Mataos 22:11 - Kálar Nzyɛ̌m : Ejwán é Sáá

¹¹ «Jɔʼ njwɨ́ɨ á nî mbɛ̌r yɨ́, nye nzě dwɛ̂ʼ ójwóó bé á be ɨ́ téble bá. Nyě kǎ bee ó, nyʉ́ʉ́ mʉ̂r abe e mikán mí nzɔ́ɔ ebâ ɨ́ nyʉ̂l.

Kálara Zyɛ̌m Edwán é mpʉ̌n

¹¹ «É jɔʼ njwɨɨbʉr, wé a ni mbɛr ɨ, wé ze dwɛʼ bʉr o b'a be ondindil lé ede e. Nye ka bee nɛʼɛ, nuu mʉr, abe e mɨkan mɨ zɔɔ eba é nyʉl!

Mataos 22:11 ပူးပေါင်းရင်းမြစ်များ

Mɨngwiha 19:8

Nzyɛ̌m á si dwe nye nkul ebwâr kán ɨ́ nyʉ̂l ɨ́ nkaaá. (Mbɨambɨa kán waá, wé lɛ́ʼlé ó, otîtyěl o bísyɛ́ɛla. Bʉr o dí egúmo e Nzyɛ̌m bá ó dí esâ byê.)

Éfɛsɔs 4:24

Bé á lɛ̂ʼle bɨ̌n ntémé ó, eswam nyʉ̂l dwân Nzyɛ̌m á komlo bɨ̌n nyɨ́. Bɨ̌n bé osûʼla bʉ̂r odwân ɨ́ twǐʼ Nzyɛ̌m mʉr tɨ̂ʼ á komlo lɨ́ esú lɨ́n yɨ́. Bɨ̌n bé otyɛ̂b le otîtyěl ompâ ɨ́ míh mé Nzyɛ̌m le edi bʉ̂r bé lɨ́ otyeetye.

2 Korɛnt 5:3

Ebě, ɨ́ jɔ̌ʼ mbɛ̌r mpâ waá, wé óbúblo mɨ́ná gá yɨ́, mɨná bé ákǎ báʼǎ beɔɔ ósuswáh ɨ́ nkɛŋlɛ̂m.

Rôm 13:14

Diʼee gá ɨ́ mpúhlá le Tî Yésʉs-Krîst. Bwáráá gá nye mpʉ̌ kán. Atoŋlo gá mpʉ bɨ́n dí e nkul elóŋlo bísyɛ́ɛla bí njwɨr myâ wɨ́ná yɨ́.

Mɨngwiha 16:15

Bê nzě syɛŋa ntémé nó. Bé á syɛŋa ó, lɨ́ ebɨ̌m e dɔ̂m bé jɨ́jébé ɨ́ lwǐb ébrœ̂ «Armagedɔ̂n» yɨ́. Tî gá wɨ́ná, nyě lɛ́ɛ́ ó: «Paá bee gâ: me lɨ́ enze métwɨrâ, mpʉ̌ ndíblʉ̌. Mʉr dí ɨ́ mpʉ̂n, mikán mimbɔ́rá ɨ́ nyʉ̂l nyá, nye ó waá mé ósʉ métyɛʼ me mpóm nyá. Nyɨɛ, nye ábě suswáh. Nye ábeɔɔ ɨ́ nkɛŋlɛ̂m. Nye ásɔ́ma.»

Mɨngwiha 3:18

Me lɨ́ etɨ́e bɨ́n ó: yé bé bɨ̌n bé lɨ́ egwɨ̂m ébi ókúm ómpâ nó, bwámáá gá gʉ̂l yâm. Yé á be ɨ́ duho ɨ́ duró lé ólûl. Bwámáá gá mikán ɨ́ pumo pumo. Bɨ̌n e bwár myê, akǎ dǐ suswáh ɨ́ ŋmáh ndu e sôn. Bɨ̌n e bwám ntémé mǐr étwáale ɨ́ mîh, ó bɨ̌n nkʉ̂ báʼǎ bee!

Mɨngwiha 2:23

Me ntémé, me ójʉ̂ bwán bé. Ɨ́ nzɨ̌ nyaá ó bʉ̂r ó Mbɛ̌r-Nzyɛ̌m bɨ́bɛ̂h ngá gʉ́a ó, mɛm ó dí egʉ́a bíjwɨʼ ndu e bigwɨ́má bí bʉ̂r yɨ́. Me ójána mʉ̂r nyɨnyɛ̂h ɨ́ sɔ́má yɨ́n ó, dû mpʉ bísyɛ́ɛla byé dí yɨ́.

Galásia 3:27

Ebě, mʉr nyɨnyɛ̂h ɨ́ sɔ́má yɨ́n á duŋɔɔ e medíbé, pûhla e Krîst nyá, nyɨ́ bwâr Krîst ɨ́ nyʉ̂l.

1 Korɛnt 4:5

Ɨ́ tɨ̂ʼ ɨ́, alɨ̌ tíʼe gá lɔ̌b mé nyʉ́ʉ́ mʉ̂r ɨ́ jɔʼ yé dí apǎ pyâl jɔʼ élab yɨ́. Bónáá gá ó, Tî Yésʉs, nye ntâʼ. Nyé opyêl sá dí lɨ́ edúrʉ́ʉ́ yɨ́, tyen yé ɨ́ myɛ́n. Nyé ogwîh mípahlá mi dí misolá ɨ́ milémé mí bʉ̂r mí. Jɔʼ yaá ó Nzyɛ̌m ódwe mʉ̂r nyɨnyɛ̂h kûm jálá e né nyɨ́ yɨ́.

Rôm 3:22

Nzyɛ̌m mû kǎ dwe bʉ̂r nkam ɨ́ míh mé ó, njɨ ɨ́ mbûʼlá bé dí ebúʼlǎ Yésʉs-Krîst wɨ́. Nzyɛ̌m á kar nzɨ̌ nyaá ó, lɨ́ esú é baá bɨ́bɛ̂h dí ebúʼla nyé bá, ebě, bʉr bɨ́bɛ̂h, bé ó jwɨʼ gwár.

Mataos 13:30

Bírɨ́ɨ́ gâ, byé gwɨ́aa sɔ́má, tó pyâl ɨ́ jɔ̌ʼ swɨɨ ékpɛm, jɔʼ bé ngá kpɛm méde yɨ́. Jɔʼ yaá ó mé ólɛ́ɛ ókpɛma ó, lɨ́ esôʼ, bé táaraa emɛɛ bébebébe ká yaá, kâʼ yé mimbom, díʼɔɔ yê. Píe tɨ̂, bé okpɛm méde mempâ, kaale mé ɨ́ nkuna nyǎm.”»

Mataos 3:12

Nyě e pyɛba ɨ́ mebô. Nyɨ́ gwámle ébɛhɛɛ lé, lwâl mpúmó. Nye ókomo mílɔ́lá ɨ́ nkuna. Sâ gwár, nye ódîʼ mpʉ́n ɨ́ siʼe dí adímedime yɨ́.»

Mataos 22:10

Osyɛ̂l o mésá bé ntɔ̂ʼ tô ɨ́ menzɨ̌ mɨ́mɛ̂h, tô le egôhlɔɔ bʉ̂r o bé á bʉbɔma e bé bá, le bibɨ́bla bi bʉ̂r le otîtyěl o bʉ̂r. Mbɛ̌r nzɔ́ɔ ebâ nzě lóno lɨ́ ojwóo ɨ́ lúrúdú.