Mataos 15:12 - Kálar Nzyɛ̌m : Ejwán é Sáá

¹² Ompʉ́n mé Yésʉs, bê nzě sîhlě súm nyé á be yɨ́. Bé e né ó: «Nzê gʉ́ gʉ́a ó, sá gô lɛ́ɛ́ nɨ̌, yê bé ó ebɔ̌ʼ ɨ́ nkǒ páʼ óFarizyɛ̂n ɛ̌? Lê bé sí bɨma bé ɨ́ miléme.»

Kálara Zyɛ̌m Edwán é mpʉ̌n

¹² Ompʉn mo Yesʉs ze dihle fum nye a be e. Bé e nye ó: «Zê gɨ gʉa ó, sa go lɛɛ oFarizyɛŋ nɨ, yé si bɨm be ebɔʼ é mɨleme ɛ?»

Mataos 15:12 ပူးပေါင်းရင်းမြစ်များ

Jacques 3:17

Sá ésôʼ mɨ́ná jálá le elɛ́ɛ gá yɨ́ ó yɨ̂: ocwóó dí eduho kʉ́ wɨ́, wé abe ɨ́ mpúhlá le ebébe. Píe tɨ̂, wé ó sá dí esâ ó, bʉr tíʼaa ɨ́ mepyɛbla yɨ́. Wé ó sá dí elɛ̂ʼle mʉ̂r mpʉ nyé tálaa njwɨr, le edi e léme sulá sí yɨ́. Ocwóó waá ó dí esâ ó, mʉr jɨ́ʼɨɨ bʉ́ʉ́ bʉ̂r nkoó. Wé lɨ́ edwe mʉ̂r ngwɨ́á ésâ bísyɛ́ɛla bimpâ. Wé abe e nkɔ̌m ɨ́ gúú pâʼ. Wé abe e mikóo.

Galásia 2:5

Sâ gwár, bɨ̌h bé á bé asâ bé mejóʼo, damá jóʼo ó, mâ jɔʼ tîtííǎ. Bɨ̌h bé á bé abîr ó, bé ndámaa Mbɨambɨa Lɔ́ɔ, pɛʼ ótyeetye wé. Bɨ̌h bé á kpɨkpɛl ó, bɨ̌n jóʼaa wé mpʉ wé á boo be yɨ́.

2 Korɛnt 6:3

Bɨ̌h bé agbâ mébɔ̌ʼ ɨ́ nzɨ̌, lɨ́ ebene ó, mʉr ámû jaá twe. Nó ntémé ó bɨ́h ngá séǎ syɛ́ɛ́, mʉr adwe bɨ́h mebě tɨ̂ʼ yɨ́.

Mataos 17:27

Damá be nó, mɨná bé agwɨ̂m egbâ gá bé ebɔ̌ʼ lé óbɨma bé ɨ́ miléme lɨ́. Nó, tóʼ, tó guho ésyɛb ɨ́ mâŋ. Sû esôʼ gó ójʉ̂ nyá, go e bɛ́ɛ́ nyé num. Go ókœ̌b nzǎŋ mɔnɨ́ tɨ̂. Nzaŋ waá, wé lɨ́ ejala e mɔnɨ́ tœ́a lɨ́ esú é bʉ̂r obá. Go e nʉ́á wê, gó otó jána mɨ́ná bitœ́a e tɨ̂.»

Mataos 11:6

Metyɛʼ me mpóm, mé díʼee e mʉr bísyɛ́ɛla byâm ngá be, abe ébɔ̌ʼ lé óbɨma nyé ɨ́ léme lɨ́ nyá.»

Mataos 15:11

Ntʉ̌ sá dí enî mʉ̂r ɨ́ num yɨ́, dí ebɛ̂ʼ páʼ mʉr, bé e Nzyɛ̌m. Mʉr bɔ́ʼá e Nzyɛ̌m ó, ɨ́ lɔ̌b ékǎn e dí eduho nyé ɨ́ num lɨ́.»

Mataos 15:13

Nye ntɔ̂ʼ yala e bé ó: «Mpeʼ yɨ́yɛ̂h Sɔ́ŋ wǎm dí ɨ́ jʉ́o kʉ́ nyá, á be abe yɨ́, yé ómunɔɔ ti e mikaalé myé mímyɛ̂h.