Mataos 22:16 - Kálar Nzyɛ̌m : Ejwán é Sáá

¹⁶ Bé ntɔ̂ʼ lómo bʉ́ʉ́ ómpʉ́n bɔ́ɔ́ nko nyé á be yɨ́, bé e bʉ́ʉ́ bʉ̂r o nkɔ́m mé Erôd. Nó ó bé á lɛ́ɛ e né ó: «Lɛ̂ʼla, bɨ̌h bɨ́ gʉ́a ó, gǒ lɛ́ɛ́ ó, otyeetye. Go ntémé, gǒ lɛ́ʼlé bɨ́h ó, nzɨ̌ mé Nzyɛ̌m lɨ́ otyeetye. Go ntémé, gó abe lɨ́ edwáawo bʉ̂r mempǒm.

Kálara Zyɛ̌m Edwán é mpʉ̌n

¹⁶ No ó bé a ze lomo bʉʉ ompʉn bɔɔ nko nye a be e, bé e bʉr o mpoʼo Erod. Bé e nye ó: «Yeʼle, bɨh bɨ gʉa ó, go elɛɛ ó ocyecye. Go nteme, go edwe bɨh sikʉlʉ tiibe e Zyɛm é l'ocyecye. Sa mʉr fih lé ebee é we paʼ ɛ, yé alɛɛ go sɔʼɔ. Go ádwaabe bʉr é lɔb mompom mɔɔ.

Mataos 22:16 ပူးပေါင်းရင်းမြစ်များ

Markus 3:6

Nó oFarizyɛ̂n, bé e bʉr o nkɔ́m mé Erôd, bé á nze tô kʉ̌l, tó sáa pɨ̂ʼ ó, bé jʉ́ʼoo Yésʉs.

Lʉkas 20:21

Nó ó bé á nze lɛ́ɛ e né ó: «Lɛ̂ʼla, bɨ̌h bé lɨ́ ekʉ́ gʉ́a ó, sá gó dí elɛ́ɛ le elɛ̂ʼle yɨ́, gǒ lɛ́ɛ́ yé ó, njɨ tîtyěl. Gó abe lɨ́ edwáawo bʉ̂r mempǒm. Gǒ jaá dwidwe bʉ̂r milɛ́ʼlá ó, njɨ lɨ́ otyeetye, ɨ́ mpʉ̌ Nzyɛ̌m dí ekpɛl yɨ́.

Markus 12:14

Nó ó bé á nze lɛ́ɛ e né ó: «Lɛ̂ʼla, bɨ̌h bé lɨ́ egʉ́a ó, gǒ lɛ́ɛ́ ó otyeetye. Go ntémé, gó akpɛ́ɛ mʉ̂r, ebě, gó abe lɨ́ edwáawo bʉ̂r mempǒm. Go lɨ́ elɛ̂ʼlě kʉ̌ tyěn Nzyɛ̌m dí ekpɛl ó, bʉr dúʼoo wɨ́. Nó, lɛ́yɨ́ɨ́ bɨ́h: nzê metié gá mɨ́ná, mé kam ó, mɨná jánaa gá Kɛ́ɛza tœ́a ɛ̌? Nzê yê mpéné ó, mʉ̌r sá ajána nyé yǎ ɛ̌? Nzê yé jɨ ó, mɨná jánaa gá? Nzê mɨná bé ajala le ejána ɛ̌?»

Markus 8:15

Yésʉs ntɔ̂ʼ cɨ̂l bé ó: «Gwá baʼ gá oFarizyɛ̂n le dyɛɛ́ Erôd ɨ́ lɔ̌b levure bé dí e yé yɨ́!»

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

Yʉanes 18:37

Pilátos, nye e né ó: «Nó ó, go ó njwɨ́ɨbʉr ɨ́?» Yésʉs nzě yala ó: «Yé ó mpʉ gô lɛ́ɛ́ nɨ̌. Me ó Njwɨ́ɨbʉr. Me á byɛ̂l, nze ɨ́ sí yɨ̂ʼ ó, lɨ́ enzě lɛ́ɛ bʉ̂r otyeetye. Mʉr nyɨnyɛ̂h dí egúmo e mʉr dí le otyeetye nyá, jóʼó ó, sá mé dí elɛ́ɛ yɨ́.»

