Mataos 2:4 - Kálar Nzyɛ̌m : Ejwán é Sáá

⁴ Nó nyé á gôhlo ojwɨ́ɨ o mpáh Nzyɛ̌m bɨ́bɛ̂h le olɛ̂ʼla o métié ó kûl bʉ̂r o b'Ɨ́zraɛ̂l. Nye ntɔ̂ʼ dî métwɨ́ɨ́ ɨ́ lɔ̌b Mʉ̂r Nzyɛ̌m á lœm múló mé jwɨ́ɨ nyá, ó nye gʉ́ŋaa gúmó yé á jala ó, nye byɛ́lɨɨ yɨ́.

Kálara Zyɛ̌m Edwán é mpʉ̌n

⁴ No ó nye a gohlo ojwɨɨ be opara bɨbɛh ndwe e l'oyeʼle o motie lé ekœʼ e bwa b'Ɨzraɛl ɨ. Nye ntɔʼ dî e be ó, yáa gumo Lœma mulo mo Zyɛm a jala le ebyɛl ɨ.

Mataos 2:4 ပူးပေါင်းရင်းမြစ်များ

Mɨlʉmlʉ 23:9

Bé á be ɨ́ buú bɨ̂n métwíí kʉ́ e nkul. Nó ó bʉ́ʉ́ ólɛ̂ʼla o métié ɨ́ sɔ́má bʉ̂r o nkɔ́m oFarizyɛ̂n, bé á tyɛ̂b tîtyěl, ntɔ̂ʼ lwib e nkul nyɨnyɛ̂h ó: «Bɨ̌h bé abeě sá ébébe ɨ́ mʉr nyâ. Yʉ́ʉ́ jɔʼ, yé á be ó sísǐm, nkʉ̂ ntɔ̂ʼ ó, éngeles ó b'á lwib e né.»

Mɨlʉmlʉ 6:12

Bê nzě bêhle bʉ̂r o b'Ɨ́zraɛ̂l, otɔ́má bʉ̂r le olɛ̂ʼla o métié, ó bé sâʼ ntʉ̌. Bé ntɔ̂ʼ nkɔŋa, tô nko Étiene á be yɨ́. Mɛ́rɔɔ nyê, tóŋɔɔ e né nko bʉ̂r ó bʉ̌m nɨ́nɨ́ɨ́ bé á be yɨ́.

Mataos 21:23

Yésʉs nzě nî mpáh Nzyɛ̌m. Jɔʼ nyé á be lɨ́ edwe bʉ̂r milɛ́ʼlá yɨ́, ojwɨ́ɨ ó tɨ̂ʼ le otɔ́má bʉ̂r o b'Ɨ́zraɛ̂l, bê nzě dî e né ó: «Nzé á lómo go ó, go sâʼ bisá bî? Go ntémé pʉgʉ́ sâ byé e nkul jwɨ́ɨ mé nzé?»

Mataos 7:29

Ebě, nye á bé adwe bé milɛ́ʼlá mpʉ ólɛ̂ʼla o métié bɔ́ɔ́. Nye á lɨlɛ̂ʼle bé ó e nkul jwɨ́ɨ.

Mɨlʉmlʉ 4:5

Ɨ́ mɛ́n tɨ̂, ojwɨ́ɨ, le otɔ́má bʉ̂r, le olɛ̂ʼla o métié nzě swâl Yerʉ́zalɛm.

Yʉanes 18:3

Yʉ́das nzě dû bé gʉ̂, bé e sɔ́má bísója bí Rôm ndu e byúú bísója ójwɨ́ɨ o mpáh Nzyɛ̌m le oFarizyɛ̂n, bé á lómo bí. Bé á be ó e bisá bí dɔ̂m ndu e metwǐm me mpâh. Bâʼ e meláma.

Yʉanes 8:3

Olɛ̂ʼla o métié le oFarizyɛ̂n nzě lɛ̂ʼle nyé nyʉ́ʉ́ mʉ́má bé alúno mɛ̂r lɨ́ esâ médyɛ̂n nyá. Bê nzě tyêl nyé tîtyěl témé bʉr memɛ̌n.

Yʉanes 7:32

OFarizyɛ̂n nzě jóʼǒ sá bʉ̂r, bé á lwilwib páʼ nyɔ́ɔ́, dumo e Yésʉs yɨ́. Ojwɨ́ɨ o mpáh Nzyɛ̌m, bé le oFarizyɛ̂n ntɔ̂ʼ lómɔɔ bísója lɨ́ etó mɛ́rɔɔ nyê.

