Mataos 22:10 - Kálar Nzyɛ̌m : Ejwán é Sáá

¹⁰ Osyɛ̂l o mésá bé ntɔ̂ʼ tô ɨ́ menzɨ̌ mɨ́mɛ̂h, tô le egôhlɔɔ bʉ̂r o bé á bʉbɔma e bé bá, le bibɨ́bla bi bʉ̂r le otîtyěl o bʉ̂r. Mbɛ̌r nzɔ́ɔ ebâ nzě lóno lɨ́ ojwóo ɨ́ lúrúdú.

Kálara Zyɛ̌m Edwán é mpʉ̌n

¹⁰ Osyɛl o mosa be ntɔʼ to é mozi mɨmɛh, to le egohlo bʉr o b'a bɔma-bɔma e be e, le bɨbɨbla bɨ bʉr ndwe e baa be embɨa. Mbɛr zɔɔ eba ze loŋlo e bʉr, bɨbɛh ondindil lé ede.

Mataos 22:10 ပူးပေါင်းရင်းမြစ်များ

Mɨngwiha 7:9

Píe tɨ̂, mé ká bee nɛ́ɛ: bee bʉ̂r mebɨ̂ʼ mepǎm, abe e tólɔ́ɔ. Bé á be ó bʉr o bíkûl e biloo e mpum bʉ̂r. Bé ntémé bé á si lwib bilwǐb bíbyɛ̂h. Bé á be ó tɨ̂ʼ bɨ́bɛ̂h ɨ́ mpǒm mecwɨ́ɨ́ mé jwɨ́ɨ ndu e Mâ Nteme. Bé á bě e bidur ɨ́ pumo pumo ɨ́ menyʉ̂l le mpúho melén ɨ́ mebô.

1 Yʉanes 2:19

Bʉr baá, bé á si duho ɨ́ sɔ́má gá yɨ́ná. Bé á bé abe yɨ́ɛ bɨ́ɔɔ́ gá bɨ́ná. Yé bé bé á be ó bʉr ó sɔ́má gá yɨ́ná nó, mpa mɨná gá le onɔ́ɔ́, bé dína ó tɨ̂, kumo mûh. Tó kœb ó, yé á jala ó, bé tôʼ, yé nkʉ̂ nyɨ̂n ɨ́ kpɛŋlɛm ó, abe e mʉr sɔ́má yɔ́ɔ́ á be ɨ́ nkɔ̌m gá nyɨ́ná.

2 Korɛnt 12:21

Sá dí esâ ó, me kpɛ́yɨɨ ebáʼǎ nze gʉ̂ʼ kwá nyɨ́n yɨ́, yé ó, ebě, Nzyɛ̌m wǎm ámû jaá gbâ mé sôn ɨ́ nyʉ̂l ɨ́ míh mɨ́n. Me ámû jaá sɔ́ma ɨ́ lɔ̌b buobuo bʉr o b'á sâ syóm mélú mé épíhe bá. Mé óbee ó, bé apǎ dwira míléme nó, me ámû jɨ, ebě, bé agwâʼ ésâ bísyɛ́ɛla bi dí edulo mpîr ɨ́ nyʉ̂l bí. Bɨ́ɛ ntémé njɨ lɨ́ etô dóló le elœʼ ményʉ̂l ɨ́ nzɨ̌ bijoó, le esâ bímolá nzam le ekomo, jwɨʼ gwár e gwár e mpʉ bé á boo sɨsâ yɨ́.

Mataos 25:10

Jɔʼ bíhaá, byé á be, byé dína lɨ́ etó bwâm múlo yɨ́, mʉr á bêm mʉmá nyá, nye ntɔ̂ʼ pyâl, kœb byaá byé á be ɨ́ cǎr bí. Bibíŋ méséhe byaá, bé e mʉr waá, bé ntɔ̂ʼ nî ɨ́ nzɔɔ ebâ, nyɨɛ ntɔ̂ʼ dible ébê ɨ́ kpɨ̂m.

Mɨngwiha 5:9

Bé á didyɛɛ ó, edwán é jɨ̂m. Bé ó: «Go ó jálá le enʉa mékaná mâ, gbɛ́ɛ bísitâm, ebě, go á si jʉ́ŋɔɔ. Go á si dwih bʉr ɨ́ mpila ébébe, tô e bé kwá mé Nzyɛ̌m. Go á si syɛ́ɛla metié mô lɨ́ esú é bʉ̂r baá. Bé ó bʉr o bíkúl bíbyɛ̂h, ndu e bilwǐb bíbyɛ̂h, bʉr o mémpóʼo mɨ́mɛ̂h, ndu e mesí mɨ́mɛ̂h.

Mataos 13:38

Pemé yé, yé ó sí yɨ̂. Mpǎŋ mpeʼ, yé lɛ́ʼlé ó, nkɔb bʉr o dí ɨ́ Mpóʼo mé Dâ Nzyɛ̌m bá. Bébebébe ká, yé ó bʉr o dí ɨ́ nkɔb mé Sátan bá.

Mataos 9:15

Yésʉs, nye e bé ó: «Nzê bɨ̌n bûʼlá ó, bʉr o mû sí báŋlɔɔ ɨ́ nzɔɔ ebâ bá, bé e nkul edi, asoho ɨ́ jɔʼ mbɛ̂l mʉmá dína ɨ́ duo nzɔ́ɔ yɨ́ ɛ́? Sɔ̂ʼ, yé abe e nkul esâ nó! Yé ópyâl jɔʼ dí ó, mbɛ̂l mʉmá ngá pɛʼɔɔ ɨ́ sɔ́má yɔ́ɔ́ yɨ́. Jɔʼ yaá ó bé ngá kpaa mébúʼ, ti méde yɨ́.»

Mataos 22:9

Nó, tyɛ́bɨ́ɨ́ gá ɨ́ meman. Bɨ̌n a báŋlé mʉ̂r nyɨnyɛ̂h bɨ́n ngá bɔma e né nyá. Nye bwálaa ɨ́ nzɔɔ ebâ nyǎm.”