Mataos 15:11 - Kálar Nzyɛ̌m : Ejwán é Sáá

¹¹ Ntʉ̌ sá dí enî mʉ̂r ɨ́ num yɨ́, dí ebɛ̂ʼ páʼ mʉr, bé e Nzyɛ̌m. Mʉr bɔ́ʼá e Nzyɛ̌m ó, ɨ́ lɔ̌b ékǎn e dí eduho nyé ɨ́ num lɨ́.»

Kálara Zyɛ̌m Edwán é mpʉ̌n

¹¹ Sa ndɨ elœʼ mʉr é mih mo Zyɛm ɨ, yé abe yaa mʉr lé ede e. Sa ndɨ elœʼ mʉr é mih me e, yé ó yaa lé eduho mʉr waa é nʉm ɨ.»

Mataos 15:11 ပူးပေါင်းရင်းမြစ်များ

Markus 7:15

Sá dí eduhǒ kʉ̌l, nî mʉ̂r ɨ́ nyʉ̂l yɨ́, yé abe e nkul ebɛ̂ʼ páʼ mʉr, bé e Nzyɛ̌m. Yaá dí esâ ó, mʉr, bé e Nzyɛ̌m bɔ́ʼaa yɨ́, yé ó sá dí eduho ɨ́ lémé mʉ̂r tʉ́ŋlʉ̌, pyâl kʉ̌l yɨ́.»

Rôm 14:17

Mpóʼo mé Nzyɛ̌m, nyé abe mpóʼo mede le menyoʼ. Nye ó mpóʼo otîtyěl, mepyɛbla, ndu e bisʉhʉʉ mɨ́ná dí ebi gá e nzɨ̌ Sísǐm mé Nzyɛ̌m bí.

Rôm 14:20

Syɛ́ɛ́ Nzyɛ̌m á séa yɨ́, mʉ̌r sá andáma nyé yǎ ɨ́ lɔ̌b méde! Yê tyeetye ó, yé abe e mede me dí lwǎʼ ɨ́ míh mé Nzyɛ̌m. Mé bɨ́bébé ó, ɨ́ jɔ̌ʼ ndéá méde waá, dí esâ ó, mʉr dúmaa lɨ́ ebébe yɨ́.

Ebrœ̂ 13:9

Gwá di gá le ocwóó. Sá abîr gá ó, nyʉ́ʉ́ mʉ̂r mɛ́rɨɨ bɨ̌n lɨ́ okómó ɨ́ nzɨ̌ metwɨ́ɨ́ méswîh nyé dí edwe bɨ́n má. Ncwɨ́ncwɨ́a mé Nzyɛ̌m ó dí egbâ bʉ̂r pîm ɨ́ búʼó. Yé mbɨa ó, bɨ̌n bíʼee nkul tɨ̂. Mede bé dí elɛ́ɛ ó, mʉr, nye ɨ́ jala le ede lɨ́ esú lé édwě Nzyɛ̌m dúu tɨ̂ʼ má, mé abe e nyɔm ɨ́ páʼ bʉ̂r o dí ede mé bá.

Rôm 14:14

Ɨ́ mpúhlá nyɨ́h e Tî Yésʉs, me lɨ́ egʉ́a ntémé ó, ntʉ̌ dœʼ yé mʉr tɨ̂ʼ dí e nkul elœ̌ʼ lémé mʉ̂r. Sâ gwár, mʉr dí edě dœʼ yaá, nyɨɛ lɨ́ ejwɨʼ ó, yé ólœ̌ʼ lémé wé nyá, yé ó tyeetye: dœʼ yaá, yé ó lwǎʼ ɨ́ lémé mʉ̂r waá.

2 Pyɛr 2:18

Bé lwilwib ó e mekǎn mé jáálé, maá me dí dwêh má. Ɨ́ nzɨ̌ bigwɨ́má ményʉ́l mébomo mɔ́ɔ́, bé lɨ́ edulo bʉ̂r o bé alúno syɛb ményʉ́l mɔ́ɔ́ ɨ́ sɔ́má bígʉʼlʉgʉ́ bá.

Títos 1:15

Sá yɨ́yɛ̂h, yé mû ó pubá lɨ́ esú é bʉ̂r mû mipubá bá. Sâ gwár, bʉr o b'á lœʼ menyʉ́l mɔ́ɔ́, baá dína apǎ dyɛ̂ʼwo e Nzyɛ̌m bá, yé abe e sâ gwár dí pubá ɨ́ wɔ́ɔ́ pâʼ. Bisá bíbyɛ̂h, byê bé ó, ɨ́ lwaʼwo lwaʼwo, ebě, bé á si lœʼ ocwóó wɔ́ɔ́ le milémé myɔ́ɔ́.

Mataos 15:10

Nó ó Yésʉs á jébe entumo e bʉ̂r, nzě lɛ́ɛ e bé ó: «Jóʼláá gâ! Bɨ̌n a kʉ́ gwá mɛ̂r ékǎn lɨ̂ʼ ɨ́ milémé mín.

Mataos 15:12

Ompʉ́n mé Yésʉs, bê nzě sîhlě súm nyé á be yɨ́. Bé e né ó: «Nzê gʉ́ gʉ́a ó, sá gô lɛ́ɛ́ nɨ̌, yê bé ó ebɔ̌ʼ ɨ́ nkǒ páʼ óFarizyɛ̂n ɛ̌? Lê bé sí bɨma bé ɨ́ miléme.»

1 Timotɛ 4:3

Bé lɨ́ ekamle bʉ̂r lɨ́ ebâ, le etíl bé mʉ́ʉ́ méde. Tó kœb ó, Nzyɛ̌m á komlo mede maá ó, lɨ́ esú lé édeŋɔɔ. Bʉr o dí egʉ́a ótyeetye le ebúʼla wé bá, bé óde mé ó, bé osí pǎ jɨʼla e Nzyɛ̌m, le edwe nyé nzyǒo tɨ̂.