛla byɔ́ɔ́, ebě, bé lɨ́ elɛ́ɛ ó, lɛ́yɨ́ɨ, asâ.

Kálara Zyɛ̌m Edwán é mpʉ̌n

³ Ebe no, saʼ ga mpʉ bé lé elɛɛ bɨn ɨ. Duʼo ga sikʉlʉ yɔɔ yaa. Sa gwar, abaŋa ga yɛɛ bɨsyɛɛla byɔɔ, ebe, bé elɛɛ ó lɛŋɨ, asa.

Mataos 23:3 ပူးပေါင်းရင်းမြစ်များ

2 Timotɛ 3:5

Bé ójaá dwidwě Nzyɛ̌m kûm ó, njɨ ɨ́ bikonó mínum byɔ́ɔ́. Tó kœb ó, bé ópɨpɨr ó, pɨrɨ́ɨ le ekɛ́la nkûl dí ɨ́ búʼó gá yɨ́ná nyɨ́. Bɨ̌n bé ayɨ́ be e ndwáala e mbi bʉ̂r waá.

Títos 1:16

Bé sá ó, go ó, bé ɨ́ kpɛ̌l Nzyɛ̌m. Sâ gwár, bisyɛ́ɛla byɔ́ɔ́, bíɛ yɨ́ɛ lɨ́ elɛ̂ʼle ó, bé akpɛl nyê. Bʉr baá, bé ɨ́ lwaʼwo. Bé asâ méjóʼo. Ɨ́ bisyɛ́ɛla bimpâ bíbyɛ̂h mʉ̂r dí e nkul ebɛ̌m sâ bí, abe e syɛ́ɛla gwár bé dí e nkul ekoʼo ésâ.

Mɨlʉmlʉ 5:29

Nó Pétrus, bé e bʉr o mílʉ́mlʉ́, bé á nze yala e bé ó: «Bɨ̌h bé ɨ́ jala le esâ Nzyɛ̌m mejóʼo, abe bʉ̂r.

Rôm 13:1

Mʉr nyɨnyɛ̂h, nye sâʼ ojwɨ́ɨ́ ó sí yé mejóʼo, ebě, nkul jwɨ́ɨ nyɨnyɛ̂h, nye ó nyaá Nzyɛ̌m á tyêl nyɨ́. Bʉr o dí e jwɨ́ɨ bá, Nzyɛ̌m ó b'á tyêl bê.

Mataos 21:30

Sɔ́ŋ nzě laa, tó bee nyʉ́ʉ́ mwân, le elɛ́ɛ ntémé e né jwɨʼ gwár nyé á lɛ́ɛ mwân esôʼ yɨ́. Nyɨ́haá nzě yala e né ó: “Yé ó nó, dâ! Me ótô.” Sâ gwár, nyɨɛ l'atô.

Mataos 23:2

«Olɛ̂ʼla o métié, bé le oFarizyɛ̂n, bé ó dí elɛ̂ʼle, píe koo mé Moyɨ̂z.

Mataos 23:4

Bé lɨ́ ekâʼ mímbeʼ médile, gbáŋɔɔ bʉ̂r myǎ ɨ́ mikoo. Sâ gwár, bé bʉr o tɨ̂, bé agwɨ̂m ékúna e myê, damá jóʼo ó e diné gwár.