Mataos 2:13 - Kálar Nzyɛ̌m : Ejwán é Sáá

¹³ Jɔʼ ócwóó ó bʉ̂r baá, bé á be, bé mû sí tô yɨ́, nyʉ́ʉ́ éngeles mé Dâ Nzyɛ̌m ntɔ̂ʼ pyâl Yóseb ɨ́ líma. Nye e né ó: «Gbɔlwaa sí, nʉaa mwân, bé e nyɔ̌ŋ. Kpɛ́yɨ́ɨ, tóʼ sí Egɨ̂ptɛn, go e dí gʉ̂, tó pyâl ɨ́ jɔʼ mé ólɛ́ɛ e go ó, go búlaa yɨ́, ebě, Erôd mû ɨ́ cǎr ó, nyě jʉ́ ó mwán nyâ.»

Kálara Zyɛ̌m Edwán é mpʉ̌n

¹³ Jɔʼ onkaa baa, bé a be, bé mu si fiʼ ɨ, nuu engles mo Da ntɔʼ pyal Yoseb é lima. Nye e nye ó: «Mʉŋa si, nʉŋa mwan bé e nyɔŋ. Bɨn bé à kpɛɛ, to Egipten. Go òdi gʉ, to pyal é jɔʼ me ólɛɛ e go ó, go bula ɛ, ebe, Erod mu ó lé esaa ó, nye jʉ ó mwan nwa.»

Mataos 2:13 ပူးပေါင်းရင်းမြစ်များ

Mɨlʉmlʉ 12:11

Jɔ̌ʼ Pétrus á ka gʉ́a sá yé á laa yɨ́, nye ó: «Ɨ́ báánâ, me lɨ́ ebeě mbɨ̂mbɨá ó, yé kʉ́ be ó tyeetye: Dâ Nzyɛ̌m, nyɨ́ lómo éngeles wé, lɨ́ énzě pɛʼ mé ɨ́ mebó mé Erôd. Nyɨ́ pɛʼ mé ɨ́ sá yɨ́yɛ̂h óYúden, bé á bʉbóno ó, bé ósâ mé yɨ́.»

Mɨlʉmlʉ 10:7

Jɔʼ éngeles á laa, tô yɨ́, Corneille ntɔ̂ʼ jébe ósyɛ̂l o mésá bé obá, ndu e yʉ́ʉ́ sója ɨ́ bisója byé á sɨséa e né bí. Sója yaá ntémé á be lɨ́ edwáawǒ Nzyɛ̌m.

Mɨlʉmlʉ 5:19

Nó ɨ́ pum waá, éngeles mé Dâ nzě dib mébê mé mbɛ̌r mímbʉʼ, ntɔ̂ʼ pyêl bʉ̂r o mílʉ́mlʉ́ kʉ̌l. Nye ó:

Mataos 2:12

Píe tɨ̂, Nzyɛ̌m nzě cɨ̂l bé ɨ́ nzɨ̌ bilíma ó, bé ayɨ́ báʼǎ búla, tô kwá mé Erôd. Bé á to kumo kwár nyɔ́ɔ́ ó, kǎ cɨɔɔ ɨ́ nzɨ̌ swîh.

Mataos 1:20

Nye dína lɨ́ ejwɨʼ nó nɛ́ɛ: nye nzě bee éngeles mé Dâ ɨ́ líma. Éngeles waá nzě lɛ́ɛ e né ó: «Yóseb, mâ nta mé David, alíʼa lɨ́ enʉǎ Maria, mʉmá gǒ, ebě, nye nʉa ébum ó e nkul Sísǐm mé Nzyɛ̌m.

Mataos 2:16

Jɔ̌ʼ Erôd á gʉ́a ó, ocwóó ó bʉ̂r baá, bé á si sâ nye mikóo yɨ́, nye ntɔ̂ʼ buú kpaa ébúʼ. Nye ntɔ̂ʼ lómo bʉ̂r ó, bé tôʼ le ejʉ̂ bwá ó bʉrʉ̂m ó Bétɛlɛhɛm le baá sí yaá bɨ́bɛ̂h, táare e bityéé, kala e duo yé á be, yé mû e mimbú mímbá yɨ́. Nye á sâ nó ó, lɨ́ edû sá ócwóó ó bʉ̂r, bé á lɛ́ɛ nye yɨ́.

Mɨngwiha 12:14

Bé ntɔ̂ʼ dwe mʉ́má waá mempabaá mebá mpʉ maá me mpéle ɨ́ bwaʼ bwaʼ. Nye á dweŋɔɔ mempabaá maá ó, nye píilɨɨ e mé, tô ɨ́ lʉá, tó dǐ súm Nzyɛ̌m óbaʼle nyé yɨ́. Nye á si to di gʉ̂ mimbú mílɛ̂l e pêh, lɨ́ eswǎb njʉ̌m nyʉ́ǎ nɨ̌.