Yʉanes 3:10

Yésʉs, nye e né ó: «Gua yɨ́ɛ mʉr dí lɛ̂ʼla dí ɨ́ buú gúmlɔɔ ɨ́ kúl bʉ̂r o b'Ɨ́zraɛ̂l yɨ́yɛ̂h nyá, nzê gua, gó agʉ́a mílɔ̌b mîʼ ɛ̌?

Lʉkas 23:10

Ojwɨ́ɨ o mpáh Nzyɛ̌m, le olɛ̂ʼla o métié, bé á be ó tɨ̂ʼ lɨ́ elúmo nyé mekǎn ɨ́ buo buo, le epurɔɔ nyê.

Lʉkas 20:19

Olɛ̂ʼla o métié le ojwɨ́ɨ o mpáh Nzyɛ̌m á be ó lɨ́ esáa émɛ̂r Yésʉs ɨ́ jɔʼ yaá, ebě, bé á be ɨ́ gʉ́a ó, nye á lwib ɨ́ nzɨ̌ bikɨkɛna byaá ó, dumo e bê. Sâ gwár, bé á be lɨ́ ekpɛ́ɛ mínzɨnzɨ mi bʉ̂r.

Markus 8:31

Yésʉs nzě táare édwe ómpʉ́n bé milɛ́ʼlá. Nye ó: «Yé jala ó, Mwân mé Mʉr, nye síaa e mitúú ɨ́ buo buo. Otɔ́má bʉ̂r, ojwɨ́ɨ o mpáh Nzyɛ̌m, le olɛ̂ʼla o métié, bé óbene nyê. Nye ntémé ójʉ́ŋɔɔ. Elú élɛ̂l píe tɨ̂, nyé opah ɨ́ soo.»

Mataos 27:1

Ɨ́ dwiné mɛ́n, ojwɨ́ɨ o mpáh Nzyɛ̌m bɨ́bɛ̂h le otɔ́má bʉ̂r o b'Ɨ́zraɛ̂l, bê nzě sáa pɨ̂ʼ ó, bé jʉ́ʼoo Yésʉs.

Mataos 26:47

Yésʉs dína lɨ́ elwib nó nɛ́ɛ: Yʉ́das nzě pyâl le entumo e bʉ̂r. (Yʉ́das á be ó mʉr ngwár lɨ́ ompʉ́n kám le obá mé Yésʉs.) Bʉr o b'á nze bá, bé á nze ó, bâʼ, le opasoŋ; bʉ́ʉ́, e mimbɨ́ŋ. Ojwɨ́ɨ o mpáh Nzyɛ̌m le otɔ́má bʉ̂r o b'Ɨ́zraɛ̂l ó b'á lómo bê.

Mataos 26:3

Ojwɨ́ɨ o mpáh Nzyɛ̌m le otɔ́má bʉ̂r o b'Ɨ́zraɛ̂l, bê nzě syɛŋa lɨ́ ebɛhɛɛ mé Kayɨáfa, njwɨ́ɨ opara.

Mataos 21:15

Ɨ́ mpʉ bé á bee bisyɛ́ɛla Yésʉs á sâ bí, le ejóʼǒ mpʉ bwá ó ntwǒm, bé á lɨlɛ́ɛ ó: «Hosána! Kûm díʼee ɨ́ Mwân mé David!» yɨ́, nó ó mílémé mí ójwɨ́ɨ o mpáh Nzyɛ̌m le olɛ̂ʼla o métié, myé á lóno lɨ́ ebúʼ ɨ́ lúrúdú yɨ́.

Mataos 13:52

Nye nzě lɛ́ɛ e bé ó: «Lɛ̂ʼla metié nyɨnyɛ̂h mû mpʉ́n ɨ́ Mpóʼo mé Dâ Nzyɛ̌m nyá, nyě nwɨɨlá ó e mʉr mbɛ̌r dí etʉ̂to lɨ́ ekʉ̌m lé, nʉnʉa bísá byé tɨ̂. Yɨ̂ʼ jɔʼ, nyě nʉá ó bisá bídwân. Yʉ́ʉ́ jɔʼ, nʉa byaá bi myâ.»

Mataos 2:3

Ɨ́ jɔ̌ʼ ngóvina Erôd á jʉ̂ʼra mpyɔ́m nyaá yɨ́, nye nzě syɛ̌l bá tɨ̂, bé e bʉr ó Yerʉ́zalɛm bɨ́bɛ̂h.

Mataos 2:5

Bé e né ó: «Yé óbe ó Bétɛlɛhɛm, nkanǎ Yʉ́da. Lɔ̌b tɨ̂ʼ ó ngwíha milɔ̌b á cɛma yɨ́. Nye á cɛma ó: