Mataos 16:16 - Kálar Nzyɛ̌m : Ejwán é Sáá

¹⁶ Simon Pétrus ntɔ̂ʼ yala ó: «Go ó Mʉ̌r Nzyɛ̌m á lœm múló mé jwɨ́ɨ nyá. Go ó Mwân mé Nzyɛ̌m dí kublakúbla nyá.»

Kálara Zyɛ̌m Edwán é mpʉ̌n

¹⁶ Simɔn Pyɛr ntɔʼ bɨha ó: «Go ó Lœma mulo mo Zyɛm le Mwan mo Zyɛm ndɨ kublakubla ɛ!»

Mataos 16:16 ပူးပေါင်းရင်းမြစ်များ

Mataos 14:33

Bʉr o b'á be ɨ́ byɛ̂l bá, bê nzě bɨʼɔɔ mébóó mɔ́ɔ́ sí lɨ́ edwě Yésʉs kûm. Bé e né ó: «Go ó kwahaá Mwân mé Nzyɛ̌m tyeetye!»

Yʉanes 11:27

Nye e né ó: «Dâ ɛ̌, me lɨ́ ekʉ́ gʉ́a nó. Mɨ́ bûʼla ó, go ó dí Mʉ̌r Nzyɛ̌m á lœm múló mé jwɨ́ɨ nyá. Go ntémé, go ó Mwân mé Nzyɛ̌m, mʉr á be ó, nye ónze ɨ́ sí yɨ̂ʼ nyá.»

1 Yʉanes 4:15

Mʉ̂r lɛ́ɛ́ ó, Yésʉs, nye ó Mwân mé Nzyɛ̌m nó, Nzyɛ̌m ótíʼe ɨ́ mpúhlá e nye; nye ntémé ódi ɨ́ mpúhlá e Nzyɛ̌m.

Mataos 27:54

Kapitɛ̂n, bé e bʉ́ʉ́ ódwéela o sóo mé Yésʉs, mbeá bé á bee mpʉ̌ sí yé á kubla yɨ́ le bisá bíbyɛ̂h biswîh, bê kʉ́ nzě jóʼo ékɛ̂n. Bé ó: “Mʉr nyâʼ á kʉ be ó Mwân mé Nzyɛ̌m!”

1 Timotɛ 4:10

Nzyɛ̌m wɨ́ná dí kublakúbla, waá dí Tiʼbʉr ɨ́ páʼ bʉ̂r bɨ́bɛ̂h nyá ó b'á gbâ mpûʼla ɨ́ milémé míná. (Náǎ yé ó, nyě tǐʼ ó, baá o dí edyêʼ koo e né bá!) Lɔ́ɔ waá wé omér ó dí esâ ó, bɨ̌h kámaa túú syɛ́ɛ́, ti e dɔm bɨ́h dí elwímla lɨ́.

Mɨlʉmlʉ 9:20

Píe tɨ̂, nye nzě táare élɛ́ɛ̌ lɔ́ɔ́ dí edumo e Yésʉs wɨ́ ɨ́ mempáh mínjɨʼla mé óYúden. Nye á lɨlɛ́ɛ e bé ó, Yésʉs ó dí Mwân mé Nzyɛ̌m.

1 Tesalonika 1:9

Bé bʉr o tɨ̂ʼ ó dí elɛ́ɛ bɨ́h mpʉ bɨ́n á soho bɨ̌h yɨ́, le mpʉ bɨ́n á túmo koo e bikpɛʼkpɛ̂ʼ bí ónzyɛ̌m, kǎ jaá dû njɨ̌ Nzyɛ̌m yɨ́. Bɨ̌n mû ó lɨ́ eséa e mpǎŋ Nzyɛ̌m dí kublakúbla nyá.

