Mataos 18:7 - Kálar Nzyɛ̌m : Ejwán é Sáá

⁷ Nkoó, nyé e bʉr ó sí yɨ̂ʼ dí egbâ mébɔ̌ʼ mé óbɨma bʉ́ʉ́ bʉ̂r ɨ́ miléme ó, bé sâʼ misyóm má bá! Yê tyeetye ó, mebɔ̌ʼ me dí ebɨma bʉ̂r ɨ́ miléme má, mé abe e nkul edi, abe. Sâ gwár, nkoó nye ó e mbi mʉ̂r dí egbâ bʉ́ʉ́ bʉ̂r mǎ wɨ́!

Kálara Zyɛ̌m Edwán é mpʉ̌n

⁷ «A vwaʼ e bʉr o si nwaʼ ndɨ egomlo bʉʉ bʉr é zi mɨsyem ɨ! Yé cyecye ó, mobɔʼ mé ndɨ edumo bʉr ɨ, mé abe e nkul edi, abe. Sa gwar, a vwaʼ e mʉr ókol bʉʉ bʉr mobɔʼ maa ɛ!

Mataos 18:7 ပူးပေါင်းရင်းမြစ်များ

Lʉkas 17:1

Nó ó Yésʉs á nze lɛ́ɛ le ompʉ́n bé ó: «Yé óbe ɨ́ jɔʼ yɨ́yɛ̂h ó e mebɔ̌ʼ mé óbɨma bʉ̂r ɨ́ miléme ó, bé sâʼ ebébe má. Nkoó, nye ó e mʉr ngá gbâ bʉ́ʉ́ bʉ̂r mebɔ̌ʼ maá nyá!

1 Korɛnt 11:19

Ebě, mpɔ́ʼá menkɔ̌m, nye ɨ́ jala le enyɨ̂nyɨn páʼ nyɨ́n ó, bé gwâ dweʼe baá o dí tyeetye e búʼó bá.

Mataos 26:24

Yé ó nó. Mwân mé Mʉr ódwě mpʉ yé á boo be cɛmá ɨ́ lɔ̌b wé yɨ́. Sâ gwár, nkoó, nye ó e mʉr ngá bɛ́ma Mwân mé Mʉr nyá! Yé á gwa mbɨa mʉr waá ó, mpa nye á bé abyɛ̂l!»

Yʉ̂d 1:4

Bʉ́ʉ́ bʉ̂r, bɨ́ nî ɨ́ sɔ́má yɨ́n ɨ́ myaaa, bɨ̌n l'agʉ́a. Mekaná mé dí edwe bé mebě, le ekab bé bintɨ́ʼá má, mɨ́ boó cɛmɔɔ. Bɨ́ɛ bé ó minjéʼe-Nzyɛ̌m. Bé jaá gwɨ̂m ó, njɨ edirǎ nyɔm e mpam mé Nzyɛ̌m gá wɨ́ná, bé nkʉ̂ sâ bímolá nzam le ekomo. Bé ntémé, bé lɨ́ ekɛ́lǎ Yésʉs-Krîst. Nye omér ó dí Tyɛ̂b esôʼ le Tî gá wɨ́ná.

Títos 2:8

Lwǐb yô, yé díʼee lwɨ́ŋlá e lɛ́ʼlá mpâ mɨ́ná dí edwe gá wɨ́. Ɨ́ tɨ̂, bʉ̂r bé óbe, akœ̌b sá ébébe bé ólɛ́ɛ, dumo e lwǐb yô yɨ́. Bʉr o dɔ̂m ónɨ̌, bé ókǎ jóʼo sôn ntémé, bé l'abe e sá ébébe bé ólɛ́ɛ, dumo e mɨná gâ.

Títos 2:5

Meséhe maá, mé dwêʼ menyʉ́l mɔ́ɔ́ medile, le ebaʼle ményʉ́l mɔ́ɔ́ lɨ́ esú mé Nzyɛ̌m. Mé séaa ɨ́ mimbɛ̌r myɔ́ɔ́, le ecwɨ́a e bʉr. Mé sâʼ ojʉ́m bɔ́ɔ́ mejóʼo. Sá tɨ̂ʼ ó bʉ̂r, bé óbe, akǎ pyǎ lɔ́ɔ́ mé Nzyɛ̌m yɨ́.

1 Timotɛ 6:1

Bʉr bɨ́bɛ̂h o dí bitúʼǎ bá, bé ɨ́ jala le eláa ójwɨ́ɨ́ bɔ́ɔ́ ó, bé ó ɨ́ sɔ́má bʉ̂r o jálá le edwáawɔɔ bá. Nó ó bʉ̂r ngá di, aswêʼ díé mé Nzyɛ̌m, nkʉ̂ lɛ́ʼlá mɨ́ná dí edwe bʉ̂r wɨ́ yɨ́.

Mɨlʉmlʉ 1:16

«Bɨ́ɔɔ́ bâm! Okɛ́l bâm! Yé á jala ó, sá Sísǐm mé Nzyɛ̌m wé á lɛ́ɛ ɨ́ nzɨ̌ mé David yɨ́, yé díraa. Yé á be cɛmá ó, ɨ́ lɔ̌b mé Yʉ́das, mʉr á to le etɨ́e bʉr nzɨ̌ etó mɛ̂r Yésʉs nyá.

Yʉanes 17:12

Jɔʼ bɨ́h le onɔ́ɔ́ bé á bɨbe yɨ́, me á bɨbaʼle bé ó e nkul díé lô gó á dwe me lɨ́. Me á si kamle e bê. Kâr mʉ̂r ngwár á dîm ɨ́ sɔ́má yɔ́ɔ́, alaa ó, waá á boo be ó, nye ɨ́ jala le edîm nyá. Nye á si dîm lɨ́ esú ó, sá dí cɛmá ɨ́ Mekaná mé Nzyɛ̌m yɨ́, yé díraa.

Markus 13:7

Bɨ́n ójóʼo bʉ̂r lɨ́ elwilwib mílɔ̌b mi mɔ̂m le elɛ́ɛ mílɔ́ɔ́ mí dɔ̂m nó, bisɨ́ǎ byaá atɨ̂l bɨ́n mekʉ̌ sí, ebě, yé jala ó, byé nyɛ́ɛ pyâl. Damá jóʼo nó, ntʉ bísɨ́ǎ byaá ngá lɛ̂ʼle ésúʼlá é sí yɨ̂.

Mataos 16:23

Yésʉs nzě dwira, le elɛ́ɛ e Pétrus ó: «Sátan, duhaa mé ɨ́ mîh. Go ó ebɔ̌ʼ e dí e nkul ebɨma mé ɨ́ léme lɨ́. Mipahlá myô, myé abe myaá mé Nzyɛ̌m, njɨ myaá mi bʉ̂r.»