Mataos 16:11 - Kálar Nzyɛ̌m : Ejwán é Sáá

¹¹ Bɨ̌n bé lɨ́ ekâr égwá jóʼo mé ɨ́ yé? Me bé alwib e bɨ̌n dumo e biblêr. Bɨ̌n a báʼ óFarizyɛ̂n le oSadwisyɛ̂n ɨ́ lɔ̌b levure yɔ́ɔ́, bé dí e yé yɨ́.»

Kálara Zyɛ̌m Edwán é mpʉ̌n

¹¹ Ebe yé bɨn ndɨ agʉa joʼo me e? Me baalwib e bɨn é lɔb bɨbler. Diʼe ga ncye e l'oFarizyɛŋ bé e l'oSadwisyɛŋ ebe levure yɔɔ bé ndɨ e ye e.»

Mataos 16:11 ပူးပေါင်းရင်းမြစ်များ

Mataos 16:6

Yésʉs nzě lɛ́ɛ e bé ó: «Bɛɛngɛ́ɛ! Bɨ̌n e báʼ óFarizyɛ̂n le oSadwisyɛ̂n ɨ́ lɔ̌b levure yɔ́ɔ́ bé dí e yé yɨ́.»

Yʉanes 8:43

Bɨ̌n bé lɨ́ ekâr égwá jóʼǒ lwǐb yâm ɨ́ yé? Ebě, bɨ̌n bé abe e nkul ejóʼǒ lɔ́ɔ́ wâm.

Lʉkas 12:56

Bɨ̌n baányâ-mikóo bâ, bɨ̌n bé lɨ́ ekʉ́ dweʼe bísâ bi dí epyâl lɨ́ ejwoo bí ndu e byaá bí sí yɨ̂. Á nó, bɨ̌n bé lɨ́ ekâr édweʼe yɨ̂ʼ jɔʼ ɨ́ yé?»

Markus 8:21

Nó nyé á dî e bé ó: «Nzê bɨ̌n bé apǎ gwá jóʼo ɛ̌?»

Markus 4:40

Nye le ompʉ́n bé ó: «Bɨ̌n jóʼó bʉ́á ɨ́ yé? Bɨ̌n bé adyɛ̂ʼwo e Nzyɛ̌m ɨ́?»

Mataos 3:7

Nó ó óFarizyɛ̂n le oSadwisyɛ̂n ɨ́ buo buo bé á nze, ó Yʉánɛs dúʼoo bé ɨ́ díbé yɨ́. Nye nzě lɛ́ɛ e bé ó: «Bɨ̌n bwá ó méjwɨ̂l bâ, nzé á pʉgʉ cɨ̂l bɨ̌n ó, bɨ̌n bé e nkul ekɨ̂ŋ nkpáa mé Nzyɛ̌m ɨ́ jɔʼ nyé ngá lɛ̂ʼle bɨ́n nyǎ yɨ́ ɛ́?

Mataos 16:1

OFarizyɛ̂n, bé le oSadwisyɛ̂n, bê nzě pyâl kwá mé Yésʉs. Bé e né ó, nye sâʼ bé esimá e nkul dí eduho ɨ́ jʉ́o kʉ́ nyɨ́. Sâ gwár, bé á lwib nó ó, lɨ́ ebóblo nyê.

Mataos 16:12

Nó yaá ó bé á ka jóʼo nye yɨ́. Nye á bé alwib e bé ɨ́ levure. Nye á lwilwib e bé ó, dumo le oFarizyɛ̂n, bé le oSadwisyɛ̂n, ɨ́ lɔ̌b mílɛ́ʼlá bé á dwidwe bʉr lɨ́ onzyɛ́h ónzyɛ́h mí.

Markus 8:15

Yésʉs ntɔ̂ʼ cɨ̂l bé ó: «Gwá baʼ gá oFarizyɛ̂n le dyɛɛ́ Erôd ɨ́ lɔ̌b levure bé dí e yé yɨ́!»

Lʉkas 12:1

Lɛŋ bá jɔʼ, entumo e bʉ̂r ntɔ̂ʼ báʼǎ swâl. Bé á be ó otɔ́ɔ́sin otɔ́ɔ́sin. Bʉr tîtibe bʉ́ʉ́ mekʉ̌. Yésʉs, nye le ompʉ́n bé ó: «Gwá baʼ gá oFarizyɛ̂n ɨ́ lɔ̌b levure bé dí e yé yɨ́. Yé ó mikóo.