Mataos 26:63

Yésʉs á jaa di ó, njɨ ɨ́ mes. Nó ó njwɨ́ɨ opara á nze lɛ́ɛ e né ó: «Me lɨ́ entɛŋ gó minkâl ɨ́ díé mé Nzyɛ̌m dí kublakúbla nyá ó, go lɛ́yɨɨ bɨ̌h, nkʉ̂ go ó dí Mʉ̌r Nzyɛ̌m á lœm múló mé jwɨ́ɨ nyá, mʉr dí Mwân mé Nzyɛ̌m nyá?»

1 Yʉanes 5:5

Nzé dí e nkul entaǎ bɨ́blǎ sí yɨ̂? Yé ó njɨ waá dí ebúʼla ó, Yésʉs ó dí Mwân mé Nzyɛ̌m nyá.

Ebrœ̂ 10:31

Nzyɛ̌m, nye ó kʉ́ bě kublakúbla. Yé ɨ́ buú sâ ékɛ̂n lɨ́ etó twe ɨ́ mebó mé, nyɨɛ e léme lwɨ́ŋlá le ebúʼ ɨ́ lúrúdú!

Rôm 1:4

Ɨ́ nkǒ páʼ sísǐm wé dí ti wɨ́, nye njwɨrá ó, «Mwân mé Nzyɛ̌m», Yésʉs-Krîst, Tî gá wɨ́ná. Nzyɛ̌m á lɛ̂ʼle mɨná gá ó, nyě e njwɨrá waá ó e nkul ɨ́ buo buo ɨ́ lɔ̌b pahá sóo wé.

Markus 14:61

Yésʉs á jaa di ó, njɨ ɨ́ mes, ayala ékǎn. Nó njwɨ́ɨ opara á baʼa dî e né ó: «Nzê go ó dí Mʉ̌r Nzyɛ̌m á lœm múló mé jwɨ́ɨ nyá, mʉr dí Mwân mé Nzyɛ̌m mɨ́ná dí egúmlo gá nyá ɛ́?»

Yʉanes 20:31

Sá mé mû sí cɛma bɨ́n ɨ́ mekaná mâʼ yɨ́, yé ó, bɨ̌n bûʼlaa ó, Yésʉs ó dí Mʉ̌r Nzyɛ̌m á lœm múló mé jwɨ́ɨ nyá, nye ntémé, nye ó Mwân mé Nzyɛ̌m. Bɨ́n sí dyɛ̂ʼwo e né nó, bɨ̌n bé óbǐ twiʼ ɨ́ nzɨ̌ nyé.

Yʉanes 1:49

Natanaɛ̂l, nye e né ó: «Lɛ̂ʼla, gǒ tyeetye ó Mwân mé Nzyɛ̌m. Go ó dí Njwɨ́ɨ Ɨ́zraɛ̂l.»

Ebrœ̂ 12:22

Bɨ̌n bɨɛ, bé abe nó. Bɨ̌n mû ó sí sîhle kúnókúno le ecwɨ́ʼ é Síon. Yé ó gúmǒ nkana mé Nzyɛ̌m dí kublakúbla nyá dí yɨ́. Yé ó nkanǎ Yerʉ́zalɛm, yaá dí ɨ́ jʉ́o kʉ́ yɨ́. Beéngeles ɨ́ buo buo, bé ó tɨ̂, abe e tólɔ́ɔ. Bé ɨ́ nzɔɔ sʉhʉʉ.

1 Timotɛ 3:15

lɨ́ esú ó, mé bé alɨ̌ nzě kœb gó gʉ̂ʼ nó, go gʉ́ŋaa kʉ̌ tyen dí ejala e mʉr Mbɛ̌r-Nzyɛ̌m wɨ́. Go ógʉ́a wé ó, lɨ́ eláa mékaná mâ. Mbɛ̌r-Nzyɛ̌m waá, wé ó dí sɔ́má bʉ̂r o dí egúmo e Nzyɛ̌m dí kublakúbla nyá. Otyeetye mé Nzyɛ̌m, wé tyɛ́b ɨ́ lyahwó ó, ebě, Mbɛ̌r-Nzyɛ̌m dí mpʉ édwii e sɔ́ŋ ndu e nkan dí ɨ́ lele nyɨ́.

