Mataos 18:10 - Kálar Nzyɛ̌m : Ejwán é Sáá

^10-11 «Gwá di gá le ocwóó ó, bɨ̌n ayɨ́ pyêh mwân ngwár lɨ́ bwán bâ, ebě, mě lɛ́ɛ́ bɨ́n ó: beéngeles bɔ́ɔ́ dí kʉ́ bá, bé lɨ́ ebee ɨ́ tooobó mpǒm me Sɔ́ŋ wǎm dí ɨ́ jʉ́o kʉ́ nyá ɨ́ jɔʼ yɨ́yɛ̂h.»

Kálara Zyɛ̌m Edwán é mpʉ̌n

¹⁰ «Gʉa di ga ncye! Apyeh mwan ngwar é bwan ba, ebe, me elɛɛ bɨn ó nɛɛ: beengles bɔɔ ndɨ é jobo kʉ ɨ, bé ebee mpom mo Sɔŋ wam ndɨ é jobo kʉ ɨ, é sʉlʉlʉ jɔʼ yiyɛh. [

Mataos 18:10 ပူးပေါင်းရင်းမြစ်များ

Ebrœ̂ 1:14

Beéngeles bɨ́ɛ, bê onzé? Bɨ́bɛ̂h, bé ó misísǐm mi dí eséǎ Nzyɛ̌m syɛ́ɛ́ mí. Nyě lómló mɨ́ná gá bǎ ntémé ó, bé ntáa súʼo bʉ̂r o ngá bǐ twǐʼ njʉ̌m dǐ, jala e nkɔb líʼe nyɔ́ɔ́ bá.

Lʉkas 16:22

Nye nzě dwe. Beéngeles nzě nkɛ́ɛ nyê, tó dilɔɔ nyé ɨ́ mbó éjʉ́m mé Abraham ɨ́ jʉ́o kʉ́. Kúmá ntémé dwe, ntɔ̂ʼ debe ɨ́ soo.

Mataos 24:31

Jɔʼ yaá, nye ólómo bééngeles bé e sébé dí ɨ́ buú bwaʼ twíí nyá, ɨ́ medumo mé sí mɨ́mɛ̂h menâ. Bé ósyɛŋ baá nyé á twâr bá, táare ɨ́ wɨ́ʼ ódumo ó sí, tó pyâl ɨ́ gúú.»

Lʉkas 1:19

Éngeles ntɔ̂ʼ yala ó: «Yé ó mɛm, Gabriel, mʉr dí etyɛ̂b ɨ́ míh mé Nzyɛ̌m nyá! Me nzé ó ɨ́ lʉ́mlʉ́, ó me ntáa nzě lwib e go, lɨ́ enzě lɛ́ɛ gó Mbɨambɨa Lɔ́ɔ́ wɨ̂.

Mataos 18:14

Nó ntémé, gwɨ́má mé Sɔ́ŋ wɨ́n dí ɨ́ jʉ́o kʉ́ nyá, yé abe ó, nye dímlaa mwân ngwár ɨ́ bwán bé.»

Mataos 18:6

«Ɨ́ nkǒ páʼ bwán ó dí edyɛ̂ʼwo e me bá, mʉr nyɨnyɛ̂h ngá gbâ ébɔ̌ʼ lé óbɨma ngwár tɨ̂ʼ ɨ́ léme nyá, yé bá bě mbɨ̂mbɨá ɨ́ páʼ wé ó, bé tyéelaa nye nkǒʼ nɨ́nɨ́ɨ́ ɨ́ twíí, ntɔ̂ʼ guho nyé lɨ́ etǒʼ e mâŋ, ó nye jɨ́blaa, dwe.

Mataos 2:19

Píe l'eswie mé Erôd, Yóseb dínǎ sí Egɨ̂ptɛn, nye nzě bee éngeles mé Dâ Nzyɛ̌m ɨ́ líma.

Mataos 2:13

Jɔʼ ócwóó ó bʉ̂r baá, bé á be, bé mû sí tô yɨ́, nyʉ́ʉ́ éngeles mé Dâ Nzyɛ̌m ntɔ̂ʼ pyâl Yóseb ɨ́ líma. Nye e né ó: «Gbɔlwaa sí, nʉaa mwân, bé e nyɔ̌ŋ. Kpɛ́yɨ́ɨ, tóʼ sí Egɨ̂ptɛn, go e dí gʉ̂, tó pyâl ɨ́ jɔʼ mé ólɛ́ɛ e go ó, go búlaa yɨ́, ebě, Erôd mû ɨ́ cǎr ó, nyě jʉ́ ó mwán nyâ.»

Mataos 1:20

Nye dína lɨ́ ejwɨʼ nó nɛ́ɛ: nye nzě bee éngeles mé Dâ ɨ́ líma. Éngeles waá nzě lɛ́ɛ e né ó: «Yóseb, mâ nta mé David, alíʼa lɨ́ enʉǎ Maria, mʉmá gǒ, ebě, nye nʉa ébum ó e nkul Sísǐm mé Nzyɛ̌m.

