Mataos 2:2 - Kálar Nzyɛ̌m : Ejwán é Sáá

² Nó ó bé á to le edî bʉ̂r ó: «Mwân byɛ́l nyá, nye wó? Nye ó dí Njwɨ́ɨbʉr óYúden ebě, bɨ̌h bé á si bee twítwén wé kwá nyɨ́h, nko dʉ́o dí ejɨma yɨ́. Bɨ̌h nzé ó, lɨ́ enzě dwe nyé kûm.»

Kálara Zyɛ̌m Edwán é mpʉ̌n

² No ó bé a to le edî e bʉr ó: «Njwɨɨbʉr oYʉden byɛl ɨ, nye nko? Bɨh bé edî no ó, ebe, bɨh bé a si bee atwitwɛn we bɨh ye, nko dobo lé emʉa ɛ. Bɨh bé eze ó, lé eze dwiibɨ nye.»

Mataos 2:2 ပူးပေါင်းရင်းမြစ်များ

Mɨngwiha 22:16

«Mɛm Yésʉs, me á si lómlo bɨ̌n éngeles wǎm ó, nye ntáa nzě boʼlo gó milɔ̌b mi dí edwɛ̂ʼ Mbɛ̌r-Nzyɛ̌m mí. Mɛm, me ó mâ nta mé David, waá á byɛ̂l mpʉ̌ ntoʼdu á pâh ɨ́ kǔm lɨ́ yé á twɛlɔɔ twɛlɨ́ɨ yɨ́ ny. Me ntémé ó dí twítwén dí ɨ́ buú pan ɨ́ melɔ́ma mé mɛ́n nyá.»

Yʉanes 18:37

Pilátos, nye e né ó: «Nó ó, go ó njwɨ́ɨbʉr ɨ́?» Yésʉs nzě yala ó: «Yé ó mpʉ gô lɛ́ɛ́ nɨ̌. Me ó Njwɨ́ɨbʉr. Me á byɛ̂l, nze ɨ́ sí yɨ̂ʼ ó, lɨ́ enzě lɛ́ɛ bʉ̂r otyeetye. Mʉr nyɨnyɛ̂h dí egúmo e mʉr dí le otyeetye nyá, jóʼó ó, sá mé dí elɛ́ɛ yɨ́.»

Ebrœ̂ 1:6

Jɔ̌ʼ Nzyɛ̌m á tyêl nye ɨ́ dǐ dí ɨ́ buú bwaʼ dúu yɨ́, nye á nze lɛ̂ʼle beéngeles bɨ́bɛ̂h nyǎ. Nye á lɛ́ɛ ó: Beéngeles bɨ́bɛ̂h ɛ̌! Bɨʼɨɨ gá nye mebóó sí lɨ́ edwe nyé kûm.

Lʉkas 23:38

Kʉ́ lʉ́ wé, bé á be ɨ́ tyel ébɔ́m le micɛmá ó: Njwɨ́ɨ oYúden ó nyâ.

Lʉkas 23:3

Pilátos nzě dî e né ó: «Nzê go ó njwɨ́ɨ oYúden ɛ̌?» Yésʉs ntɔ̂ʼ yala e né ó: «Yé ó gó dí sí lɛ́ɛ̌ nɨ̌.»

Yʉanes 5:23

ó bʉr bɨ́bɛ̂h, bé dwêʼ Mwân dúu jwɨʼ gwár e gwár e mpʉ bé dí edwe Sɔ́ŋ yǎ yɨ́. Mʉr dí adwe Mwân dúu nyá, nyé adwe ntémé Sɔ́ŋ, mʉr á pa ntɨh nye nyá dúu.

Yʉanes 1:49

Natanaɛ̂l, nye e né ó: «Lɛ̂ʼla, gǒ tyeetye ó Mwân mé Nzyɛ̌m. Go ó dí Njwɨ́ɨ Ɨ́zraɛ̂l.»

Lʉkas 19:38

Bé á lɨlɛ́ɛ ó: “Mɨná gúmlaa gá njwɨ́ɨ dí enze e díé mé Dâ Nzyɛ̌m nyá. Kwár mé Nzyɛ̌m, nye lónaa ɨ́ mepyɛbla. Bʉr o dí ɨ́ jʉ́o kʉ́ bá, bé dwêʼ Nzyɛ̌m kûm.”

Lʉkas 2:11

Ɨ́ pum wɨ̂ʼ ɨ́ nkana mé David, Tiʼbʉr wɨ́n, nyɨ́ byɛ̂l! Nye ó Mʉ̌r Nzyɛ̌m á lœm múló mé jwɨ́ɨ nyá. Nye ó dí ntémé Tî gá wɨ́ná!

Yʉanes 9:38

Mʉ̌r nɨ̌, nye e né ó: «Dâ ɛ̌, mɨ́ dyɛ̂ʼwo e go!» Nye ntɔ̂ʼ bɨʼ mébóó sí ɨ́ mpǒm mé Yésʉs.

Yʉanes 19:19

Pilátos nzě nʉa ébɔ́m, cɛma tɨ̂, nzě pɛn lé ɨ́ kolôs mé Yésʉs. Lé á be e micɛmá ó: Yésʉs, mʉr Nazarɛ̂t, Njwɨ́ɨ oYúden.

Yʉanes 12:13

bê nzě nʉa mébó mé élén, nzě tóŋɔɔ, tó bɔmɔɔ e né, le elɛ́ɔɔ ó: “Mɨná dwêʼ gá Nzyɛ̌m kûm. Mɨná gúmlaa gá waá dí enze e díé mé Dâ, mʉr dí njwɨ́ɨ kúl bʉ̂r o b'Ɨ́zraɛ̂l nyá.”

Mataos 27:11

Nó ó Yésʉs á nze tô ɨ́ mpǒm mé ngóvina. Ngóvina nzě dî e né ó: «Go ó dí njwɨ́ɨ oYúden ɨ́?» Yésʉs nzě yala e né ó: «Yé ó gó dí sí lɛ́ɛ̌ nɨ̌.»

Yʉanes 20:28

Thomas nzě lɛ́ɛ e né ó: «Tî wǎm! Nzyɛ̌m wǎm!»

Mataos 21:5

«Lɛ́yɨ́ɨ́ gá bʉr ó Síon ó: Njwɨ́ɨ gǒ ó dí enze kwá nyǒ nɨ̌! Nye ɨ́ buú talǎ njwɨr. Nyě nzé ó, kʉ́ kamntʉl; nye ɨ́ mâ kamntʉl ɨ́ kɛlɨ̂.»

Mataos 2:3

Ɨ́ jɔ̌ʼ ngóvina Erôd á jʉ̂ʼra mpyɔ́m nyaá yɨ́, nye nzě syɛ̌l bá tɨ̂, bé e bʉr ó Yerʉ́zalɛm bɨ́bɛ̂h.