Mataos 18:8 - Kálar Nzyɛ̌m : Ejwán é Sáá

⁸ «Yé bé mbó gô ngwár, nkʉ̂ kʉ̌ gô, wé ó dí etíne gó ó, go sâʼ misyóm nó, tíʼáá wê. Go e gúhó wé lɨ́ ejaa, ebě, yé mbɨa ɨ́ páʼ gô ó, go díʼee le bidyɛ̂m nkʉ̂ e tîʼlǎ kʉ̌ tyé twiʼ, ntɔ̂ʼ dwe, kǎ tó beě twiʼ mpâ, laa ó, go díʼee e mebó mébá le mekʉ̌ mebá mô, go gúhɔɔ ɨ́ siʼe dí edúǒ kɔ́m ti e kɔ́m yɨ́.

Kálara Zyɛ̌m Edwán é mpʉ̌n

⁸ «Yé be ó, mbo go ngwar, nkʉ kʉ go, wé ó ndɨ esa ó, go duma é l'ebebe nɛʼɛ, tiʼa we. Laa ó, go diʼe e mobo moba le mokʉ moba mo, go ntɔʼ guhɔ é siʼe lé eduo njʉmdia e njʉmdia ɛ, fuo tiʼe yɛɛ mbo go, guho we jaabe, ebe, yé é bul mbɨa é nko paʼ go ó, go diʼe e bɨjyɛm nkʉ e tîtil kʉ, to bi tiʼ molu mo mpoʼ mɨmɛh.

Mataos 18:8 ပူးပေါင်းရင်းမြစ်များ

Rôm 13:12

Pum mû ó téme elaa; móhó lɨ́ esîhle. Mɨná bírɨɨ gá bisyɛ́ɛla bi dí esáŋɔɔ lɨ́ edúrʉ́ʉ́ bí. Mɨná bwáraa gá mimbór mí dɔ̂m lɨ́ esú ó, mɨná lwímlaa gá e myé ɨ́ móhó.

Mɨngwiha 20:15

Bʉr o b'á be abe e míe micɛmá ɨ́ mekaná mé twiʼ bá, bé ntémé, bé á si guhɔɔ ɨ́ bɨ́ siʼe yaá.

Mɨngwiha 14:10

bé ójaʼra e nkpaa mé Nzyɛ̌m. Nzyɛ̌m óntɨ̂ʼ bé, lɨ́ edû mpʉ nkpáa nyé dí yɨ́. Bé ójaʼra e nkpaa nyé nyaá mpʉ bʉ̂r dí ejaʼra e menyoʼ ɨ́ jɔʼ bé dí akɛl bá médíbé tɨ̂ʼ yɨ́. Nye óntɨ̂ʼ bʉ̂r baá ó e siʼe ndu e pir. Bé óntɨ́ʼɔɔ ó, ɨ́ míh bééngeles dí tí bá ndu e Mâ Nteme.

Mɨngwiha 21:8

Baábʉ́bʉ́á bɨ́ɛ, bé le ohááden, bʉr o dí e milémé mébomo, ojʉ̂l o bʉ̂r, osyɛ̂l o bímolá, oleme ti e baá o dí edwe bíkpɛʼkpɛ̂ʼ bí ónzyɛ̌m kûm bá, ndu e baányâ-mikóo bɨ́bɛ̂h, bɨ́ɛ, bé ójaá kœb ódiá wɔ́ɔ́ ó, njɨ ɨ́ bɨ́ siʼe. Yé ó lwɨ́ŋlá e siʼe ti e pir. Yé ɨ́ buú díʼa. Tɨ̂ʼ ó bʉ̂r dí edwe éswie embá yɨ́.»

Lʉkas 14:33

Jwɨʼ gwár yaá, ɨ́ sɔ́má yɨ́n bɨ̌n óbɛ̂h, kâr mʉ̂r dí e nkul edi mpʉ́n wǎm, nyé bé abene bísá bíbyɛ̂h nó.»

Mataos 25:46

Bʉr baá, bé ótô ɨ́ ntɨ́ʼá dí kɔ́m ti e kɔ́m yɨ́. Otîtyěl o bʉ̂r bɨ́ɛ, bé ótô ó, tó di ɨ́ twǐʼ njʉ̌m dǐ.»

Mataos 25:41

«Píe tɨ̂, nye ólɛ́ɛ e baá o dí nye ɨ́ páʼ mbó émyɛ̌l ó: “Pʉʼaa gá gúmó mé dí yɨ́, bʉr ó Nzyɛ̌m á boo syɛm bá. Tóʼ gá ɨ́ siʼe dí edúǒ kɔ́m ti e kɔ́m yɨ́, siʼě Nzyɛ̌m á boo tira lɨ́ esú mé sɔ́ŋ meleme, bé e beéngeles bé yɨ́.

Lʉkas 16:24

Nye ntɔ̂ʼ bʉ̂ édwê. Nye ó: “Dâ Abraham ɔ́, jɨ́ʼɨ́ɨ́ mé nkoó ɔ̌! Lómláá mé Lazare, nye dúbaa odumo ó diné yé ɨ́ medíbé, nye e nzé dwě jɨ́m yâm metala ɔ̌, ebě, me lɨ́ ebuú jaʼra e siʼe ɨ́ minjʉl mî.”

Mataos 17:27

Damá be nó, mɨná bé agwɨ̂m egbâ gá bé ebɔ̌ʼ lé óbɨma bé ɨ́ miléme lɨ́. Nó, tóʼ, tó guho ésyɛb ɨ́ mâŋ. Sû esôʼ gó ójʉ̂ nyá, go e bɛ́ɛ́ nyé num. Go ókœ̌b nzǎŋ mɔnɨ́ tɨ̂. Nzaŋ waá, wé lɨ́ ejala e mɔnɨ́ tœ́a lɨ́ esú é bʉ̂r obá. Go e nʉ́á wê, gó otó jána mɨ́ná bitœ́a e tɨ̂.»