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

2 Korɛnt 6:16

Nzê bʉr o dí eséa ɨ́ mpáh Nzyɛ̌m bá, bé e baá o dí etʉ̂to ɨ́ menzaá bíkpɛʼkpɛ̂ʼ bí ónzyɛ̌m bá, bé e nkul esʉ nkâm mpwár ɛ́? Ebě, menyʉ́l gá mɨ́ná, mé ó mpáh Nzyɛ̌m dí kublakúbla nyɨ́. Yé ó kwahaá mpʉ̌ Nzyɛ̌m mʉr tɨ̂ʼ á lɛ́ɛ yɨ́, ó: Me ódi ɨ́ sɔ́má yɔ́ɔ́, le etiʼe ɨ́ sɔ́má yɔ́ɔ́ tʉ́ŋlʉ̌. Me óbe ó Nzyɛ̌m wɔ́ɔ́. Bɨ́ɛ, bé óbe ó bʉr bâm.

2 Korɛnt 3:3

Bɨ̌n lɛ́ʼlé ɨ́ kpɛŋlɛm ó, bɨ̌n bé ó mekaná Krîst á cɛma má. Mekaná maá, mé lɛ́ʼlé ntémé ó, syɛ́ɛ́ bɨ́h á sâ ɨ́ sɔ́má yɨ́n yɨ́. Bɨ̌n bé abe mékaná mé á cɛmɔɔ e medíbé mé lwâb má. Mbi mékaná bɨ́n dí wɨ́nɨ̌, wé ó mekaná mé á cɛmɔɔ e Sísǐm mé Nzyɛ̌m dí kublakúbla wɨ́ má. Mé á bé acɛmɔɔ lɨ́ otéble o mékóʼ tʉ́ŋlʉ̌. Mé á cɛmɔɔ ó, ɨ́ milémé mí bʉ̂r tʉ́ŋlʉ̌.

Mɨlʉmlʉ 14:15

Bé ó: «Bʉr bâ, bɨ̌n sá mpʉ́nʉ̌ ɨ́ yé? Bɨ̌h ntémé, bé ó bʉr jwɨʼ gwár mpʉ bɨ́n dí yɨ́. Bɨ̌h nzé kwá nyɨ́n ó, lɨ́ enzě túnǒ Mbɨambɨa Lɔ́ɔ, le elɛ́ɛ bɨ́n ó, bɨ̌n túmaa koo e bisâ bi dí dwě-ntuʼ bî. Bɨ̌n a dwírá míléme, dyɛ̂ʼwo e Nzyɛ̌m, waá dí kublakúbla nyá. Nye ó b'á kuho kʉ́ le sí, ndu e l'ekomlo mâŋ ti e bisá bíbyɛ̂h bi dí tɨ̂ʼ bí.

Mataos 4:3

Mbôblobʉr ntɔ̂ʼ pyâl gúmó Yésʉs á be yɨ́. Nye e né ó: «Yé bé go ó Mwân mé Nzyɛ̌m nó, lɛ́yɨ́ɨ́ mékóʼ mâʼ ó, mé líŋaa mede.»

Mɨlʉmlʉ 8:36

Ɨ́ mpʉ bé á tʉ̂to nzɨ́ e nzɨ̌ yɨ́, bê nzě pyâl ɨ́ yʉ́ʉ́ gúmo, yé á be e medíbé yɨ́. Cwɨhá mʉ̂r waá ntɔ̂ʼ lɛ́ɛ e né ó: «Paá bee: medíbé ó mâ! Yé dí e nkul ekǎ kamle mé lɨ́ eduŋɔɔ?»

Yʉanes 6:69

Ɨ́ báánâ, bɨ̌h bɨ́ bûʼla le egʉ́a ó, go ó dí kwahaá Mʉr mé Nzyɛ̌m dí ti nyá!»

