Mataos 17:20 - Kálar Nzyɛ̌m : Ejwán é Sáá

^20-21 Nye nzě yala e bé ó: «Yé ó ɨ́ lɔ̌b búʼó yɨ́n dí ɨ́ twâʼwo yɨ́. Mě lɛ́ɛ́ bɨ́n lɨ́ otyeetye ó, bɨ́n óbe e mâ búʼó mpʉ díh é nyʉ́ó nó, bɨ̌n bé óbe e nkul elɛ́ɛ le ecwɨ́ʼ lɨ̂ʼ ó: “Nkɛ́yɨ́ɨ́ gó mʉr tɨ̂ʼ wâ. Tó tyɛ̂b kâ,” yé óbánǎ sâ nó. Abe e sá yé ógbâ bɨ́n mekɔbla tɨ̂.»

Kálara Zyɛ̌m Edwán é mpʉ̌n

²⁰ Nye ze bɨha e be ó: «Yé ó, ebe, buʼo yin ndɨ é twaʼbe. Me elɛɛ bɨn cyecye ó nɛɛ: ǃbɨn si be e ma peh buʼo titia, dam be bim boho nʉo nɛʼɛ, bɨn bé óbɛm kʉ lɛɛ e l'ecwɨʼ lɨʼ ó: “Nkɛŋɨ go mʉr tɨʼ wâ, to cyɛb ká,” yé nteme bana syɛɛ no. Abe e sa yé ógba bɨn mokɔbla tɨ. [

Mataos 17:20 ပူးပေါင်းရင်းမြစ်များ

Lʉkas 17:6

Tî Yésʉs ntɔ̂ʼ yala ó: «Búʼó yɨ́n, yé damá twâʼwo mpʉ dîh é nyʉ́ó, yé bé yé ó mpǎŋ búʼó nó, bɨ̌n bé e nkul elɛ́ɛ e lɨ́ yɨ̂ʼ ó: “Duhaa wâ, go e tó tyɛ̂b ɨ́ mâŋ,” yé ntémé ntɔ̂ʼ sâ bɨ́n mejóʼo.»

Markus 11:23

Mě lɛ́ɛ́ bɨ́n lɨ́ otyeetye ó, mʉ̂r ólɛ́ɛ le ecwɨ́ʼ lɨ̂ʼ ó: “Mɔaa náǎ. Tó nkaŋa ɨ́ mâŋ” nó, lé ósâ nó, ɨ́ lɔ̌b búʼó yé. Mʉ̂r waá óbe, asóŋlo ɨ́ nye mʉr tɨ̂, jaá bûʼlǎ sɔ̂ʼ ó, njɨ lɔ́ɔ́ wé, wé ódira nó, wé ókʉ́ bánǎ dirǎ tyeetye.

Lʉkas 18:27

Yésʉs ntɔ̂ʼ yala e bé ó: «Bisá bʉ̂r dí akoʼo bí, Nzyɛ̌m ó dí e nkul esâ byê.»

Lʉkas 1:37

Ebě, yé abe e yʉ́ʉ́ sɔ̂ʼ dí ɨ́ kɔbla ɨ́ páʼ mé Nzyɛ̌m.»

Mataos 21:21

Yésʉs nzě yala e bé ó: «Mě lɛ́ɛ́ bɨ́n lɨ́ otyeetye ó, bɨ́n dyɛ́ʼwó e Nzyɛ̌m, asóŋlo ɨ́ bɨ̌n bʉr o tɨ̂ʼ nó, sá bɨ́n ngá sâ yɨ́, yé ólaǎ sâ sáŋɔ́ɔ́ figyê yɨ́. Bɨ́n ólɛ́ɛ le ecwɨ́ʼ lɨ̂ʼ ó: “Mɔaa náǎ. Tó nkaŋa ɨ́ mâŋ” nɛ́ɛ: lé óbánǎ sâ ntémé nó!

Markus 9:23

Yésʉs, nye e né ó: «Guá lɛ́ɛ́ ó: “Gó bé e nkul nó”! Sâ gwár, mɛ̌m lɛ́ɛ́ ó, mʉr dí edyɛ̂ʼwo e Nzyɛ̌m nyá, nyě e nkul esâ sá yɨ́yɛ̂h.»

