Mataos 15:10 - Kálar Nzyɛ̌m : Ejwán é Sáá

¹⁰ Nó ó Yésʉs á jébe entumo e bʉ̂r, nzě lɛ́ɛ e bé ó: «Jóʼláá gâ! Bɨ̌n a kʉ́ gwá mɛ̂r ékǎn lɨ̂ʼ ɨ́ milémé mín.

Kálara Zyɛ̌m Edwán é mpʉ̌n

¹⁰ No ó Yesʉs a jebe ntuntuma bʉr, ze lɛɛ e be ó: «Mbɛngɛɛ, bɨn bé à kʉ gʉa joʼlo ga sa yi.

Mataos 15:10 ပူးပေါင်းရင်းမြစ်များ

Kolosi 1:9

Sá tɨ̂ʼ ó bɨ́h jɨʼlá e Nzyɛ̌m lɨ́ esú lɨ́n, agwâʼ yɨ́. Táare ɨ́ móhó bɨ́h á jóʼo bé lɨ́ elwib, dumo e bɨ̌n wɨ́, nzě kumǒ kumáa mûh, bɨ̌h jɨʼlá e Nzyɛ̌m ó, nye lóŋlaa bɨ̌n pɨʼ dí ó, bɨ̌n gʉ́ŋaa sá nyé á tíʼe ɨ́ lémé wé yɨ́. Nye dwêʼ bɨ̌n ocwóó wɨ́wɛ̂h, le esâ ó, bɨ̌n gʉ́ŋaa milɛ́ʼlá Sísǐm mé Nzyɛ̌m dí edwe mí.

Lʉkas 24:45

Nye ntɔ̂ʼ dib bé nzɨ̌ egʉ́ǎ sá Mekaná mé Nzyɛ̌m dí elɛ́ɛ yɨ́,

Éfɛsɔs 1:17

Me lɨ́ ejɨʼla e Nzyɛ̌m dí e kûm, waá dí Sɔ́ŋ mé Tî gá wɨ́ná, Yésʉs-Krîst nyá, ó nye tyɛ́bɨɨ bɨ̌n ɨ́ miléme, ó bɨ̌n twólwaa, le ntémé ó, nye gwíhɨɨ bɨ̌n misolá mílɔ̌b myé. Myé óbe bɨ́n e nyɔm, lɨ́ esú ó, bɨ̌n gʉ́ŋaa nye.

Mataos 24:15

Nó ó Yésʉs á lɛ́ɛ e bé ó: «Bɨ̌n bé óbee mʉ̂r bé jɨ́jébé ó, “Mentuhlobʉr” nyá. Nye ótêʼwo bʉ̂r ɨ́ mîh gúmó dí ti yɨ́, mpʉ ngwíha milɔ̌b Daniel á boo lɛ́ɛ yɨ́. (Mʉr dí eláǎ lɔ̌b wɨ̂ʼ nyá, nye gwâ jóʼo wê!)

Mataos 13:19

Jɔʼ mʉ̂r dí elɛ́ɔɔ̌ Mbɨambɨa Lɔ́ɔ́ dí edumo e Mpóʼo mé Dâ Nzyɛ̌m wɨ́, nye l'agbâ wé ɨ́ nkɔb yɨ́, mʉr waá nwɨɨla ó, le empah e nzɨ́, gúmó mémpeʼ mé á kukur yɨ́. Sátan ntɔ̂ʼ pyâl, nzě dɛ̂ʼ mpeʼ yé á kur ɨ́ lémé mʉ̂r waá yɨ́.

Jacques 1:5

Nyʉ́ʉ́ mʉ̂r ɨ́ sɔ́má yɨ́n bé lɨ́ ejɨ ócwóó nó, nye jáʼaa Nzyɛ̌m wǎ. Nye ókʉ́ dwe nyé wǎ. Nzyɛ̌m dwídwé bʉ̂r ocwóó ó, dwě dwêʼ, abe e túú ɨ́ léme.

Mataos 15:9

Júú bé dí edwe mé yɨ́, yé ó kwahaá tʉ̂toʼó, ebě, milɛ́ʼlá bé dí edwe bʉ̂r mí, myé jaá duho ó, njɨ ɨ́ metié me bʉ̂r.”»

Mataos 15:11

Ntʉ̌ sá dí enî mʉ̂r ɨ́ num yɨ́, dí ebɛ̂ʼ páʼ mʉr, bé e Nzyɛ̌m. Mʉr bɔ́ʼá e Nzyɛ̌m ó, ɨ́ lɔ̌b ékǎn e dí eduho nyé ɨ́ num lɨ́.»