Mataos 2:6 - Kálar Nzyɛ̌m : Ejwán é Sáá

⁶ “Gua, Bétɛlɛhɛm, nkanǎ Yʉ́da, gó abuú twâʼwo ɨ́ bím bínkana bí dí ejwɨ́ɨ ɨ́ Yʉ́da bí, ebě, ɨ́ mbɛ̌r bʉ̂r gô ó ngá pyâl njwɨ́ɨbʉr ngá pála bínteme byâm, Ɨ́zraɛ̂l nyá.”»

Kálara Zyɛ̌m Edwán é mpʉ̌n

⁶ No ó, Betɛlɛhɛm, lal Yʉda, go abul twaʼbe é bɨnkana bɨ efoʼ bi lal Yʉda, ebe, njwɨɨ nɨnɨ óduho ó é go! Nye ó ngo koblo daa e bɨntœme lam, bwa b'Ɨzraɛl.»

Mataos 2:6 ပူးပေါင်းရင်းမြစ်များ

Yʉanes 7:42

Mekaná mé Nzyɛ̌m, mé lɨ́ elɛ́ɛ ó, Mʉ̌r Nzyɛ̌m á lœm múló mé jwɨ́ɨ nyá, óbe ó nta mé David. Nye óduho ó, Bétɛlɛhɛm, kwár mé David.»

Mɨngwiha 11:15

Píe tɨ̂, éngeles nzaangbá á si lʉ́o sébé wé. Me ntɔ̂ʼ jóʼo métwíí ménɨ́nɨ́ɨ́, duho ɨ́ jʉ́o kʉ́. Mé ó: «Dâ Nzyɛ̌m wɨ́h, bé e mʉr nyé á lœm múló mé jwɨ́ɨ nyá, bé ó dí e jwɨ́ɨ ɨ́ páʼ bʉ̂r ó sí yɨ̂ʼ bɨ́bɛ̂h. Jwɨ́ɨ́ yé, yé ódǐ njʉ̌m dǐ e njʉ̌m dǐ.»

Mataos 28:18

Yésʉs ntɔ̂ʼ sîhlě nko bé á be yɨ́. Nye ó: «Sɔ́ŋ wǎm, nyɨ́ dwe mé nkul jwɨ́ɨ nyɨnyɛ̂h ɨ́ kʉ́ ti e sí.

Mɨngwiha 2:27

Bé ópɨpála bé ó e nkul jwɨ́ɨ ɨ́ lele lele mpʉ̌ súmǔ nkóho. Bé óbʉ̂ bé ɨ́ mpʉ mʉ̂r dí ebʉ̂ míkáʼ mí déʼé bipêh bipêh yɨ́. Bé óbi nkûl e me mpʉ mé á nʉa nkul kwá mé Sɔ́ŋ wǎm yɨ́.

Kolosi 1:18

Mɨ́ná jwɨ́ʼ gá Mbɛ̌r-Nzyɛ̌m e nyʉ̂l mʉr nó, lɛ́ɛ́, Krîst ó dí lʉ̂. Twiʼ dwân, yé á táare ó e nye. Nye ó mʉr esôʼ á pah, duho lɨ́ odwe nyá. Mpʉ nyé dí nó yɨ́, nye ó dí elaǎ sá yɨ́yɛ̂h ɨ́ medile.

Mataos 2:1

Yésʉs á byɛ̂l ó, Bétɛlɛhɛm, nkanǎ Yʉ́da. Yé á be ó ɨ́ jɔ̌ʼ Erôd á be njwɨ́ɨ yɨ́. Yésʉs, nyé osí byɛ̂l nɛ́ɛ: ocwóó ó bʉ̂r, bê nzě pyâl ɨ́ Yerʉ́zalɛm, duhǒ nko dʉ́o dí ejɨma yɨ́.

Éfɛsɔs 1:22

Nzyɛ̌m á si gbâ sá yɨ́yɛ̂h ɨ́ jwɨ́ɨ́ yé. Nye ntémé á si nʉa nye, dwě Mbɛ̌r-Nzyɛ̌m ó, nye díʼee lʉ̂.

Yʉanes 21:16

Nye nzě báʼǎ dî e né ɨ́ jɔʼ mbá ó: «Simon, mwân mé Yʉánɛs, nzê gʉ́ kpɛl mé ɛ̌?» Nye e né ó: «Eee, Dâ, go lɨ́ egʉ́a ó, me lɨ́ ekpɛl gô.» Yésʉs, nye e né ó: «Baʼlaa bínteme byâm.»

Ebrœ̂ 7:14

Bʉr bɨ́bɛ̂h, bé lɨ́ egʉ́a ó, Tî gá wɨ́ná á byɛ̂l ó, lɨ́ onzweh mé Yʉ́da. Nó ó, Moyɨ̂z á bé alɛ́ɛ̌ sɔ̂ʼ, dumo le onzweh waá, ó nyʉ́ʉ́ mʉ̂r tɨ̂ʼ óbɛ̌m nʉǎ dǐ pára.

Mɨngwiha 7:17

Ebě, Mâ Nteme dí témé mecwɨ́ɨ́ mé jwɨ́ɨ nyá ó dí mbɔʼlʉ wɔ́ɔ́. Nye ótô e bé, tó pyâl lɨ́ enó e dí tɨ̂ʼ lɨ́, gúmó médíbé mé twiʼ dí eduho yɨ́. Nzyɛ̌m ótin bé myɛ́ɛlé mɨ́mɛ̂h ɨ́ mîh.»