Mataos 13:52 - Kálar Nzyɛ̌m : Ejwán é Sáá

⁵² Nye nzě lɛ́ɛ e bé ó: «Lɛ̂ʼla metié nyɨnyɛ̂h mû mpʉ́n ɨ́ Mpóʼo mé Dâ Nzyɛ̌m nyá, nyě nwɨɨlá ó e mʉr mbɛ̌r dí etʉ̂to lɨ́ ekʉ̌m lé, nʉnʉa bísá byé tɨ̂. Yɨ̂ʼ jɔʼ, nyě nʉá ó bisá bídwân. Yʉ́ʉ́ jɔʼ, nʉa byaá bi myâ.»

Kálara Zyɛ̌m Edwán é mpʉ̌n

⁵² Nye ze lɛɛ e be ó: «Ebe no, yeʼle motie nyiwɛh mu mpʉn é jwɨ̀ʼa mo Da ɛ, nye enwɨɨla ó e mʉr mbɛr lé eto-to é l'ekʉm le, to nʉa-nʉa bɨsa bye tɨʼ ɨ. Yiʼ jɔʼ, nye ebula ó e bɨsa modwan; yʉʉ jɔʼ, bula e bɨsa bɨmya.»

Mataos 13:52 ပူးပေါင်းရင်းမြစ်များ

Títos 1:9

Nye díʼee lará e lɔ́ɔ́ búʼó yɨ́ná, waá bé dí eboó lɛ̂ʼle wɨ́. Nó ó nyé óbe e nkul egwá tɨ́e bʉ́ʉ́ bʉ̂r yɨ́. Lɛ́ʼlá mpâ mɨ́ná dí edwe gá wɨ́, wé ólɛ̂ʼle bʉ̂r o dí epére mékǎn e mɨná bá bigwǐh byɔ́ɔ́.

Mataos 12:35

Mʉr dí ɨ́ mbɨa nyá, nʉnʉa bísá bí émbɨa byé ó, lɨ́ ekʉ̌m empâ lé tʉ́ŋlʉ̌, ntɔ̂ʼ pyêl byé kʉ̌l. Mʉr dí ɨ́ bébe nyá, nʉnʉa bísá bí ébébe byé ó ɨ́ bébebébe ekʉ̌m lé, pyêl byé kʉ̌l.

Lʉkas 11:49

Sɨ́ǎ yaá ó, Nzyɛ̌m dí elɛ́ɛ lɨ́ ocwóó wé ó: “Me ólómlo bé ogwíha o mílɔ̌b ndu e bʉr o mílʉ́mlʉ́ bâm. Bé ójʉ̂ bâʼ ó jʉ́ʼóo, tíble bʉ́ʉ́ tíbláa” yɨ́.

Mataos 23:34

Sá tɨ̂ʼ ó mé dí elómlo bɨ́n ogwíha o mílɔ̌b, ndu e mipɨpɨ́ʼ mí bʉ̂r le olɛ̂ʼla yɨ́. Bâʼ bʉ̂r, bɨ̌n bé ójʉ̂ ó jʉ́ʼóo. Bʉ́ʉ́, bɨ̌n bé óbomlo ɨ́ bikolôs. Bʉ́ʉ́ ntémé, bɨ̌n bé óŋmɛ̂h míngáhá ɨ́ mempáh mínjɨʼla mɨ́n. Bɨ̌n bé ótíble bé bínkana e bínkana byɛ̂h.

Kolosi 3:16

Kamaa gá ó, lwǐb mé Krîst, yé lóŋlaa milémé mín. Milémé mín, myé díʼee ekʉ̌m lɨ́ esú é lwǐb yé yaá. Jwidweelaa gá páʼ nyɨ́n milɛ́ʼlá mi dí le ocwóó mí. Jwidweelaa gá metwɨ́ɨ́ páʼ nyɨ́n. Jyɛyɨɨ gá meswɨ̂ʼlɨ lɨ́ esú é Nzyɛ̌m, mejéme, ti e bidyɛɛ́ biswîh Sísǐm ngá lɛ̂ʼle bɨ́n bí. Mejéme maá, mé óduho ó, bɨ̌n ɨ́ miléme mi dí edwě Nzyɛ̌m nzyǒo mí.

Kolosi 1:7

Yé ó mpʉ bɨ́n á jóʼo lɔ́ɔ waá e nzɨ̌ mé Epafrâs yɨ́. Nye ó mʉr bɨ́h e né dí eséǎ syɛ́ɛ́ Nzyɛ̌m, waá bɨ́h dí ekpɛl nyá. Nye ó mʉr ebúʼlɔɔ dí ekʉ́ séa e Krîst lɨ́ esú lɨ́n nyá.

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

Yʉanes 13:34

Me mû ó lɨ́ etyêl bɨ́n edwán lé étié: kpɛlaa gá páʼ nyɨ́n mpʉ mé á kpɛl bɨ̌n yɨ́.

Éfɛsɔs 3:4

Bɨ́n láá mékaná mâʼ nó, bɨ̌n bé ojʉ̂ʼrǎ sá mé mû sí gʉ́a ɨ́ pébébé, dumo e Krîst yɨ́. Sâ yaá, yé á nyɛɛ be ó lwǐb ódîm.

2 Korɛnt 6:10

ɨ́ jɔʼ bé dí egbâ bɨ́h ebúʼ ɨ́ miléme, bɨ̌h bɨɛ yɨ́ɛ bʉr o dí esoho ɨ́ jɔʼ yɨ́yɛ̂h bá yɨ́, ɨ́ jɔʼ bɨ́h dí lɨ́ edyêb, bɨ̌h bɨɛ lɨ́ edwe bʉ̂r ɨ́ buo buo okúm le ogbaa yɨ́, ɨ́ jɔʼ bɨ́h dí abe e sɔ̂ʼ, bɨ̌h bɨɛ yɨ́ɛ e sá yɨ́yɛ̂h yɨ́.

1 Timotɛ 3:6

Nyé ajala le ebe mʉ̂r alúno dwirǎ léme, nî ɨ́ búʼó nyá. Yé ámû jaá sâ ó, nye nkɛ́yɨɨ nyʉ̂l. Nyé odumǎ mpʉ̌ sɔ́ŋ meleme á duma yɨ́. Nyé osia e bintɨ́ʼá bimpwár ntémé sɔ́ŋ meleme á sia e byé bí.

Mataos 13:51

Yésʉs nzě dî e bé ó: «Nzê bɨ̌n bé lɨ́ egwá jóʼo bíkɨkɛna bîʼ bíbyɛ̂h ɛ̌?» Bê nzě sʉ nkâm.

Mataos 13:53

Jɔ̌ʼ Yésʉs á sil elwib e bé ɨ́ nzɨ̌ bikɨkɛna byaá yɨ́, nye ntɔ̂ʼ laa tɨ̂.

Mataos 28:19

Nó ó, tóʼ gá ɨ́ sí yɨ́yɛ̂h. Bɨ̌n a sá bíkúl bíbyɛ̂h ompʉ́n bâm. Bɨ̌n bé odu bé ɨ́ díé é Sɔ́ŋ, le Mwân le Sísǐm mé Nzyɛ̌m.