Mataos 15:16 - Kálar Nzyɛ̌m : Ejwán é Sáá

¹⁶ Yésʉs ntɔ̂ʼ lɛ́ɛ ó: «Nzê bɨ̌n dína ó bigʉʼlʉgʉ́ ɛ̌?

Kálara Zyɛ̌m Edwán é mpʉ̌n

¹⁶ Yesʉs ntɔʼ lɛɛ ó: «Zê bɨn dina ó mɨmiʼ ɛ?

Mataos 15:16 ပူးပေါင်းရင်းမြစ်များ

Mataos 16:9

Nzê bɨ̌n dína apǎ gwá gʉ́a ɛ̌? Nzê bɨ̌n bé akǎ símsa bíblêr bitɛ̂n byé á jala e bʉrʉ̂m otɔ́ɔ́sin otɛ̂n bí ɛ́? Bɨ̌n bé á tœ̂ʼ bimpubuʼó bi tɨ̂, lóŋlo mékwám méntíá e byê?

Markus 9:32

Damá jóʼo nó, ompʉ́n bé, bé á bé agwá jóʼǒ sá nyé á lɛ́ɛ bé yɨ́. Bé ntémé á be lɨ́ ekpɛ́ɛ édî nyé tíá ɨ́ lɔ̌b waá.

Markus 7:18

Nó nyé á lɛ́ɛ e bé ó: «Nzê bɨ̌n dína ó bigʉʼlʉgʉ́ ɛ̌? Nzê bɨ̌n bé agʉ́a ó, ntʉ̌ sá dí eduhǒ kʉ̌l, nî ɨ́ nyʉ̂l mʉr yɨ́, dí elœʼ nyé ɨ́ míh mé Nzyɛ̌m ɛ̌?

Lʉkas 9:45

Damá jóʼo nó, ompʉ́n bé, bé á bé agwá jóʼǒ sá nyé á lɛ́ɛ bé yɨ́. Ekǎn laá, lé á be bé ó, solá, ó bé ayɨ́ kpâhwǎ jóʼo lê. Bé á be lɨ́ ekpɛ́ɛ édî nyé tíá ɨ́ lɔ̌b waá.

Mataos 15:10

Nó ó Yésʉs á jébe entumo e bʉ̂r, nzě lɛ́ɛ e bé ó: «Jóʼláá gâ! Bɨ̌n a kʉ́ gwá mɛ̂r ékǎn lɨ̂ʼ ɨ́ milémé mín.

Ebrœ̂ 5:12

Yɨ́ boó laǎ jɔʼ bɨ́n á jala le epyâl ólɛ̂ʼla yɨ́. Yé jɨ ó, bé báʼa nzě lɛ̂ʼle bɨ́n bisá bí ésôʼ bɨ́n á nyɛɛ lɛ̂ʼlɔɔ ɨ́ milɔ̌b mé Nzyɛ̌m bí. Bɨ̌n dína ó mpʉ bítyéé bi dí ede ébêl bí. Bɨ̌n bé apǎ dyɛnwa e mede mé ótɔ́má bʉ̂r.

Lʉkas 24:45

Nye ntɔ̂ʼ dib bé nzɨ̌ egʉ́ǎ sá Mekaná mé Nzyɛ̌m dí elɛ́ɛ yɨ́,

Lʉkas 18:34

Nó ompʉ́n bé, bé á bé ajóʼǒ sâ gwár ɨ́ milɔ̌b myaá. Ekǎn laá, lé á be bé ó, mpʉ̌ lwǐb ódîm. Bé á bé ajóʼǒ sɔ̂ʼ ɨ́ lɔ́ɔ waá wɨ́wɛ̂h.

Markus 6:52

Ebě, bé á bé agwá jóʼǒ sá ésimá lé ébul bíblêr lé á pʉgʉ kpɛl elɛ́ɛ yɨ́, ebě, milémé myɔ́ɔ́, myé á be ɨ́ lele lɨ́ ebúʼla.

Mataos 16:11

Bɨ̌n bé lɨ́ ekâr égwá jóʼo mé ɨ́ yé? Me bé alwib e bɨ̌n dumo e biblêr. Bɨ̌n a báʼ óFarizyɛ̂n le oSadwisyɛ̂n ɨ́ lɔ̌b levure yɔ́ɔ́, bé dí e yé yɨ́.»

Mataos 13:51

Yésʉs nzě dî e bé ó: «Nzê bɨ̌n bé lɨ́ egwá jóʼo bíkɨkɛna bîʼ bíbyɛ̂h ɛ̌?» Bê nzě sʉ nkâm.

Mataos 15:15

Nó ó Pétrus á nze lwib. Nye e né ó: «Páʼláá bɨ́h kɨkɛnǎ nɨ̌.»

Mataos 15:17

Nzê bɨ̌n dína wâʼ ó, apǎ gʉ́a, sá mʉ̂r gbá ɨ́ num yɨ́, yé laa ó ɨ́ mo tʉ́ŋlʉ̌, pyâl kʉ̌l, ntɔ̂ʼ kur ɨ́ dih ɛ̌?