Mataos 2:12 - Kálar Nzyɛ̌m : Ejwán é Sáá

¹² Píe tɨ̂, Nzyɛ̌m nzě cɨ̂l bé ɨ́ nzɨ̌ bilíma ó, bé ayɨ́ báʼǎ búla, tô kwá mé Erôd. Bé á to kumo kwár nyɔ́ɔ́ ó, kǎ cɨɔɔ ɨ́ nzɨ̌ swîh.

Kálara Zyɛ̌m Edwán é mpʉ̌n

¹² Pie tɨ, Zyɛm ze tɨe be é zi bɨlima ó, bé l'ayi bula to boo Erod. Bé a to kumo kwar wɔɔ ó, cwɨɔ é zi fih.

Mataos 2:12 ပူးပေါင်းရင်းမြစ်များ

Mataos 2:22

Sâ gwár, ɨ́ jɔʼ nyé á ka jóʼo ó, Arkélaos ó b'á nʉa jwɨ́ɨ ɨ́ sí Yʉ́da píe koo sɔ́ŋ wé, Erôd yɨ́, nye ntɔ̂ʼ bil bʉ́á, nye l'akǎ kpɛl ébúla gʉ̂. Jɔʼ yaá ó Nzyɛ̌m á nze cɨ̂l nye ɨ́ nzɨ̌ bilíma ó, nye tôʼ ɨ́ sí Galilê.

Mataos 2:19

Píe l'eswie mé Erôd, Yóseb dínǎ sí Egɨ̂ptɛn, nye nzě bee éngeles mé Dâ Nzyɛ̌m ɨ́ líma.

Mataos 2:13

Jɔʼ ócwóó ó bʉ̂r baá, bé á be, bé mû sí tô yɨ́, nyʉ́ʉ́ éngeles mé Dâ Nzyɛ̌m ntɔ̂ʼ pyâl Yóseb ɨ́ líma. Nye e né ó: «Gbɔlwaa sí, nʉaa mwân, bé e nyɔ̌ŋ. Kpɛ́yɨ́ɨ, tóʼ sí Egɨ̂ptɛn, go e dí gʉ̂, tó pyâl ɨ́ jɔʼ mé ólɛ́ɛ e go ó, go búlaa yɨ́, ebě, Erôd mû ɨ́ cǎr ó, nyě jʉ́ ó mwán nyâ.»

Mataos 27:19

Jɔʼ nyé á be, nye dína lɨ́ elwǐb lɔ̌b waá ɨ́ diá tîʼ milɔ̌b yɨ́, mʉmá wé ntɔ̂ʼ lómlo nyé twíí ó: «Anʉa ntœ́b ɨ́ lɔ̌b wɨ̂, ebě, mûh ɨ́ pum wɨ̂, me bé ó sí buú sia e túú ɨ́ líma mê jɨ̌m, dumo e tîtyěl mʉ̌r nɨ̌ yɨ́.»

Mataos 1:20

Nye dína lɨ́ ejwɨʼ nó nɛ́ɛ: nye nzě bee éngeles mé Dâ ɨ́ líma. Éngeles waá nzě lɛ́ɛ e né ó: «Yóseb, mâ nta mé David, alíʼa lɨ́ enʉǎ Maria, mʉmá gǒ, ebě, nye nʉa ébum ó e nkul Sísǐm mé Nzyɛ̌m.

Ebrœ̂ 11:7

Ɨ́ lɔ̌b búʼó, Nóe á si jóʼo Nzyɛ̌m jɔʼ nyé á cɨ̂l nye ɨ́ lɔ̌b sá yé á be ó, yé ósyɛ́ɛ yɨ́. Nye dína apǎ bee yé e dîh, nye nzě gbâ lwǐb mé Nzyɛ̌m yaá ɨ́ dúu, ntɔ̂ʼ kpaʼ byɛ̂l, dû mpʉ̌ Nzyɛ̌m á tɨ́e ó, nye sâʼ yɨ́. Nye nzě nî tɨ̂, bé e mbɛ̌r bʉ̂r wé, bɨ́bɛ̂h ntɔ̂ʼ tíʼe. Ɨ́ lɔ̌b búʼó yé ó nyé á lɛ̂ʼle ó, syɛ́ɛla bʉ́ʉ́ bʉ̂r, bé á sâ yɨ́, yé á be ɨ́ bébe yɨ́. Bɨ́ɛ bé á bé adyɛ̂ʼwo e Nzyɛ̌m. Nye á bi nkam ó, tâŋ nkɔb nyé, ɨ́ lɔ̌b búʼó yé.

Mɨlʉmlʉ 5:29

Nó Pétrus, bé e bʉr o mílʉ́mlʉ́, bé á nze yala e bé ó: «Bɨ̌h bé ɨ́ jala le esâ Nzyɛ̌m mejóʼo, abe bʉ̂r.

Mɨlʉmlʉ 4:19

Pétrus, bé e Yʉánɛs bɨ́ɛ nzě yala e bé ó: «Bɨ̌n bʉr o tɨ̂, tíʼáá gá lɔ̌b wɨ̂: nkʉ̂ yé ɨ́ mbɨa ɨ́ míh mé Nzyɛ̌m ó, bɨ̌h jáa jóʼo bɨ́n, asâ nyɨ́ɛ mejóʼo.

1 Korɛnt 3:19

Ebě, ocwóó ó sí yɨ̂, wé ó ogʉ̌ ɨ́ míh mé Nzyɛ̌m. Nó yê cɛmá ó: Nzyɛ̌m mɨ́mɛ́r ócwóó ó bʉ̂r ó, ɨ́ mpila ócwóó yɔ́ɔ́.

Lʉkas 2:26

Sísǐm mé Nzyɛ̌m, wé á si boo lɛ́ɛ e né ó, nye apǎ dwe, nye óbee mʉ̂r Nzyɛ̌m á lœm múló mé jwɨ́ɨ nyá.

Mɨlʉmlʉ 10:22

Bé ntɔ̂ʼ yala ó: «Kapitɛ̂n Corneille ô lómó bɨ́h. Nye ó tîtyěl mʉr, dí ebuú dwáawǒ Nzyɛ̌m nyá. OYúden bɨ́bɛ̂h, bé lɨ́ esêʼle nyê. Nyʉ́ʉ́ éngeles dí ti nyá, á tɨ́e nye ó, nye báŋlaa go, go tô pyâl kwá nyé, nye jôʼlaa sá gó ngá lɛ́ɛ nyé yɨ́.»

Ebrœ̂ 8:5

Opara bɨ́ɛ, bé sɨ́séá ó, ɨ́ mpáh Nzyɛ̌m, nyaá sí yɨ̂. Nye ó njɨ lɨ́ ebaŋa mpáh Nzyɛ̌m mpâ dí ɨ́ jʉ́o kʉ́ nyɨ́. Nó ɨ́ jɔ̌ʼ Moyɨ̂z á be ó, nyě sumó ó mbɛ̌r kán mé Nzyɛ̌m yɨ́, Nzyɛ̌m á lɛ́ɛ e né ó: «Gwá sumǒ sá yɨ́yɛ̂h lɨ́ edû mveʼlě mbɛ̌r gó á lɛ̂ʼlɔɔ lɨ́ ecwɨ̂ʼ kʉ́ yɨ́.»