1 Tesalonika 4:8

Nó ó, baá o dí epyêh métwɨ́ɨ́ mâʼ ɨ́ lɔ̌b nɨ̌ bá, bé apyêh mʉ̂r. Bé pyéh ó Nzyɛ̌m, waá dí entɨh bɨ́n Sísǐm wé nyá.

1 Korɛnt 11:22

Nzê bɨ̌n bé abe e mimbɛ̌r, ó bɨ̌n dêʼ mede le menyoʼ mɨ́n tɨ̂ʼ ɛ́? Ntʉ̌ pyêh bɨ́n dí esâ Mbɛ̌r-Nzyɛ̌m nɨ̌ ɛ́? Nzê bɨ̌n bé lɨ́ ekpɛl égbâ bʉ̂r o dí abe e mede bá sôn ɨ́ nyʉ̂l ɛ̌? Yé bɨ́n dí ekpɛl ó, me lɛ́yɨɨ bɨ̌n? Nzê me ósêʼle bɨ́n tɨ̂ʼ ɛ̌? Kʉ́ kâr káráa! Me ábá sêʼle bɨ́n.

1 Korɛnt 16:11

Mʉr apyêh gá nye. Súʼáá gá nye ɨ́ tyen yé, ó nye tôʼ dóló, lémé wé ɨ́ piiia. Nye pyálaa wâʼ nko mé dí yɨ́, ebě, bɨ̌h e bʉ́ʉ́ bɨ́ɔɔ́ gá bɨ́ná mû ó lɨ́ ebóno nyê.

Rôm 14:10

Ɨ́ mpʉ yé dí nó yɨ́, gua, go nzé, gua mʉr dí edwe mɨ́ɔɔ́ gǒ mʉr mebě nɨ̌? Gua ntémé, go nzé, gua mʉr dí epyêh mɨ́ɔɔ́ gǒ mʉ̌r nɨ̌? Mɨná gá óbɛ̂h, bé ótó tyɛ̂b gá ɨ́ mpǒm diá tîʼ milɔ̌b gá wɨ́ná, Nzyɛ̌m.

Mɨlʉmlʉ 27:23

Ebě, ɨ́ pum wɨ̂ʼ mûh, éngeles mé Nzyɛ̌m, mʉr mé dí egúmo e né, waá mé dí eséǎ syɛ́ɛ́ yé nyá, nye sí nzě gúmó mê bé yɨ́.

Mɨlʉmlʉ 12:23

Jɔʼ gwár e gwár yaá, éngeles mé Dâ ntɔ̂ʼ ŋmɛ̂h nyê, ebě, nye á bé adwě Nzyɛ̌m kûm nyé. Nó mísóm myé á poʼlo nye, nye ntɔ̂ʼ dwe.

Mɨlʉmlʉ 12:15

Bɨ́ɛ ntɔ̂ʼ lɛ́ɛ e né ó: «Go ó gʉ̌!» Nye nzě nyémle twíí ó: «Yé ó kʉ́ bě tyeetye!» Bé ntɔ̂ʼ lɛ́ɛ ó: «Jáŋá yé óbɛ̌m be éngeles wé o!»

Mɨlʉmlʉ 10:3

Píe témé móhó, yé mû kúnókúno e mewala melɛ̂l nɛ́ɛ: nye ntɔ̂ʼ bee ésimá. Nye á bee ó, éngeles mé Nzyɛ̌m lɨ́ enî ɨ́ mbɛ̌r wé. Éngeles waá nzě lɛ́ɛ e né ó: «Corneille!»

Mɨlʉmlʉ 5:19

Nó ɨ́ pum waá, éngeles mé Dâ nzě dib mébê mé mbɛ̌r mímbʉʼ, ntɔ̂ʼ pyêl bʉ̂r o mílʉ́mlʉ́ kʉ̌l. Nye ó:

1 Timotɛ 4:12

Anyamlě kam ó, mʉr pyéhee go ɨ́ lɔ̌b gó dína loʼo. Lɨlɛ́ʼláá óbûʼla mveʼle édû. Sáʼ nó e bisyɛ́ɛla bî: lwǐb yô, twiʼ yô, kpɛ̌l yô, búʼó yô, lɨ́ edwe nyʉ̂l nyǒ medile ɨ́ míh mé Nzyɛ̌m.

1 Korɛnt 9:22

Ɨ́ jɔʼ mé dí e bʉr o dí apǎ bi pîm ɨ́ búʼó bá yɨ́, mě dǐ ntémé ó mpʉ mʉ̂r dína apǎ bi pîm ɨ́ búʼó nyá. Mě sá nó ó, me dúlaa bê. Me lɨ́ esáa énwɨɨla e mimbi mi bʉ̂r mímyɛ̂h lɨ́ esú lé étiʼ bʉ́ʉ́ bʉ̂r.