Mɨlʉmlʉ 16:36

Nye nzě lɛ́ɛ̌ Pɔ̂l mpáŋla nyaá. Nye e né ó: «Mingóvina, mí ntɨh twíí ó, bɨ̌n bírɔɔ. Nó ó, bɨ̌n mû ó e nkul ekǎ pyâl kʉ̌l, tô ɨ́ mepyɛbla tʉ́ŋlʉ̌.»

Mɨlʉmlʉ 10:22

Bé ntɔ̂ʼ yala ó: «Kapitɛ̂n Corneille ô lómó bɨ́h. Nye ó tîtyěl mʉr, dí ebuú dwáawǒ Nzyɛ̌m nyá. OYúden bɨ́bɛ̂h, bé lɨ́ esêʼle nyê. Nyʉ́ʉ́ éngeles dí ti nyá, á tɨ́e nye ó, nye báŋlaa go, go tô pyâl kwá nyé, nye jôʼlaa sá gó ngá lɛ́ɛ nyé yɨ́.»

Mɨlʉmlʉ 7:19

Njwɨ́ɨ waá ó b'á kûhlo mepɨʼ mé élwímla e kúl gá yɨ́ná, le esâ yé cére. Nye á tíne bé ó, bé tô bibîr bítyéé byɔ́ɔ́ kʉ̌l ó, byé dwêʼ.

Mataos 10:23

Bé óntɨ̂ʼ bɨ́n ɨ́ yɨ̂ʼ nkana nó: kpɛ́yɨ́ɨ́ gâ, tô ɨ́ yʉ́ʉ́. Mě lɛ́ɛ́ bɨ́n lɨ́ otyeetye ó, Mwân mé Mʉr, nye óbáʼǎ pyâl, bɨ̌n dína apǎ kumo bínkana bí Ɨ́zraɛ̂l bíbyɛ̂h.

Mɨngwiha 12:6

Nó ó, mʉmá nyɨɛ á si kpɛ́ɛ, tô ɨ́ lʉá, tó dǐ súm Nzyɛ̌m á boo komlo nye odiá yɨ́. Nzyɛ̌m ó b'á baʼle nye gʉ̂, lɨ́ edwe nyé mede. Nye á didi gʉ̂ʼ ó, tâŋ melû tɔ́ɔ́sin e minter mimbá e mekám mésaman (1.260).

Mɨngwiha 12:4

Wé á si syɛ̂m kʉ̌n wé, píle ócwícwén le kʉ̌n wé waá. Ocwícwén baá ɨ́ buo buo, bé á si pílɔɔ ɨ́ kʉ̌n wé, jala e nkɔb mpwár ɨ́ menkɔb melɛ̂l. Wê nzě syɛŋ bê, guho bé kâʼ ɨ́ sí yɨ̂. Wé á tityɛ̂b ó, ɨ́ mpǒm me mʉ́má á be lɨ́ edǐ byâ nyá. Wé á bě e jwɨʼ ó, mʉ́má sí byâ mwân waá nɛ́ɛ: wé onʉa mwân waá, mine nyê.

Mataos 2:22

Sâ gwár, ɨ́ jɔʼ nyé á ka jóʼo ó, Arkélaos ó b'á nʉa jwɨ́ɨ ɨ́ sí Yʉ́da píe koo sɔ́ŋ wé, Erôd yɨ́, nye ntɔ̂ʼ bil bʉ́á, nye l'akǎ kpɛl ébúla gʉ̂. Jɔʼ yaá ó Nzyɛ̌m á nze cɨ̂l nye ɨ́ nzɨ̌ bilíma ó, nye tôʼ ɨ́ sí Galilê.

Mataos 2:14

Nó ó Yóseb á nze gbɔlwa sí, nʉa mwân, bé e nyɔ̌ŋ ɨ́ pum, sɔlwa, tô sí Egɨ̂ptɛn.

Mɨlʉmlʉ 12:7

Pétrus dína ɨ́ jô, kǎ saʼ nɛ́ɛ: éngeles mé Nzyɛ̌m, nyɨ́ pyâl. Njʉl, wé ntɔ̂ʼ pǎn myɛ́n ɨ́ mbɛ̌r mímbʉʼ tʉ́ŋlʉ̌. Éngeles nzě ŋmɛ̂h Pétrus lɨ́ empah e nyʉ̂l, lɨ́ ejɨm nyé ɨ́ jô. Nye e né ó: «Kpáhwá gbɔlwa sí.» Mikʉ̂kɔ̌b, myé ntɔ̂ʼ pʉʼa nyé ɨ́ mebô, kur sí.