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Yʉanes 7:18

Mʉr dí elwib e nkul nyé mʉr tɨ̂ʼ nyá, sáá ó kûm nyé. Nó ó, mʉr dí esáa ébeʼ kûm lɨ́ esú é mʉ̂r á ntɨh nye nyá, lɛ́ɛ́ ó otyeetye. Syɛ́ɛla dí ɨ́ bébe ɨ́ míh mé Nzyɛ̌m yɨ́, yé anyɨ̂n ɨ́ kʉ̌ tyen wé.

Jacques 3:17

Sá ésôʼ mɨ́ná jálá le elɛ́ɛ gá yɨ́ ó yɨ̂: ocwóó dí eduho kʉ́ wɨ́, wé abe ɨ́ mpúhlá le ebébe. Píe tɨ̂, wé ó sá dí esâ ó, bʉr tíʼaa ɨ́ mepyɛbla yɨ́. Wé ó sá dí elɛ̂ʼle mʉ̂r mpʉ nyé tálaa njwɨr, le edi e léme sulá sí yɨ́. Ocwóó waá ó dí esâ ó, mʉr jɨ́ʼɨɨ bʉ́ʉ́ bʉ̂r nkoó. Wé lɨ́ edwe mʉ̂r ngwɨ́á ésâ bísyɛ́ɛla bimpâ. Wé abe e nkɔ̌m ɨ́ gúú pâʼ. Wé abe e mikóo.

1 Tesalonika 2:4

Yé á be ó mpʉ̌ Nzyɛ̌m dí ekpɛl yɨ́. Nye ó b'á nyɛɛ bóblo bɨ̌h, ntɔ̂ʼ kǎ gʉ́a ɨ́ pébébé ó, bɨ̌h bé ó bʉr o jálá le egwá baʼlě Mbɨambɨa Lɔ́ɔ́ wé bá. Sá tɨ̂ʼ ó bɨ́h dí etúno wé mpʉ nyɨ́ɛ ógwá kpɛl yɨ́. Bɨ̌h bé asáa élwib ɨ́ mbi bʉ̂r dí ekpɛl mí. Bɨ̌h túnó wé ó, lɨ́ edû gwɨ́má mé Nzyɛ̌m, nyɨɛ mʉr dí epahle bíjwɨʼ mílémé gá míná nyá.

Galásia 2:6

Me nzě tó bee baá bé á nyɨ̂n ɨ́ mîh ó, bé ó otyɛ̂b bé ésôʼ bá. (Nkʉ̂ bé ó otyɛ̂b bé ésôʼ, nkʉ̂ bé abe bê, nó yé asâ mɛ̂m sɔ̂ʼ, ebě, Nzyɛ̌m, nyé abe lɨ́ edwáawo bʉ̂r mempǒm.) Bʉr o b'á bu nyɨ̂n nó bá, ɨ́ jɔʼ mé á lɛ́ɛ bé Mbɨambɨa Lɔ́ɔ mé dí etúno bʉ̂r wɨ́, bé á bé akɛl ékǎn egwár tɨ̂ʼ kʉ́.

Galásia 1:10

Nó ó, báánâ, nzê nó yé lɛ́ʼlé ó, nkam bʉr ó mé dí esáa ɛ̌? Nkʉ̂ ó, nyaá mé Nzyɛ̌m ɨ́? Mě cɛmá nó ó, lɨ́ esáa nkâm mé Nzyɛ̌m. Nzê me mû sáa ó, me sâʼ mpʉ bʉ̂r dí egwɨ̂m yɨ́ ɛ́? Yé bé mě dú ó, bigwɨ́má bí bʉ̂r nó, lɛ́ɛ́, mé akǎ be syɛ̂l mesâ mé Krîst.

2 Korɛnt 5:16

Ebe nó, táare ɨ́ báánâ, bɨ̌h bé akǎ gʉ́a mʉ̂r e nzɨ̌ ngwɨ́á wɨ́h. Damá jóʼǒ mpʉ bɨ́h á nyɛɛ gʉgʉ́a Krîst e nzɨ̌ ngwɨ́á nyaá yɨ́, nó ɨ́ báánâ, bɨ̌h bé akǎ gʉ́a nyé nó.

