Mataos 2:11 - Kálar Nzyɛ̌m : Ejwán é Sáá

¹¹ Bé ntɔ̂ʼ nî tʉ́ŋlʉ̌ mbɛ̌r, beɔɔ mwân, bé e nyɔ̌ŋ wé Maria, bê nzě bɨʼɔɔ mébóó mɔ́ɔ́ sí, lɨ́ edweŋɔɔ nyé kûm. Píe tɨ̂, bê nzě kɛɛ métʉ́m mɔ́ɔ́, ntɔ̂ʼ dweŋɔɔ nyé bisá bé á nze e byé bí: gʉ̂l, otú ó dúu le lɔbína.

Kálara Zyɛ̌m Edwán é mpʉ̌n

¹¹ Bé ntɔʼ ni é mbɛr tʉŋlʉ, beɔ mwan bé e nyɔŋ we Maaria, ze bɨʼɔ mompom mɔɔ si é mih me, lé edwiibɨ nye. Pie tɨ, bé ze kɛɛ mopʉna mɔɔ, ntɔʼ dweŋɔ nye mɨndwɛa mɨ kʉlʉ bé a ze e mye e: gol, ndwam le myrrhe.

Mataos 2:11 ပူးပေါင်းရင်းမြစ်များ

Lʉkas 2:16

Bê nzě tô e mikám, tó beɔɔ̌ Maria, bé e Yóseb ndu e mâ tyéé, ndyéʼá gúmó bítab dí ede méde yɨ́.

Mataos 2:2

Nó ó bé á to le edî bʉ̂r ó: «Mwân byɛ́l nyá, nye wó? Nye ó dí Njwɨ́ɨbʉr óYúden ebě, bɨ̌h bé á si bee twítwén wé kwá nyɨ́h, nko dʉ́o dí ejɨma yɨ́. Bɨ̌h nzé ó, lɨ́ enzě dwe nyé kûm.»

Mɨngwiha 19:10

Ejóʼo mé á kʉ jóʼo nó yɨ́, me ntɔ̂ʼ kúrwo sí, píʼe mpóm ɨ́ bibwǎh ɨ́ mpǒm nyé, lɨ́ edwe nyé kûm. Nye nzě lɛ́ɛ e me ó: «Sá asâ nó. Me ntémé, me ó syɛ̂l mesâ mé Nzyɛ̌m mpʉ bɨ́n e bɨ́ɔɔ́ bô dí nɨ̌. Mɨná bɨ́bɛ̂h, bé lɨ́ ebúʼla gá lɔ́ɔ́ Yésʉs á túno wɨ́. Gúmláá sɔ̂ʼ njɨ Nzyɛ̌m.» Lɔ́ɔ́ Yésʉs á túno wɨ́, wé ó b'á dwe ogwíha o mílɔ̌b nkul Sísǐm ó, bé lwíbɨɨ.

Mataos 14:33

Bʉr o b'á be ɨ́ byɛ̂l bá, bê nzě bɨʼɔɔ mébóó mɔ́ɔ́ sí lɨ́ edwě Yésʉs kûm. Bé e né ó: «Go ó kwahaá Mwân mé Nzyɛ̌m tyeetye!»

Mɨngwiha 5:8

Jɔʼ nyé á nʉa nye yɨ́, mikublakúbla mí ótír minâ myaá, le otɔ́má bʉ̂r mekám mébá le onâ baá, nzě bɨʼ mébóó sí ɨ́ mpǒm nyé. Mʉr nyɨnyɛ̂h ɨ́ sɔ́má yɔ́ɔ́ á be ó e mpêr ɨ́ mebô, ndu e mempélé mé gʉ̂l, mɨ́mɛ̂h milwɨ́ŋlá le otú ó dúu lɨ́ edúo. (Otú waá, wé ó mveʼle, sá dí elɛ̂ʼle mínjɨʼla bʉ̂r o mé Nzyɛ̌m dí esâ nyé mí.)

Lʉkas 2:38

Nó mpʉ̌ Siméon á be lɨ́ elwib nó yɨ́, Ane ntɔ̂ʼ sîhle, nzě dwě Nzyɛ̌m kûm, nzě lwib e bʉr o bé e boo nɔ́ɔ́ nyé á didi bá. Bé ntémé, bé á si bóno mʉr ngá táǎ góo, le edwǐh kúl bʉ̂r o b'Ɨ́zraɛ̂l ɨ́ mpila ébébe nyá. Nye nzě lɛ́ɛ bʉ̂r ónɨ̌ bɨ́bɛ̂h sá yé á dumo e mwân waá yɨ́.

Mataos 1:18

Yésʉs-Krîst á byɛ̂l ó, mbi wɨ̂: Maria, nyɔ̌ŋ wé, bé e Yóseb, bé á be le etié ó, bé óbɛ́a. Bé dína apǎ syɛŋa nɛ́ɛ: Maria nzě nʉa ébum ɨ́ nkul Sísǐm mé Nzyɛ̌m.

Mataos 2:10

Jɔʼ bé á bee twítwén yɨ́, bé ntɔ̂ʼ buú soho.

Mataos 12:46

Yésʉs dína lɨ́ elwib e mentumo me bʉ̂r nɛ́ɛ: nyɔ̌ŋ wé, bé e bɨ́ɔɔ́ bé le okɛ́l bé ntɔ̂ʼ pyâl, tyɛ́bɔɔ̌ kʉ̌l, lɨ́ esáa ménzɨ̌ mé élɛ́ɛla e né.

Yʉanes 19:39

Nikodɛ́mos, mʉr á nyɛɛ to bee Yésʉs ɨ́ pum nyá, nzě nʉa múló bé dí elœm mímúu má. Yé á be ó okílo ó mirrhe nzyɛŋá le aloɛ̂s, kúnókúno e mekám ménâ e metɛ̂n.