Mataos 17:4 - Kálar Nzyɛ̌m : Ejwán é Sáá

⁴ Pétrus nzě lɛ́ɛ e Yésʉs ó: «Dâ ɛ̌! Yé mbɨa ó, mɨná díʼee gá wâ. Gó kpɛ̂l nó, me súmaa gá mɨná mpálá, bisaʼ bilɛ̂l: le yô, le yaá mé Moyɨ̂z le yaá mé Elie.»

Kálara Zyɛ̌m Edwán é mpʉ̌n

⁴ Pyɛr ze lɛɛ e Yesʉs ó: «Da, yé é laŋle mbɨa ó, bɨna diʼe ga wâ. ǃGo si mɛʼle nɛʼɛ, me ósa bɨn mompaʼ wâ, bɨsaʼ bɨlɛl: le yo, le yaa mo Moyiz ndwe e yaa mo Élie.»

Mataos 17:4 ပူးပေါင်းရင်းမြစ်များ

Lʉkas 9:33

Jɔ̌ʼ Moyɨ̂z, bé le Elie, bé á be, bé mû lɨ́ edǐ duhǒ gúmó Yésʉs á be yɨ́, Pétrus ntɔ̂ʼ lɛ́ɛ e Yésʉs ó: «Lɛ̂ʼla, yé mbɨa ó, mɨná díʼee gá wâ. Mɨná súmaa gá mpálá, bisaʼ bilɛ̂l: le yô, le yaá mé Moyɨ̂z ndu e yaá mé Elie.» (Nyɨɛ l'agʉ́ǎ sá nyé á lɛ́ɛ yɨ́.)

Yʉanes 17:24

«Dâ ɛ̌, go á be ó sí dwe mé bǎ. Mě kpɛl ó, bé díʼeě gúmó mé ódidi yɨ́. Bé obee kûm nyǎm gó á dwe me nyɨ́, ebě, go á si boo kpɛl me, táare ɨ́ jɔ̌ʼ kʉ́ e sí, byé á be apǎ bě kuhá yɨ́.

Mɨngwiha 21:23

Bʉr ó nkana yaá, bé ajɨ mímbah, nkʉ̂ myaá mi dʉ́o, nkʉ̂ myaá mí álomó, ebě, mentyɛnwa mé Nzyɛ̌m, mé lɨ́ epan gʉ̂. Mâ Nteme ó dí eláma ɨ́ nkana yaá.

1 Yʉanes 3:2

Bʉr ó kpɛ̌l bâm, ɨ́ báánâ, mɨná gá mû ó bwán mé Nzyɛ̌m. Yé damá be nó, mbi bʉ̂r mɨ́ná ódi gá wɨ́, wé dína ó, apǎ gʉ́ŋɔɔ. Sá mɨ́ná dí egʉ́a gá yɨ́, yê njɨ ó, jɔ̌ʼ Krîst óbáʼǎ nyɨ̂n yɨ́, mɨná bé ónwɨɨla gá e né, ebě, mɨná bé óbee gá nye ó, kwahaá mpʉ nyé dí yɨ́.

Filipi 1:23

Me ó lʉ̂ ɨ́ nzamá páʼ ménzɨ̌ mebá maá. Ɨ́ wɨ̂ʼ pâʼ, me lɨ́ egwɨ̂m émɔa ɨ́ bʉ̂b, tó gbala kwá mé Krîst. Sâ yaá ó dí ɨ́ buú mbɨa.

Mataos 17:3

Kǎ saʼ nɛ́ɛ: bé kǎ bee ó, Moyɨ̂z, bé le Elie, gúmó Yésʉs á be yɨ́. Bé e boo nɔ́ɔ́ lɨ́ elɛ́ɛla.

Yʉanes 7:2

Nzɔɔ oYúden á be ó, nye mû kúno ebwalɔɔ. Nzɔɔ nyaá á jébɔɔ ó, “Nzɔɔ Bisaʼ Míkán”.