2 Korɛnt 4:2

Bɨ̌h bé asâ bísyɛ́ɛla mésǒ bi dí edulo sôn bí. Bɨ̌h bé acéně sɔ̂ʼ ɨ́ milɔ̌b mé Nzyɛ̌m bɨ́h dí elɛ̂ʼle mí. Bɨ̌h jaá dwe ó, njɨ mpǎŋ lɛ́ʼlá dí tyeetye wɨ́. Ɨ́ mbi waá ó bɨ́h dí esâ ó, mʉr nyɨnyɛ̂h béyɨɨ bɨ̌h mbɨ̂mbɨá yɨ́. Bɨ̌h sá nó ó, ɨ́ míh mé Nzyɛ̌m.

2 Korɛnt 2:17

Nó ó, bɨ̌h bɨɛ, bé abě mpʉ óbɛ́ma o mílɔ̌b mé Nzyɛ̌m. Nzyɛ̌m á lómo bɨ̌h ó e lwǐb yé. Lwǐb yaá, yé abě mbáʼrá e mikóo. Bɨ̌h bɨɛ, bé ó baá Nzyɛ̌m á ntɨh bá. Bɨ̌h lwib mílɔ̌b myé ó, ɨ́ mpǒm mé Nzyɛ̌m, ɨ́ mpúhlá nyɨ́h e Krîst.

Lʉkas 7:40

Yésʉs nzě nʉǎ lwǐb. Nye e mʉr waá ó: «Simon, mě e sá élɛ́ɛ gô.» Simon, nye e né ó: «Lɛ̂ʼla, lɛ́yɨ́ɨ́ mé yǎ bé.»

Markus 10:17

Mpʉ nyé á be, nye mû lɨ́ eja nzɨ́ yɨ́, nyʉ́ʉ́ mʉ̂r nzě swǐm kám, bɨʼ mébóó sí ɨ́ mpǒm nyé, ntɔ̂ʼ dî e né ó: «Mbɨambɨa lɛ̂ʼla, me sâʼ wáǎ mbǐ sɔ̂ʼ dí ó, me nʉ́aa twǐʼ njʉ̌m dǐ, jala e nkɔb líʼe nyǎm?»

Mataos 26:49

Lě Yʉ́das á kʉ pyâl, le nyé á sîhle ntémé bǎʼ e Yésʉs, ntɔ̂ʼ lɛ́ɛ ó: «Lɛ̂ʼla, me lɨ́ ebâʼ e go!» Nye ntɔ̂ʼ dû koo ékœ́h lé ɨ́ swííá.

Mataos 26:18

Nye nzě yala e bé ó: «Tóʼ gá ɨ́ nkana kwá nyʉ́ʉ́ mʉ̂r. Bɨ̌n a lɛ́ɛ́ e né ó: “Lɛ̂ʼla lɛ́ɛ́ ó, jɔʼ yé, yé mû ó kúno epyâl. Nó ó, bé le ompʉ́n bé, bé ónzě bwal nzɔ́ɔ Páska ó kwá nyǒ.”»

Mataos 22:26

Syɛ́ɛla yaá pyâl ɨ́ waá mbá, le waá lɛ̂l, tó tôʼ, tó pyâl ɨ́ waá nzaangbá.

Mataos 22:24

«Lɛ̂ʼla, Moyɨ̂z á si tyêl mɨná gá etié lɨ̂. Yê cɛmá ɨ́ Mekaná mé Nzyɛ̌m ó: “Mbɛ́á mʉ̂r óbe, sí dwe, alíʼe mwân nó, yé jala ó, mɨ́ɔɔ́ wé bâʼ mʉmá wé, bé e mʉmá waá nkʉ̂ byâ bwân lɨ́ esú é mɨ́ɔɔ́.”

Markus 12:13

Nó ó bé á nze lómo bʉ́ʉ́ óFarizyɛ̂n le bʉ́ʉ́ bʉ̂r ó sɔ́má mé Erôd kwá mé Yésʉs, lɨ́ esâ ó, bé tôʼ lâm nyé lâm dí ó, bé nkʉ̂ mɛ̂r nyé ɨ́ lɔ̌b yalá yé.