1 Korɛnt 13:2

Me óbɛ̌m be e ndwéá égwîh bísyɛ́ɛla ngá syɛ́ɛ bí, le egʉ́a épâʼlǎ lwǐb ódîm yɨ́yɛ̂h, le egʉ́ǎ sá yɨ́yɛ̂h, sâ bínzololo. Me óbɛ̌m be e búʼó mbi dí ó, me pɛ́ʼɛɛ mecwɨ̂ʼ yɨ́. Sâ gwár, mé bé abe e kpɛ̌l nó, lɛ́ɛ́, mé abě sɔ̂ʼ.

Mataos 13:31

Nye báʼǎ nzě sâ bé yʉ́ʉ́ kɨkɛna. Nye e né ó: «Mpóʼo mé Dâ Nzyɛ̌m nwɨɨla ó e díh é nzɔ́m nyʉ́ʉ́ mʉ̂r á nʉa, myam ɨ́ pemé yé lɨ́.

Yʉanes 11:40

Yésʉs, nye e né ó: «Nzê me bé alɛ́ɛ e go ó, gó ódyêʼ koo e me nó, go óbee kûm mé Nzyɛ̌m ɛ̌?»

Markus 4:31

Nyě nwɨɨlá ó e díh é nzɔ́m lé á be ɨ́ buú twâʼwo ɨ́ mempeʼ mɨ́mɛ̂h lɨ́.

Ebrœ̂ 3:19

Sá tɨ̂ʼ ó mɨ́ná dí ebee gá ó, bé á bé anî lɨ́ egbalá lé yɨ́, ebě, bé á bé adyɛ̂ʼwo e né.

Mataos 17:17

Yésʉs ntɔ̂ʼ lɛ́ɛ e bé ó: «Bɨ̌n myǎ bʉ̂r o dí abûʼla wɨ́! Bɨ̌n bé ó njɨ e mesónó. Me káa báʼǎ di ɨ́ sɔ́má yɨ́n, tó pyâl ɨ́ yáǎ jɔʼ ɛ̌? Me ódûhwo bɨ́n, tó swîʼ yáǎ sûm ɛ̌? Ntáʼ gá me e mwân nɨ̌ wâ.»

1 Korɛnt 12:9

Sísǐm ngwár waá ntémé, wé lɨ́ edwe nyâʼ mʉ̂r búʼó; dwe nyʉ́ʉ́ mʉ̂r nkul etiʼ mímbêl.

Mataos 17:9

Jɔʼ bé á be, bé mû ó lɨ́ esulo écwɨ̂ʼ yɨ́, Yésʉs nzě gbâ bé mpéné ó: «Anyamlě lɛ́ɛ gá mʉr sá bɨ̂n beě yɨ́, tó pyâl ɨ́ jɔʼ Mwân mé Mʉr óbe, nye mû sí pah ɨ́ soo yɨ́.»

Mataos 8:26

Jɔʼ yaá ó nyé á nze lɛ́ɛ e bé ó: «Bɨ̌n jóʼó bʉ́á mpʉ́nʉ̌ ɨ́ yé? Á twâʼwǒ búʼó yɨ́n ɛ̂!» Nye nzě mɔa sí, nkáŋla e nkúo le mâŋ. Sá yɨ́yɛ̂h nzě di ɨ́ puuu.

Mataos 17:19

Píe tɨ̂, ompʉ́n bé, bê nzě sîhlě nkǒ Yésʉs á be yɨ́, bé mû bé omér. Bé ó: «Bɨ̌h bɨɛ, bé akoʼo épɛʼ lé ɨ́ yé?»

Markus 11:22

Yésʉs ntɔ̂ʼ lɛ́ɛ e bé ó: «Dyɛ́ʼwáá gá e Nzyɛ̌m!

Mataos 14:29

Yésʉs ntɔ̂ʼ lɛ́ɛ e né ó: «Ntâʼ bé!» Pétrus ntɔ̂ʼ sulo ɨ́ byɛ̂l, nzě táarě tyen ɨ́ medíbé kʉ́, tô nkǒ Yésʉs á be yɨ́.