Rôm 15:1

Mɨná gâ, bʉr o b'á nʉa pîm ɨ́ búʼó bá, bé ɨ́ jala le edûhwo bʉ̂r o dí e búʼó ɨ́ tyɛʼ tyɛʼ bá. Mɨná bé ajala le esáa gá minyɔm gá míná.

Rôm 14:21

Yê mbɨ̂mbɨá ɨ́ páʼ gô ó, gǒ sá ade tír, nkʉ̂ menyoʼ, nkʉ̂ sâ syɛ́ɛla yɨ́yɛ̂h dí e nkul edulo mɨ́ʉ̌ ó, nye dúmaa lɨ́ ebébe yɨ́.

Mɨngwiha 8:2

Píe tɨ̂, me ntɔ̂ʼ bee bééngeles nzaangbá bé á tityɛ̂b ɨ́ míh mé Nzyɛ̌m bá. Bé á si dweŋɔɔ osébe.

Galásia 6:1

Bɨ́ɔɔ́ bâm! Okɛ́l bâm! Bɨ́n óbee mʉ̂r lɨ́ esâ syóm nó, bɨ̌n bʉr o dí e Sísǐm mé Nzyɛ̌m ɨ́ miléme bá, kɛmɨɨ gá nye ó, nye pʉ́ʼaa ɨ́ nzɨ̌ nyaá. Sâ gwár, tɨ́áá gá nye e mekǎn ɨ́ tala tala. Mʉr nyɨnyɛ̂h ɨ́ sɔ́má yɨ́n, nye dwɛ́ʼɛɛ ntémé mpʉ nyé mʉr tɨ̂ʼ dí yɨ́, ebě, nye ntémé ámû duma ɨ́ mebʉ́blá.

2 Korɛnt 10:10

Ebě, bé lɨ́lɛ́ɛ́ ó: «Jɔ̌ʼ Pɔ̂l dí ecɛma bɨ́h mekaná yɨ́, nyě cɨcɛma ó, milɔ̌b mi dí ɨ́ kɔbla lɨ́ ejóʼo mí. Nyě cɛmá mɨ́ná gá ó e lémé ébɨ̌h. Tó kœb ó, ɨ́ jɔʼ nyé dí ɨ́ sɔ́má gá yɨ́ná yɨ́, nye ó mpʉ̌ tyɛʼbol; lwǐb yé ntémé, lwǐb épyéhɔɔ.»

2 Korɛnt 10:1

Nó ó, mɛm mʉr tɨ̂, Pɔ̂l, me lɨ́ ejɨʼla e bɨ̌n ɨ́ metala le mpam mé Krîst,... Mɛm, mʉr bɨ́n dí epǎ lɛ́ɛ ó: «Nye ɨ́ jɔr nyʉ̂l ɨ́ jɔʼ mɨ́ná gá le onɔ́ɔ́ dí gúmo gwár yɨ́», waá bɨ́n dí epǎ lɛ́ɛ ntémé ó: «Nyě e lémé ébɨ̌h e mɨná gá ɨ́ jɔʼ mɨ́ná gá le onɔ́ɔ́ dí e ncɛrá yɨ́» nyá.

Lʉkas 10:16

Nye nzě lɛ́ɛ le ompʉ́n bé ó: «Waá sá bɨ́n mejóʼo nyá, nyɨ́ jóʼo mê. Waá ntémé béné bɨ́n nyá, nyɨ́ bene ntémé me. Ntémé, waá béné mé nyá, nyɨ́ bene mʉ̂r á ntɨh me nyá.»

Mataos 12:20

Nye ákóʼó búʼǒ sʉŋ mû sí gwarwo yɨ́. Nye ádímě njʉl mû lɨ́ esáa édíme wɨ́. Nye ósɨsâ nó ó, tó pyâl ɨ́ jɔʼ nyé ngá sâ ó, otîtyěl, wé ntáŋaa sá yɨ́yɛ̂h ɨ́ nkul yɨ́.

Ebrœ̂ 9:24

Ebě, Krîst á bé anî mbɛ̌r kán bʉ̂r, bé á sumo Nzyɛ̌m wɨ́, waá dí enwɨɨla e mpǎŋ mpáh Nzyɛ̌m wɨ́. Mbɛ̌r waá, wé ó njɨ mveʼle, lɨ́ enwɨɨla e mpáh mpâ. Nye á nî ó, ɨ́ jʉ́o kʉ́. Nye mû ó lɨ́ etyɛ̂b ɨ́ jʉ́o kʉ́ ɨ́ míh mé Nzyɛ̌m lɨ́ elwib ɨ́ nkɔ̌m gá nyɨ́ná.