Mataos 1:16

Yákɔb byâ Yóseb, njʉ̂m mé Maria. Maria ó b'á byâ Yésʉs, bé dí ejébě “Krîst”. Díe laá, lé páʼlɔ́ɔ́ ó, Mʉ̌r Nzyɛ̌m á lœm múló mé jwɨ́ɨ nyá.

Mataos 16:15

Nye ntɔ̂ʼ báʼǎ dî e bé ó: «Nó bɨ̌n bɨɛ̌ lɛ́ɛ́ ó, me nzé?»

Lʉkas 2:11

Ɨ́ pum wɨ̂ʼ ɨ́ nkana mé David, Tiʼbʉr wɨ́n, nyɨ́ byɛ̂l! Nye ó Mʉ̌r Nzyɛ̌m á lœm múló mé jwɨ́ɨ nyá. Nye ó dí ntémé Tî gá wɨ́ná!

Yʉanes 6:57

Sɔ́ŋ wǎm, mʉr á ntɨh me nyá ó dí enó é twiʼ. Mě tiʼe ó ɨ́ nye. Jwɨʼ gwár e gwár yaá, mʉr óde mé nyá, ótiʼe ó ɨ́ me.

Yʉanes 6:68

Simon Pétrus, nye e né ó: «Dâ ɛ̌, bɨ́h sá nó wá, bɨ̌h bé ókǎ tô kwá mé nzé? Gua ó dí e milɛ́ʼlá me dí edwě twǐʼ njʉ̌m dǐ mí.

2 Korɛnt 1:19

Ebě, Yésʉs-Krîst, Mwân mé Nzyɛ̌m, nye ó waá bɨ́h á lɛ́ɛ lɔ́ɔ́ wé páʼ nyɨ́n nyá. (Náǎ, yé á be ó bɨ̌h e Silâs ti e Timotɛ̂.) Nzyɛ̌m á bé acâb ɨ́ jɔʼ nyé á lwib e mɨná gá yɨ́. Nye á bé alɛ́ɛ «Eee!» ti e «Heʼé!» ɨ́ jɔʼ gwár. Nye á jaa lɛ́ɛ ó, njɨ: «Eee!»

Ebrœ̂ 3:12

Bɨ́ɔɔ́ bâm! Okɛ́l bâm! Gwá di gá le ocwóó, ó mʉr ɨ́ sɔ́má yɨ́n ayɨ́ be e lémé dí ɨ́ lele lɨ́ ebúʼla wɨ́. Nyě sá agbɔba e Nzyɛ̌m dí kublakúbla nyá.

Ebrœ̂ 9:14

á dwɛʼra e metié mé Krîst! Nye ókʉ́ pubo mípahlá mílémé gá míná, e nzɨ̌ Sísǐm mé Nzyɛ̌m dí edǐ njʉ̌m dǐ e njʉ̌m dǐ wɨ́. Mɨná damá sâ gá Nzyɛ̌m bisyɛ́ɛla bi dí mpʉ mímúu bí, mɨná bé ógwá pubɔɔ gá tɨ̂ʼ ó e metié mé, ánta nye, maá nyé mʉr tɨ̂ʼ á nkɛ́ɛ, tó dwě Nzyɛ̌m Sɔ́ŋ má. Nye á be ntémé ó, abe e sâ gwár bʉ̂r, bé á gwa dwe nye mebě tɨ̂. Ɨ́ tɨ̂ʼ ó mɨ́ná bé ókǎ sâ gá Nzyɛ̌m dí kublakúbla nyá gwɨ́hlá óbûʼla mpâ yɨ́.

Mɨngwiha 7:2

Me á si bee ntémé nyʉ́ʉ́ éngeles á duhǒ nko dʉ́o dí ejɨma yɨ́ nyá. Nzyɛ̌m dí kublakúbla nyá, á ntɨh nye ó e sitâm yé ɨ́ mbô. Nó nyé á bee beéngeles onâ baá, baá Nzyɛ̌m á dwe nkul ó, bé ndámaa sí ndu e mâŋ bá. Nye ntɔ̂ʼ nyémle twíí, le elɛ́ɛ ó: